TITO 2:11 - Lengua Sur (Enxet) Nuevo Testamento

¹¹ Enxekmósek axta negko'o Dios ektémakxa segméso naksa segemleykekxoho, cham'a segemleykekxoho elwagkasama nak cha'a teyp apyókxoho énxet.

TITO 2:11 Referans Kwoze

1 TIMOTEO 2:4

Hakte apmenyék Dios ólwagkasaxchek teyp negyókxoho nak, apmenyék nahan agya'ásegwók ma'a amya'a ekmámnaksoho nak.

EFESIOS 2:8

Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso.

HEBREOS 2:9

Jesús akke negwet'ak negko'o, cham'a aptemésesa axta Dios kónegók yakwatakxoho nepyeseksa apkelásenneykha apkeleñama nak néten, negwet'ak nahan kélmésa apcheymákpoho tén han kélmésa ekyawe kéláyo, eñama m'a apketsapma axta. Segásekhayo axta keñamak Dios apkeltémo yetsapok Cristo yakwayam hempasmok negyókxoho negko'o.

EFESIOS 2:5

ékeso eñamakxa segmeyáseykxo nak ekyennakte egnenya'ák xamo' Cristo, cham'a nentémakxa axta makham máxa eghapák eñama m'a nentémakxa axta mólya'asáxma. Apmések axta aksa kéxegke Dios kélwagkásamáxche teyp eñama m'a ektémakxa nak segemleykekxoho.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

ROMANOS 5:15

Magwanchek eyke aghéshok aptémakxa ekmaso Adán ma'a aksok segméso naksa axta negko'o Dios. Xama énxet aksok ekmaso apkelané axta keñamak apxámokma cha'a apkeletsapma énxet; wánxa agkok, méko eyke kaxhok ma'a aksok segméso naksa axta Dios meyke ekyanmaga eñama m'a xama énxet apwesey nak Jesucristo, cham'a ekpasmoma nak han apxámokxoho énxet.

SAN JUAN 1:14

Enxet apagko' axta aptamheykekxak ma'a ektaha nak Appeywa, aphegkek axta nahan negyeseksa, negwet'ak axta anhan negko'o ektémakxa apcheymákpoho. Cháxa apcheymákpoho apmésa axta Apyap eñama apteme wánxa xama Apketche xa. Láneyok axta apwáxok segásekhayo tén han ma'a ekmámnaksoho nak.

LOS HECHOS 11:23

Xama axta apwokmo Bernabé m'a, apwet'ak axta ektémakxa aksok eltakmela eleñama néten apméso Dios xa énxet'ák nak. Awanhok agko' axta anhan ekpayheykekxa apwáxok. Apkeltennásek axta énxet'ák apkeltamho elenxanmohok apteme melya'áseyam Wese' egegkok.

LOS HECHOS 20:24

Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.

SAN LUCAS 3:6

Apyókxoho énxet sat étak xa nelmeyamáxche apcháphasa nak Dios.’ ”

1 TIMOTEO 1:14

Cháxa aptahakxa axta Wese' egegkok seyanchesáso segkésa aksa m'a ektémakxa nak segemleykekxoho, egkések axta may'áseyam, tén han ma'a negásekhayo ekyetnamol'a nenteme nak negyepetcheyo Cristo Jesús.

ROMANOS 5:2

Cristo keñamak negkegwagko negko'o agyo'ókxak kaxwo' Dios eñama m'a magya'áseyam nak, yakwayam enxoho kalkohok apwáxok negko'o Dios. Magyensakmok nahan negyennaktésamo nenteme magya'áseyam, awanhek nahan negko'o ekpayheykekxa egwáxok neyseksók nelhaxanma hegwatámhok negko'oxa m'a ektémakxa nak Dios apcheymákpoho.

