TITO 1:7 - Lengua Sur (Enxet) Nuevo Testamento

⁷ Enxet apteme nak apkemha apmonye kélakneykekxexa, elának cha'a m'a aptamheykha eñama nak Dios, ékeso eñamakxa eyéméxko nak etnehek ekpéwomo aptémakxa. Megkapayhawok etnehek ekyennakte apwáxok, megkapayhawok nahan etnehek ma'a ekmanyehe nak elwok, megkeyméxchek nahan etnehek ma'a anmenáto nak, metnehek nahan ma'a megyéso nak elwok, metnehek nahan ma'a ekmaso nak aptémakxa yepmenyéhok selyakye.

TITO 1:7 Referans Kwoze

2 SAN PEDRO 2:10

Sat ekyagwánxa agkok apkellegasáseykegkoho Dios ma'a énxet'ák apkelenxáneykmo nak apkelané apkeltémakxa ekmanyása, cham'a aptaknagko nak han ektémakxa nak kélyaheykekxoho Wese' egegkok. Kalyéha'ak nahan apwáxók xa énxet'ák nak, melyexnegwomek nahan, megyekyek nahan ewanyohok ma'a ekha nak elmowancha'a eleymáxkoho nak;

EFESIOS 5:18

Nágkólteme anmenáto, hakte katnéseshok cha'a énxet memágwayam aptémakxa xa; wánxa agkok, kólho epékesesagkok kéltémakxa Espíritu Santo.

1 SAN PEDRO 5:2

Kóltakmelches Dios apnaktóso nekkések, cháxa kélásennagkama nak kéxegke yakwayam kóltakmelchesek xa; kóllána' cha'a yetlo kélmáheyo kélagko' ekhawo m'a ektémakxa nak Dios apmopmenyého, háwe m'a kélyáteyeykegkohol'a, háwe nahan ma'a eñama nak kélmámenyého selyakye, wánxa agkok kóllána kéltamheykha yetlo kélmáheyo kélagko'.

1 SAN PEDRO 4:10

Kéméxchek cha'a kólmaha kéxegke yakwayam kólpasmok kélmók ma'a kélmowána kélxawé axta eñama Dios, ekhawo apkeltémakxal'a énxet'ák apkeltakmelchesamo nak apkelmeykha m'a apkelmopwancha'a apkelxawéyak axta eñama Dios.

SAN LUCAS 12:42

Aptahak axta Wese' egegkok se'e: “Enxet kélásenneykha meyenseyam nak aptamheykha, tén han ma'a apya'áseykegkoho nak aksok, cham'a apchásenneykekxohol'a wese' apagkok eltakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak.

TITO 2:3

Hawók nahan ma'a kelán'ák elwányam nak, kéméxchek katnahagkok ma'a ektémakxal'a kelán'ák ekteme nak eyáyo Dios. Megkatnehek ma'a eltennágwayam aksa nak nátegma ekmowána amya'a, megkatnehek nahan ma'a anmenáto nak, kéméxchek kaxekmóshok ektakmela ektémakxa námokkok,

TITO 1:5

Emenyék axta ko'o elánekxak xép ma'a eyéméxko axta kóllánekxak, cham'a sekheyásekxo axta exchep yókxexma étkok Creta, yakwayam enxoho anhan elyésha exchep ma'a apkelámha apmonye'e nak kélakneykekxexa ekyókxoho apyawakxa enxoho tegma yókxexma Creta, ekhawo m'a sektahakxa axta seyáneya exchep.

FILIPENSES 1:1

Negko'o nenteme Jesucristo apkeláneykha, ko'o Pablo, tén han Timoteo. Enxet'ák apheykha tegma apwányam Filipos negko'o nentáxesásak se'e weykcha'áhak nak, cham'a apkelánamákpoho nak Dios énxet'ák apagkok, cham'a aptéma nak han apkelyepetcheyo Cristo Jesús, yetlo m'a apkelámha apmonye nak kélakneykekxexa, tén han ma'a appasmeykha nak kéltamheykha kélakneykekxexa.

SAN MATEO 24:45

“¿Yaksak m'a kélásenneykha meyenseyam nak aptamheykha, tén han ma'a ekha nak apya'áseykegkoho aksok, cham'a apchásenneykekxohol'a wese' apagkok etakmelchesesek ma'a apkeláneykha apheykha nak apxagkok, yakwayam enxoho elmésagkok aptéyak ekwokmo enxoho apteykegkaxa aptéyak?