TITO 1:10 - Lengua Sur (Enxet) Nuevo Testamento

¹⁰ Hakte apxámok énxet megkaleklo nak apwáxok nelxekmowásamáxche ektakmela nak, ekyagwánxa agko' nepyeseksa m'a énxet'ák apkelenxáneykmoho nak apkeláneyak ma'a sẽlkahaso kélyenyekhamol'a egyempehek, cham'a énxet'ák apxeyenmol'a aksok ektaha nak mékoho agko', cham'a apkelyexancháseykencha'awol'a énxet.

TITO 1:10 Referans Kwoze

1 TIMOTEO 1:6

Nápakha énxet'ák nahan apkelyensakmok xa, kelxegánegkásak ma'a megkaxnémo nak mók apkelpakmeyesma, cham'a apkelpakmeyesma ektaha nak mékoho agko'.

1 SAN JUAN 4:1

Elyáxeg selásekhayo, nágkolána aksa nakso' aptahakxa apkelpeywa apyókxoho énxet'ák apkelxeyenma nak apyetna Espíritu apkeñama Dios, wánxa agkok, kólyekkón aksa sekxo', yakwayam enxoho kólya'asagkohok espíritu apkeñama Dios kexaha m'a apha nak apwáxok, háwe esenhan katnehek. Hakte apsawheykekxók náxop ma'a énxet'ák apkelmopwána amya'a nak, apkelxeyenmol'a apkelpeywa ektaha eñama Dios.

GÁLATAS 2:4

Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

SANTIAGO 1:26

Xénchek agkok apwáxok enxama aptaha apcháyo Dios, wánxa agkok megkeyxnegwomek eyke m'a appeywa, megyakhémo apagko' etnehek aptahakxa, aptaha enxoho xa, mékoho nahan katnehek ma'a ektémakxa nak apcháyo Dios.

2 TIMOTEO 3:13

Kayágwomhok sat ekmaso apkeltémakxa m'a énxet elmasagcha'a nak apkeltémakxa, tén han ma'a énxet'ák sẽlyexancháseykegkohol'a, elyexanchesha sat pók, kólyexanchesha sat nahan.

LOS HECHOS 11:2

Xama axta apwákxo Pedro m'a tegma apwányam Jerusalén nápakha énxet'ák judíos apteme melya'áseyam axta apyamatcháseyha.

APOCALIPSIS 2:14

Mók xama aksok akke ektaknawasásak xép: cham'a megkólámenyého nak kólyenyekxak kélnapakha kéxegke m'a nelxekmowásamáxche eñama nak Balaam, cham'a apkeltennasama axta Balac apkeltémo elanaksek melya'asáxma énxet'ák Israel, cham'a apkelyáteyeykegkoho axta apkeltémo etawagkok nento kélméso axta kéleykmáseso, tén han apkeltémo elanagkok ma'a ekmaso nak nentémakxa mansexta.

APOCALIPSIS 2:6

Wánxa agkok, yetneyk eyke exchep xama aksok ekleyawo nak ewáxok ko'o, cham'a aptaknawásesa nak apkeltémakxa m'a ektaha nak apkelyetlo ektémakxa apkelxekmóso Nicolaus, cham'a sektaknawásesama nak han ko'o xa apkeltémakxa.

1 SAN JUAN 2:18

Etchek selásekhayo, keso ektemegwánxa néxa s'e negwánxa nak. Kélleg'ak axta kéxegke amya'a peya ewak xama énxet aptaha apkenmexeykha Cristo; apxámágkek kaxwo' énxet'ák apteme nak apkenmexeykha Cristo. Ekeso eñamakxa negya'ásegkoho nak negko'o ektaha ektemegwánxa néxa keso negwánxa nak.

2 TIMOTEO 4:4

Kamaskok sat yeyxhok ma'a amya'a ekmámnaksoho nak, wánxa sat yeyxhok ma'a ekyókxoho ektémakxa nak amya'a kéltenneykha naksal'a.

