TITO 1:5 - Lengua Sur (Enxet) Nuevo Testamento

⁵ Emenyék axta ko'o elánekxak xép ma'a eyéméxko axta kóllánekxak, cham'a sekheyásekxo axta exchep yókxexma étkok Creta, yakwayam enxoho anhan elyésha exchep ma'a apkelámha apmonye'e nak kélakneykekxexa ekyókxoho apyawakxa enxoho tegma yókxexma Creta, ekhawo m'a sektahakxa axta seyáneya exchep.

TITO 1:5 Referans Kwoze

LOS HECHOS 14:23

Apkelyésáha axta anhan cha'a xama apkemha apmonye m'a ekyókxoho apchakneykekxexa nak. Apkeltamhok axta eltakmelchesek Wese' egegkok Jesús énxet apteme axta melya'áseyam cham'a natámen aptamheyak axta nempeywa nelmaxnagko yetlo metéyak aptéyak.

1 TIMOTEO 1:3

Exnekxa' sat xép Efeso, ekhawo sektahakxa axta seyáneya amonye sekmaheyak ma'a Macedonia, yakwayam enxoho yának melxekmósek nápakha énxet'ák ma'a nelxekmowásamáxche megkamámnaksoho nak,

1 CORINTIOS 14:40

wánxa agkok, tásek eyke kóltakmelcheshok kéllané xa ekyókxoho nak.

2 TIMOTEO 2:2

Eltennés sat yakwánxa etnahagkok apkeltamheykha m'a énxet'ák kélayókxa nak, apmopwána exekmósek apnámokkok, cham'a sektahakxa axta sekpeywa apleg'a exchep nápakta'awo' apyókxoho énxet'ák.

1 CORINTIOS 11:34

Meyk agkok enchakhak kélxama, tásek etwok apto apxagkok, yakwayam enxoho melegásesagkok Dios eñama ekteme kélakneykekxa xa ektaha nak. Mók aksok sat alánekxések kéxegke, cham'a sekteyánegwákxoho sat kéxegke.

LOS HECHOS 27:21

Wenaktegkek axta anhan manto nentéyak, ékeso eñamakxa apkempákxo axta néten Pablo nepyeseksa xa énxet'ák nak. Aptahak axta apkeláneya s'e: —Selxegexma'a, tásek nak axta eykhe kólyahakxohok sekpeywa, mólantépek axta m'a yókxexma Creta, keñe axta magwetyehek negko'o s'e eyesogwayam nak nelxega, tén han xa nensexnené nak aksok egagkok.

LOS HECHOS 27:12

Sagkek axta agyeykhak apkepsamágexal'a xa tegma apwányam apyetno nak neyáwa wátsam, xegkásók axta apyókxoho énxet'ák ekxéna apwáxók ektakmela ólántépok ma'a, tén han ólenxanmohok ólwakxohok ma'a tegma apwányam apyetno nak neyáwa wátsam ekwányam apwesey nak Fenice, cham'a ekpayho nak yókxexma Creta, ekpayho nak nexcheyha tén han ekpayho nak nepyeyam, yakwayam enxoho aghakha ekwokmoho ekyeyk'a m'a apkepsamágexal'a.

LOS HECHOS 27:7

Xámchek axta ekhem neltakmelcháseykegkoho nelxega, xegkesek axta ólápagkanaxchek nelwokmo m'a nepyáwa tegma apwányam Gnido. Negyeykhágwokmek axta Salmón, neghaxnenchámekxók axta yókxexma étkok ekwesey nak Creta, hakte nenmexchek axta makham exchahayam;

LOS HECHOS 11:30

Apkelánegkek axta nahan xa. Bernabé axta kélmeyásak, tén han ma'a Saulo, axta kéláphasásak aksok ma'a apkelámha apmonye'e nak yókxexma Judea.

COLOSENSES 2:5

Maxnak eykhe ko'o sekyókxoho kélnepyeseksa kéxegke, xénchek eyke cha'a ewáxok, payhekxeyk nahan ewáxok sekwet'a kéltakmelchesamo kéltamheykha, tén han kéllenxanakmoho kélyennaktésamo kélteme megkólya'áseyam ma'a Cristo.

LOS HECHOS 2:11

judíos apancha'awók nahan nápakha, keñe axta nápakha m'a ektaha nak apkelma ektémakxa nak apkelpeykesamo Dios judíos. Apháha nahan énxet'ák apkeleñama nak Creta, tén han ma'a apkeleñama nak Arabia. Nenleg'ak negko'o apkelpakmeta nelpeywa apxéna ektakmalma m'a ektémakxa nak Dios aptamheykha.

LOS HECHOS 27:13

Apkeneykek axta elepwának elenxanmohok apkelxega énxet'ák, hakte axta keynnák sekxo' apkexchahayam yeyam, apkelxegkek axta, neyáwa wátsam ekwányam axta apkelpéwok apkelxega, cham'a ekpayho nak yókxexma Creta.

1 CORINTIOS 4:17

Cháxa keñamak seyáphásesa nak kéxegke Timoteo, aptaha nak seyásekhayo tén han aptaha hatte meyenseyam apyetlo Wese' egegkok. Sat eltennásekxohok makham kéxegke sektémakxa nak ko'o may'áseyam Cristo Jesús ma'a, ekhawo sektémakxal'a ko'o alxekmósek énxet ekyókxoho apchakneykekxexa sekmahágkaxa enxoho.

TITO 1:12

Aptahak axta apxéna apchókxa xamo' xama énxet Dios appeywa aplegaso apha axta yókxexma étkok Creta s'e: “Enxet'ák apheykha nak se'e Creta, apmopwancha'a amya'a cha'a etnahagkok, apkellamchek nahan, megyeksek nahan emayhagkok aptéyak, mopmenyék nahan eltemeykha.”