TITO 1:15 - Lengua Sur (Enxet) Nuevo Testamento

¹⁵ Enxet'ák meyke nak elenchahamaxche elchetamso apwáxók, kaxének cha'a apwáxók ektakmela antók ekyókxoho aksok; keñe m'a énxet apkelya'áseyam nak, tén han ma'a ekmaso nak elchetamso apwáxók ekyókxoho aksok cha'a kaxének apwáxók ektaha ekmanyása; hakte weykmók ekmanyása m'a ektémakxa nak elchetamso apwáxók.

TITO 1:15 Referans Kwoze

ROMANOS 14:14

Ekya'ásegkok ko'o méko xama aksok ektemésásamáxkoho agko' ekmanyása; wese' egegkok Jesús may'áseyam keñamak sektemésesa ko'o ekmámnaksoho xa. Xénchek agkok apwáxok énxet ektaha ekmanyása xama aksok, nakso' nahan etnésesek ekmanyása xa énxet nak.

ROMANOS 14:20

Nágkóltawasha aksa Dios aptamheykha eñama m'a aksok kéltamakxa nak. Ekyókxoho aksok negmowána antók; akke sagkek ma'a negmasésesa enxoho apteme mey'áseyam egmók eñama m'a nento nak.

1 CORINTIOS 10:23

Katnohok cha'a amya'a s'e: “Egwanchek anlának negko'o negmokókxa enxoho anlának.” Nakso' xa. Háwe eyke ekyókxoho aksok ekteme ektakmela. Egwanchek anlának negko'o negmokókxa enxoho anlának, wánxa agkok háwe eyke ekyókxoho aksok sempasmo segwánegkeseso aksok eleñama nak Dios.

SAN MATEO 15:18

Elchetamso apwáxok keñamak énxet ma'a ekteyapweyktamhol'a apátog; cháxa ektemésesamol'a ekmanyása apwáxok énxet nápakto' Dios xa.

ROMANOS 14:23

Enxet eyámnaksoho enxoho mey'ásegko ekpayhawo antók xama aksok esenhan ma'a megkapayhawo nak antók, apsexnánémap apagko' etnehek ma'a aptawa enxoho, hakte etwok aksa neyseksa mey'áseyak ektakmela. Ekyókxoho aksok maghaxanma nak anlának neyseksa magya'áseyak ektakmela, cháxa mólya'asáxma xa.

1 CORINTIOS 10:31

Hawók nahan ektémakxa m'a kéltawa enxoho kélto, esenhan kélyena enxoho m'a kélya nak, esenhan ma'a kéllana enxoho mók aksok, kóllána ekyókxoho aksok yakwayam kóltemésesek apcheymákpoho Dios.

LOS HECHOS 10:15

Entahak axta makham amya'a apcháneyákpo Pedro s'e: “Ná elteméses aksa ekmanyása Dios apteméseso nak negmowána antók.”

1 CORINTIOS 8:7

Wánxa agkok, háwe eyke apyókxoho énxet apkelya'áseykegkoho xa amya'a ekmámnaksoho nak. Makhemek eyke makham aptéyak nápakha énxet'ák xa nento apkenagkama nak kólmésók aksok kéleykmáseso, cham'a énxet'ák eltámeyeyak axta apkelpeykesamo aksok kéleykmáseso; ekyelkamáxkoho apteme melya'áseyam cha'a kañék ekxénwayam apwáxók ektemésesa ekmanyása apkeltémakxa, eñama m'a kéleykmáseso.

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

1 CORINTIOS 10:25

Kóltawák kéxegke ekyókxoho ápetek ekhéyak nak ma'a kélchexeykekxexa nak ápetek, meyke kélmaxneyeykha xama enxoho eñama m'a ektamheykha nak kélwáxok.

1 TIMOTEO 6:5

tén han ma'a megkamassegwayam nak apkelyamatchásamap nepyeseksa énxet ekmaso nak elchetamso apwáxok, melya'áseyak nak ma'a amya'a ekmámnaksoho nak, yának nahan cha'a kañamak senxámáseso aksok egagkok ma'a ektémakxa nak nelpeykesamo Dios.

HEBREOS 9:14

Nakso' agkok ektéma xa ektaha nak, keñe ekyagwánxa agko' katnehek ekha ekmowána m'a Cristo éma apagkok nak. Espíritu memassegwayam axta keñamak apmeyásamákpoho apagko' Cristo m'a Dios ektémol'a aksok kélméso Dios meyke ekyepetche xama aksok ekmaso, káxñeksohok nahan Cristo éma apagkok ma'a ekteyapmakxa nak ekpakmeteykha egwáxok eñama nenlané aksok segya'asamo nak nétsapmakxa, yakwayam enxoho agkegwának anlának ma'a apkeltémókxa nak anlának Dios memassegwayam nak.

HEBREOS 12:15

Kóllenxánem megkólyensemek ma'a ektémakxa nak segméso naksa segemleykekxoho Dios, yakwayam enxoho metnehek kélxama kéxegke m'a ektémakxal'a yámet egkepmenák ekmáskel'a, cham'a étsagkasamol'a énxet, tén han ma'a ekwayol'a énxet'ák.