TITO 1:6 - Lengua Sur (Enxet) Nuevo Testamento

⁶ Enxet apkemha apmonye nak kélakneykekxexa, kéméxchek etnehek ma'a meyke kélxéncháseykekxohol'a aptémakxa. Kéméxchek etnehek wánxa xama aptáwa, kéméxchek nahan etnahagkok melya'áseyam apketchek, metnehek nahan ma'a kélya'áseykegkoho nak apkeltémakxa ekmaso, metnehek nahan ma'a kélya'áseykegkoho nak apteme melyaheykekxoho.

TITO 1:6 Referans Kwoze

1 TIMOTEO 3:12

Enxet appasmeykha nak kéltamheykha kélakneykekxexa, kéméxchek etnehek wánxa xama aptáwa tén han ey'asagkohok apkelmeykha m'a apketchek tén han ma'a ekheykha nak apxagkok.

TITO 1:10

Hakte apxámok énxet megkaleklo nak apwáxok nelxekmowásamáxche ektakmela nak, ekyagwánxa agko' nepyeseksa m'a énxet'ák apkelenxáneykmoho nak apkeláneyak ma'a sẽlkahaso kélyenyekhamol'a egyempehek, cham'a énxet'ák apxeyenmol'a aksok ektaha nak mékoho agko', cham'a apkelyexancháseykencha'awol'a énxet.

EFESIOS 5:18

Nágkólteme anmenáto, hakte katnéseshok cha'a énxet memágwayam aptémakxa xa; wánxa agkok, kólho epékesesagkok kéltémakxa Espíritu Santo.

1 TESALONICENSES 5:14

Elyáxeg, neltamhok nahan negko'o kólmések kélpeywa kéxegke m'a énxet'ák memáheyo nak eltemeykha, neltamhok nahan kólyáteyagkohok ma'a énxet'ák ektaha nak elleklámeyak, neltamhok nahan kólpasmok ma'a énxet'ák eyéméxko nak kólpasmok, neltamhok nahan kóltehek megkólpekhésamaxche nepyeseksa m'a apyókxoho énxet'ák nak.

SAN LUCAS 1:5

Aphegkek axta xama énxet aptaha axta appasmo apkelmaxnéseso Dios énxet'ák apagkok apwesey axta Zacarías, aptaha axta apkeñama nepyeseksa Abías apkelxegexma'a, Isabel axta ekwesey aptáwa, Aaron aptáwen neptámen axta m'a, cham'a aptémakxa axta makham Herodes wese' m'a yókxexma Judea.

1 TIMOTEO 1:9

Tásek kaxének egwáxok megkóllánésama segánamakxa m'a énxet ektakmela nak apkeltémakxa, akke kéllánesók segánamakxa yakwayam kañásesagkohok ma'a énxet'ák apkelenmexeykha nak segánamakxa, tén han ma'a meyke nak apkelyaheykekxoho, tén han ma'a ekmaso nak apkeltémakxa, tén han ma'a énxet'ák melya'asáxma nak, tén han ma'a énxet'ák metné nak apcháyo Dios, tén han ma'a énxet'ák metné nak apcháyo ektémakxa nak apkelpeykesamo énxet, tén han ma'a énxet'ák apkennápeykekxa nak apyepmeyk tén han ma'a enchána, tén han ma'a apyókxoho énxet'ák apchakhé nak pók,