1 TIMOTEO 1:4

yakwayam enxoho anhan yának megyeyxók énxet'ák ma'a amya'a kéltenneykha naksal'a, tén han yának kamaskok apkelanawo énxet'ák ma'a ekwenakte kélnaktáxeséyak axta apkelwesey ẽlyepmeyk nano'. Katekkeshok cha'a apkelátegmomap énxet xa amya'a nak, mehempasmek nahan yakwayam agmok takha' yetlo magya'áseyam ma'a yakweykenxa nak etnehek Dios.

GÁLATAS 3:1

¡Elyéháxma kéxegke kélheykha nak Gálatas! ¿Yaksak elyeykesáxma kéxegke? Tásek axta neltennáseykha negko'o kéxegke m'a Jesucristo kélyepetchesama axta aksok ektegyéso.

LOS HECHOS 20:29

Ekya'ásegkok ko'o m'a sekxega sat peya elwak pók énxet'ák, emawhok sat emasésak ektémakxa nak apchakneykekxa énxet, máxa sat etnahagkok ma'a aksok nawha'ák ellól'a.

LOS HECHOS 15:1

Apkelwokmek axta nápakha énxet'ák Antioquía apkeleñama m'a Judea. Apkelxekmósek axta anhan ẽlyáxeg'a megkalepwagko axta elwagkasakpok teyp melánegko enxoho m'a eltémókxa nak antehek Moisés segánamakxa apagkok, cham'a sẽlkahaso kélyenyekhayol'a egyempehek.

LOS HECHOS 15:24

Nenleg'ak axta negko'o amya'a apkelxega aksa nápakha énxet meyke neltémo negko'o apkeleñama s'e, tén han nenleg'a amya'a ekyentaxnésawo kélwáxok kéxegke apkeltenneykha xa énxet'ák nak, héxta nahan kólya'ásegkok kéltahakxa kéxegke.

1 TIMOTEO 1:9

Tásek kaxének egwáxok megkóllánésama segánamakxa m'a énxet ektakmela nak apkeltémakxa, akke kéllánesók segánamakxa yakwayam kañásesagkohok ma'a énxet'ák apkelenmexeykha nak segánamakxa, tén han ma'a meyke nak apkelyaheykekxoho, tén han ma'a ekmaso nak apkeltémakxa, tén han ma'a énxet'ák melya'asáxma nak, tén han ma'a énxet'ák metné nak apcháyo Dios, tén han ma'a énxet'ák metné nak apcháyo ektémakxa nak apkelpeykesamo énxet, tén han ma'a énxet'ák apkennápeykekxa nak apyepmeyk tén han ma'a enchána, tén han ma'a apyókxoho énxet'ák apchakhé nak pók,

TITO 1:6

Enxet apkemha apmonye nak kélakneykekxexa, kéméxchek etnehek ma'a meyke kélxéncháseykekxohol'a aptémakxa. Kéméxchek etnehek wánxa xama aptáwa, kéméxchek nahan etnahagkok melya'áseyam apketchek, metnehek nahan ma'a kélya'áseykegkoho nak apkeltémakxa ekmaso, metnehek nahan ma'a kélya'áseykegkoho nak apteme melyaheykekxoho.

1 SAN JUAN 2:4

Aptemék agkok appeywa enxama s'e: “Ekya'ásegkok ko'o Dios”, keñe melyahakxók ma'a apkeltémókxa nak antehek Dios, apmopwána amya'a énxet apteme enxoho xa, megkeytek nahan apwáxok ma'a amya'a ekmámnaksoho nak.

SAN MATEO 23:14

Kéxegkel'aye kélxekmóso nak kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kéltémakxa, hakte kólyementamhok cha'a kéxegke axanák ma'a kelán'ák tampe' nak, kólwenaktéshok nahan cha'a nempeywa nelmaxnagko yakwayam megkeykpelchexchek kéltahakxa. Ekeso eñamakxa peya nak kólxawak kéxegke ekyawe kéllegasáseykegkoho.