TITO 1:1 - Lengua Sur (Enxet) Nuevo Testamento

¹ Ko'o Pablo sekteme Dios apkeláneykha tén han sekteme Jesucristo seykha amya'a apagkok, cham'a aptaha nak seyápháseykha yakwayam enxoho atnésesagkok melya'áseyam ma'a ektaha nak Dios apkelyéseykha, yakwayam enxoho nahan elya'ásegwomhok amya'a ekmámnaksoho eñama s'e ektémakxa nak negáyo negko'o,

TITO 1:1 Referans Kwoze

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

1 TIMOTEO 6:3

Yetneyk agkok énxet apkelxekmóso m'a nelxekmowásamáxche mók ektémakxa nak, megkaxnémo enxoho ekxeyenma apwáxok se'e ektémakxa nak negko'o nelxekmowásamáxche ektakmela eñama nak Wese' egegkok Jesucristo, cham'a megkaxnémo nak han apwáxok ektémakxa nak negko'o nelxekmowásamáxche eñama s'e negyetlama nak ektémakxa nelpeykesamo Dios,

2 TIMOTEO 2:25

tén han egkések appeywa yetlo megkeymáxkoho apwáxok ma'a énxet'ák sẽlenmexeykha nak, eleyxmakha aksa elyakmagkasesek apwáxók Dios, tén han elyekpelchásesamhok ma'a amya'a ekmámnaksoho nak,

2 TIMOTEO 2:23

Néwhánekxoho aksa exchep ektémakxa nak elenmexamaxche apkelpakmeyesma énxet, cham'a ektaha nak amya'a ekyéháxma, tén han ekteme mékoho; apya'ásegkok xép katekkeshok cha'a nelenmexamaxche xa.

2 SAN PEDRO 1:3

Egmések axta negko'o Dios ekxámokxoho aksok eyéméxchexa nak negko'o yakwayam enxoho antehek negyetlo Cristo tén han antehek nempagkanchásamáxche Dios eñama m'a apmopwána nak, cham'a segyekpelchásesakmo axta Dios ma'a Jesucristo, cham'a Jesucristo aptaha axta segwóneykha negko'o eñama m'a ektémakxa nak apcheymákpoho, tén han eñama m'a ektémakxa nak ektakmela aptamheykha.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

2 SAN PEDRO 3:11

Kéméxchek kéxegke kólpagkanchesaxkohok kélagko' ma'a Dios, tén han kóltehek ektakmela kéltémakxa, hakte ekyókxoho aksok sat katnehek kélmaséseyam xa ektaha nak.

1 TIMOTEO 2:4

Hakte apmenyék Dios ólwagkasaxchek teyp negyókxoho nak, apmenyék nahan agya'ásegwók ma'a amya'a ekmámnaksoho nak.

COLOSENSES 2:2

Ekwaskápeykxók ko'o yakwayam enxoho elxawagkok ekmayheykegkoho apwáxók xa énxet'ák nak, yakwayam enxoho megyexpanchesakpek eñama m'a apkelásekhamakpoho nak, yakwayam enxoho nahan katnehek ekyawe agko' apkelya'ásegwayam, cham'a ekmowána nak kalya'asásegwók ma'a megyahayo axta kólya'asagkohok Dios, cham'a aptaha nak Cristo.

FILIPENSES 1:1

Negko'o nenteme Jesucristo apkeláneykha, ko'o Pablo, tén han Timoteo. Enxet'ák apheykha tegma apwányam Filipos negko'o nentáxesásak se'e weykcha'áhak nak, cham'a apkelánamákpoho nak Dios énxet'ák apagkok, cham'a aptéma nak han apkelyepetcheyo Cristo Jesús, yetlo m'a apkelámha apmonye nak kélakneykekxexa, tén han ma'a appasmeykha nak kéltamheykha kélakneykekxexa.

2 CORINTIOS 1:1

Ko'o Pablo, sekteme Jesucristo seykha amya'a apagkok eñama Dios apmopmenyého, eyáphásesek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak yókxexma Acaya, yetlo nahan sekxegexma egyáxeg Timoteo.

LOS HECHOS 13:48

Xama axta apkelleg'a énxet'ák metnaha judíos xa, kelpayhekxeyk axta apwáxók, apkelxénchek axta amya'a eñama nak Dios ektaha ektakmela; axta elya'ásekmok ma'a apyókxoho kélpagkancheso axta yakwayam elxawagkok ekyennakte apnenya'ák.

EFESIOS 2:8

Kélwagkásexchek axta kéxegke teyp eñama m'a apméso naksa axta kéxegke Dios ma'a ektémakxa nak segemleykekxoho, eñama m'a kélteme nak megkólya'áseyam. Háwe eyke kélweté kélagko' kéxegke xa, kélxawé axta eñama Dios apméso.

1 SAN JUAN 2:23

Negko'o ektahakxa enxoho manxeyenma apwesey Dios Apketche mantehek negyepetcheyo m'a Dios Egyap; negko'o ektahakxa enxoho nenxeyenma apwesey Dios Apketche, antehek negyepetcheyo m'a Dios Egyap.

SAN LUCAS 18:7

¿Mepasméya Dios énxet'ák ektaha nak apkelyéseykha, apwóneykha nak apwesey ekyókxoho ekhem tén han ekyókxoho axta'a? ¿Yánaya aksa sekxo' kólleyxek?

2 TIMOTEO 2:10

Ekeso eñamakxa selenmáxexkoho nak ko'o m'a ekyókxoho ektémakxa nak seklegeykegkoho, yakwayam apasmok ma'a énxet'ák ektaha nak Dios apkelyéseykha, yakwayam enxoho anhan elwagkasakpok teyp xa énxet'ák nak, eñama m'a Cristo Jesús, cham'a nelwagkásamáxche teyp megkatnegwayam nak enéxa, ekha nak han eyeymáxkoho.

SANTIAGO 1:1

Ko'o Santiago sekteme Dios apchásenneykha, sekteme nahan Jesucristo Wese' egegkok apchásenneykha, eyáphásesek ko'o ekxeyenma ewáxok doce pók aptémakxa énxet'ák Israel, apkexpakneykha nak keso náxop.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.