SAN MATEO 9:8 - Lengua Sur (Enxet) Nuevo Testamento

⁸ Xama axta apwet'a énxet'ák xa, apkelakak axta, apkeltemésesek axta anhan apcheymákpoho Dios eñama apméso apmopwána énxet'ák.

SAN MATEO 9:8 Referans Kwoze

SAN LUCAS 7:16

Xama axta ekwetáxko xa, apyókxoho énxet axta nahan apchekak, yetlókók axta apkelpeykesamo Dios. Aptahak axta apkelpakmeta s'e: —Dios appeywa aplegaso meyke ekhémo aptépak negyeseksa negko'o. Aptahak axta anhan apkelpakmeta s'e: —Dios apwa'ak yakwayam epasmok énxet'ák apagkok.

SAN MATEO 15:31

Pelakkásók agko' axta apkelwet'a énxet'ák ektepékxo apkelpeywa m'a énxet meyke apkelpeywa nak, tén han apkeltakmelákxo m'a énxet'ák elyakseykekxa axta apmék, tén han apkelxegákxo m'a énxet'ák meyke aptapnák axta, tén han apkepwagko elyaheykha m'a énxet'ák meyke apakta'ák axta. Apkeltemésesek axta apcheymákpoho Israel Dios apagkok xa énxet'ák nak.

LOS HECHOS 4:21

Kélmések axta kélpeywa ekyennakte Pedro tén han Juan, wánxa agkok, kélchexeykxék axta eyke. Axta elya'ásegkok yakwánxa etnahagkok ellegásesagkohok, hakte apyókxoho énxet'ák axta apkelpeykásók Dios, axta keñamak ma'a ektahakxa axta.

SAN LUCAS 23:47

Xama axta apwet'a sẽlpextétamo apkemha apmonye ektahakxa, apkeltemésesek axta apcheymákpoho Dios. Aptahak axta s'e: —Nakso' nak axta eyke agkok aptaha meyke aptémakxa s'e énxet nak.

SAN LUCAS 17:15

Xama axta apwet'a ekmassa ektémakxa apháxamap xama xa énxet'ák nak, aptakháwok axta yetlo apyennaktésamo appeywa apkeltemésesa apcheymákpoho Dios.

SAN MARCOS 2:12

Yetlókók axta apheykekxa néten nápakta'awo' énxet'ák, apmákxeyk axta aptaháno, aptekkek axta m'a. Ekeso eñamakxa ekpelakkasa axta apkelwet'a apyókxoho énxet'ák xa. Aptahak axta apkelpeykáso Dios se'e: —Magweteyk makham negko'o katnehek xa ektaha nak.

GÁLATAS 1:24

Apkeltemésesek axta apcheymákpoho Dios xa énxet'ák nak, ko'o eñamakxa.

SAN JUAN 15:8

Kótaxchek cha'a ektémakxa apcheymákpoho Táta, cham'a ekwetáxko enxoho ekxáma aksok kéllané kéxegke, kéltemék agkok xa, kóltehek kéxegke ekmámnaksoho seltámeséyak.

SAN LUCAS 13:13

Appaknegwokmók axta Jesús xa kelán'a nak. Yetlókók axta anhan ekmowána kapewhok katnamha, keltemésesek axta anhan apcheymákpoho Dios.

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

LOS HECHOS 21:20

Xama axta apkelleg'a énxet'ák xa, apkeltemésesek axta apcheymákpoho Dios. Entahak axta amya'a apcháneyákpo Pablo s'e: —Egyáxeg, apwet'ak xép apxáma judíos apteme melya'áseyam, apyókxoho nahan apkelenxanakmok apkeltamho kólyetlákxak ma'a Moisés segánamakxa apagkok nak.

SAN MARCOS 7:37

Aptahak axta apkelpakmeta énxet'ák ekpelakkasa apkelwet'a s'e: “Tásek cha'a katnehek aptamheykha. ¡Wokmók nahan apkellegáseykekxa exma énxet meyke apeyk'ák, tén han aptekkesáseykxo appeywa m'a énxet meyke appeywa nak!”

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN MATEO 12:23

Aptahak axta cha'a apkelmaxneyeyncha'a pók apyókxoho énxet'ák ekpelakkasa apkelwet'a s'e: “¿David apketche enxeykel'a xa?”

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

SAN MATEO 9:7

Apkempákxeyk axta néten xa énxet megkamopwána axta eltakheykha, apmeyákxeyk axta anhan apxagkok.

SAN LUCAS 2:20

Apkeltakháwok axta m'a keláneykha nekkések nak, apkeltemésesek axta apcheymákpoho Dios, apkelpeykásók axta nahan eñama m'a ektahakxa axta apweté tén han ma'a ektahakxa axta apkellegé, hakte temék axta m'a ekyókxoho ektahakxa axta amya'a apkeláneyákpo.

SAN LUCAS 17:18

¿Wánxaya aksa apkexyekmo s'e énxet apkeñama nak mók nekha yakwayam egkések ekpayheykekxa apwáxok Dios?

SAN LUCAS 18:43

Yetlókók axta anhan apweteykekxaxma m'a énxet meyke apakta'ák axta, apyetlókek axta anhan Jesús apkeltemésesa apcheymákpoho Dios. Apkeltemésesek axta anhan apcheymákpoho Dios apyókxoho énxet ektaha axta apweteykegkoho xa.

2 CORINTIOS 9:13

Eltemésesek sat nahan apcheymákpoho Dios xa énxet'ák nak, hakte sat kañék apkelweté kélyaheykekxoho kéxegke tásek amya'a kélxeyenma nak megkólya'áseykmo eñama xa kélpasmo nak, cham'a tásek amya'a eñama nak Cristo. Etnehek sat nahan apcháyo Dios xa énxet'ák nak, eñama m'a megkólmeyagweykekxa nak kélánchesáseykekxa aksok, tén han yakwayam kólmések ma'a apyókxoho énxet'ák nak.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.