TITO 1:8 - Lengua Sur (Enxet) Nuevo Testamento

⁸ Wánxa agkok, kéméxchek cha'a emok takha pók exnésók ma'a apxagkok, tén han etnehek ma'a énxet ektakmela nak aptémakxa, cham'a apmopwána nak elanagkohok aptémakxa, kéméxchek nahan etnehek ma'a ekpéwomo nak aptémakxa, etnehek nahan appagkanchásamap Dios, etnehek nahan cha'a meyenseyam apkelané aptamheykha.

TITO 1:8 Referans Kwoze

1 TIMOTEO 3:2

Ekeso eñamakxa eyéméxko nak etnehek meyke kélxéncháseykekxoho aptémakxa énxet ektaha nak apxegkeso kélakneykekxexa, kéméxchek etnehek wánxa xama aptáwa, etnehek nahan apmopwána apkeláneykegkoho aptémakxa, etnehek nahan ekha apya'áseykegkoho, etnehek nahan ektakmela aptémakxa. Kéméxchek cha'a emok takha' pók exnésók ma'a apxagkok; kéméxchek nahan etnehek ma'a apmopwána nak elxekmósek apnámokkok;

TITO 2:7

etne exchep xa ektakmela aptémakxa, cham'a ekyókxoho aksok apkelanakxa enxoho, yakwayam enxoho elyetlakxak aptémakxa exchep xa wokma'ák nak. Apkelxekmósek agkok xép wokma'ák, etakmelchesho cha'a apkelxekmóso, ná etne aksa aptemesáseykha aksa apkelxekmóso,

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

1 SAN JUAN 3:14

Negyeykhayak axta negko'o nétsapma negmoma ekyennakte egnenyek, negya'ásegkok nahan negko'oxa xa, hakte nelásekhayók negko'o ẽlyáxeg'a nentémo xamo' nak magya'áseyam. Kéxegke ektahakxa enxoho megkólásekhayo kélmók, máxa kéletsapma makham kóltehek.

1 TIMOTEO 6:11

Xép, aptaha nak Dios énxet apagkok, étnakhes ekyókxoho xa ektéma nak. Etne ekpéwomo aptémakxa, etne appagkanchásamap Dios, etne mey'áseyam, tén han apchásekhayo, tén han apkelenxányam, etne nahan megkeymáxkoho apwáxok.

1 TIMOTEO 4:12

Neygyoho aksa kólwanyohok xép eñama apteme apketkok. Wánxa agkok kéméxchek xép etnehek ektakmela appeywa yakwayam enxoho elyetlakxak ma'a énxet'ák apteme nak melya'áseyam, tén han etnehek ektakmela aptémakxa, tén han keytek xép ma'a apchásekhayo nak, tén han keytek xép ma'a mey'áseyam nak, tén han etnehek eyáxñeyo aptémakxa.

1 TESALONICENSES 2:10

Kéxegke kélteme kélwetayo nentéma axta negko'o ektakmela nentémakxa, tén han ekpéwomo nentémakxa, tén han meyke sẽlxéncháseykekxoho nak nentémakxa kélnepyeseksa kéxegke kélteme nak megkólya'áseyam. Dios nahan ektaha apwetayo nentéma negko'o xa.

2 TIMOTEO 3:3

Metnehek sat apchásekhayo pók, megyepyósek sat nahan elanok pók, apkelya'áseyam ekmaso sat etnahagkok, mopwanchek sat elenmaxakpohok ma'a aksok ekmaso apkelyespagko nak, ellegásesagkohok sat nahan apnámokkok, etaknók sat ma'a ekyókxoho aksok ektakmela nak.

2 TIMOTEO 2:22

Neytlakxa aksa aksok negyespagko nenteme nak egketkok, etne nahan ekpéwomo aptémakxa, tén han mey'áseyam, tén han apchásekhayo, tén han meyke ektahakxa apwáxok, yetlo m'a apyókxoho énxet'ák apkelwóneykha nak Wese' egegkok eñama eláxñeyo apwáxok.

SAN LUCAS 2:25

Aphegkek axta xama énxet apwesey axta Simeón ma'a tegma apwányam Jerusalén. Enxet appéwomo axta m'a, elpeykeshok axta cha'a Dios, apkelhaxanmeyk axta anhan etnésásekxak Dios énxet'ák Israel ma'a ektémakxa axta apheykha nano'. Espíritu Santo axta aphak xamo' ma'a Simeón,

LOS HECHOS 24:25

Xama axta apxéna Pablo m'a nentémakxa ekpéwomo nak, tén han ma'a ektémakxa nak negmowána anlanagkohok nentémakxa, tén han ma'a yakwánxa sat etnehek segyekpelchémo Dios egmonye sat, apyegwakkek axta Felix, aptahak axta apcháneya Pablo s'e: —Etakhekxa sat kaxwo', wáneyha sat makham méko enxoho selanakxa xama ekhem.