COLOSENSES 1:6

Payhekxeyk nahan kaxwo' ekyókxoho yókxexma xa amya'a kéltennáseykencha'a axta kéxegke, tekkesesek nahan aksok eltakmela eleñama néten énxet'ák, ekhawo ektahakxa axta anhan kélnepyeseksa kéxegkáxa, cham'a sekxo' axta kélleg'a kéxegke ektémakxa segásekhayo Dios, cham'a kélya'ásegwokmo axta nahan ektaha ekmámnaksoho m'a ektémakxa nak segásekhayo Dios.

GÁLATAS 2:21

Momenyék ko'o ataknók ma'a ektémakxa nak segméso naksa Dios segemleykekxoho; enxénchek agkok negko'o Dios nentaha nelpéwomo eñama m'a eltémókxa nak antehek segánamakxa, mékoho axta katnégwók ma'a apketsapma axta Cristo.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

LOS HECHOS 13:47

Hakte axta aptemék segánagkama negko'o Wese' egegkok se'e: ‘Ektemésesek xép máxa elseyexma nepyeseksa apyókxoho pók aptémakxa énxet'ák nak yakwayam enxoho esawha exchep se'e nelwagkásamáxche teyp ahagkok nak ekweykmoho m'a makhawók agko' nak.’

LOS HECHOS 13:43

Xama axta elwátesáxko apchakneykekxa énxet'ák kañe' apchakneykekxexa énxet'ák judíos, apxámok axta énxet'ák judíos apyetleykekxa Pablo tén han Bernabé. Axta anhan ma'a énxet'ák apkelyetleykekxo axta apkeltémakxa énxet'ák judíos. Apmések axta appeywa apkeltamhok yásenneykxak ma'a ektémakxa nak segásekhayo Dios.

SAN JUAN 1:9

Wayak axta elseyexma ekmámnaksoho agko' keso náxop ektaha nak elsásesóxma apyókxoho énxet'ák.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN MARCOS 16:15

Aptahak axta apkeláneya s'e: “Kólmohok ekyókxoho yókxexma, kóllegés nahan apyókxoho énxet'ák se'e amya'a segwagkasamo nak teyp.

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

HEBREOS 12:15

Kóllenxánem megkólyensemek ma'a ektémakxa nak segméso naksa segemleykekxoho Dios, yakwayam enxoho metnehek kélxama kéxegke m'a ektémakxal'a yámet egkepmenák ekmáskel'a, cham'a étsagkasamol'a énxet, tén han ma'a ekwayol'a énxet'ák.

2 TIMOTEO 4:17

Wánxa agkok, Wese' egegkok axta eyke epasmak ko'o, egkések axta sekyennakte, yakwayam enxoho wawának alenxanmohok seltenneykha tásek amya'a, tén han añeksek tásek amya'a m'a énxet'ák melya'áseyak nak Dios. Cháxa setnésesakxa axta semyawa Wese' egegkok keto' sekmatñamakxa xa.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

ROMANOS 10:18

Ektahak ko'o selmaxneyeykha s'e: ¿Enxeykel'a ellegeyk énxet'ák tásek amya'a? ¡Apkellegaye'! Hakte temegkek eknaktáxésamaxche s'e: “Ekyókxoho yókxexma axta payheykekxak apkeltenneykha xa énxet'ák nak, sawheykekxók axta apkeltenneykha keso náxop.”

LOS HECHOS 17:30

Axta yenmexmók Dios ektémakxa axta melya'áseyak aksok énxet'ák nano' axta, kaxwo' eyke apkeltamhok negko'o agyakmagkasek egwáxok Dios negyókxoho nak, tén han ma'a ekyókxoho yókxexma nak.

2 TIMOTEO 1:10

enxekmósek kaxwo' negko'o m'a segásekhayo nak, cham'a apwa'a axta Wese' egegkok Jesucristo aptaha nak segwagkaso teyp, aptaha nak han apmaséso m'a ektémakxa axta ekmowána nétsapma, cham'a appekkenákxo axta yáxñakxoho m'a ekyennakte egnenyek megkatnegwayam enéxa nak, eñama m'a amya'a ektakmela nak.