TITO 1:11 - Lengua Sur (Enxet) Nuevo Testamento

¹¹ Tásek megkólhok elpakmétek xa énxet nak, hakte apkelya'asegkek cha'a exma apteme melya'áseyam énxet, elxekmósek cha'a m'a megkeyméxko nak eykhe kólxekmósek, yakwayam enxoho étak selyakye yetlo ekmaso apkeltémakxa.

TITO 1:11 Referans Kwoze

2 TIMOTEO 3:6

Hakte cha'a anhan apkelxegexma'a m'a énxet'ák apkelántaxnegweykmohol'a aksa kélxagkok, elyexanchesha nahan cha'a m'a kelán'ák ekmanyehe nak keytlakxak kéltemésesakxa, cham'a ekxeyenmol'a awáxok ektaha megkay'asáxma, ekmoma nak awáxok ekyókxoho aksok ekyespagkamakxa nak.

1 TIMOTEO 6:5

tén han ma'a megkamassegwayam nak apkelyamatchásamap nepyeseksa énxet ekmaso nak elchetamso apwáxok, melya'áseyak nak ma'a amya'a ekmámnaksoho nak, yának nahan cha'a kañamak senxámáseso aksok egagkok ma'a ektémakxa nak nelpeykesamo Dios.

ROMANOS 3:19

Negya'ásegkok negko'o ekyókxoho ektémakxa nak ekxeyenma segánamakxa, xeyenmék cha'a m'a énxet'ák ektaha nak apcháyo ektémakxa segánamakxa, yakwayam enxoho elwanmeyagkok apyókxoho énxet, keñe sat Dios etnehek apkelyekpelchémo apyókxoho énxet.

TITO 3:10

Apkexpánchesek agkok apnámokkok xama énxet kélakneykekxexa, xama sat etnehek apméso appeywa ekyennakte, ánet esenhan, wánxa agkok, sat agkok elyahakxohok aptemésesakxa, etekkes sat ma'a apchakneykekxexa nak énxet.

TITO 1:9

Kéméxchek meyensemek ma'a amya'a ekmámnaksoho nak, cham'a kélxekmósama axta, yakwayam enxoho nahan yepwának elwaskakkásekxohok apnámokkok, yetlo m'a nelxekmowásamáxche ektakmela nak, yakwayam enxoho anhan ellekwomhok énxet'ák apkelxeyenma nak ektaha megkamámnaksoho m'a amya'a nak.

TITO 1:7

Enxet apteme nak apkemha apmonye kélakneykekxexa, elának cha'a m'a aptamheykha eñama nak Dios, ékeso eñamakxa eyéméxko nak etnehek ekpéwomo aptémakxa. Megkapayhawok etnehek ekyennakte apwáxok, megkapayhawok nahan etnehek ma'a ekmanyehe nak elwok, megkeyméxchek nahan etnehek ma'a anmenáto nak, metnehek nahan ma'a megyéso nak elwok, metnehek nahan ma'a ekmaso nak aptémakxa yepmenyéhok selyakye.

2 CORINTIOS 11:10

Nakso' ko'o ektemesásak sekya'ásegwokmo ekmámnaksoho eñama nak Cristo, nakso' nahan ektemesásak méko kawának hemasésesek eyémáxkoho nak cha'a sekpeywa sekxeyenma xa, cham'a ekyókxoho yókxexma nak Acaya.

SAN LUCAS 20:40

Massék axta anhan apmoko elmaxneyekxohok cha'a hakte kelnawágwokmek axta.

SAN JUAN 10:12

Keñe m'a énxet keláneykha nekkések kélyanmagkaseso nak aptamheykha, apwet'ak agkok ekxegakmo aksok nawhak eklo, ekxak aksa nekkések yenyehek, hakte háwe etnehek apkelánnekyha nekkések apagko', háwe nahan katnehek apnaktóso m'a nekkések. Páxakwokmek agkok aksok nawhak eklo nekkések yakwayam kalnápok, kaxpánchesek nahan.

SAN MATEO 23:13

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.

1 TIMOTEO 5:4

wánxa agkok, yetneyk agkok étchek kelán'a tampe', esenhan ekha enxoho atawan'ák, kéméxchek sekxo' elya'asagkohok ektémakxa neltakmelcheso ekheykha enxagkok xa étchek nak, tén han xa atawan'ák nak, tén han exnéshok mók ma'a ektémakxa axta apchásekhayo apyepmeyk, hakte cháxa ektakmela antehek xa, kalkohok nahan apwáxok Dios antehek.

1 TIMOTEO 5:13

Kamhagkok nahan cha'a nátegma, megkamáheyo katneykha nahan katnekxa', háwe ekwánxa agkok ma'a megkamáheyo nak katneykha, wánxa agkok, eltennágwayam nátegma nahan katnehek, ñohok nahan katnehek ma'a ektahakxa enxoho amya'a, kaxénwók aksa ma'a megkapayhawo nak kaxének.

2 TIMOTEO 2:18

hakte apkelyetnakhásekmek ma'a amya'a ekmámnaksoho nak, apkelxénchek ekyeykhaya m'a nennakxátekhágwayam nak, aptawasáseyha nahan ektémakxa melya'áseyam nápakha énxet'ák xa apkánet nak.