SAN MATEO 9:4 - Lengua Sur (Enxet) Nuevo Testamento

⁴ Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha eyesagko nak kéxegke elchetamso kélwáxok?

SAN MATEO 9:4 Referans Kwoze

SAN LUCAS 6:8

Wánxa agkok, apya'ásegkók axta eyke Jesús ektahakxa elchetamso apwáxók xa énxet'ák nak. Aptahak axta apcháneya énxet ekyamé apmek se'e: —Yempekxa' néten, etnegwom neyseksa. Apkempákxeyk axta néten ma'a énxet ekyamé apmek axta, apkenmáha axta anhan.

SAN MATEO 12:25

Apya'ásegkok axta Jesús ektahakxa elchetamso apwáxók xa énxet'ák nak. Aptahak axta apkeláneya s'e: “Apkexpancháseykpek agkok énxet'ák xama apkelókxa keñe etnehek apkelenmexamap, apnaktawásamap apancha'awók etnahagkok. Apkexpancháseykpek agkok nahan énxet'ák apheykha tegma apwányam, esenhan apheykha nak xama tegma, megkawegkók apheykha.

SAN JUAN 16:30

Negya'ásegwokmek kaxwo' negko'o apya'ásegkoho exchep ekyókxoho aksok, negya'ásegwokmek nahan megkeymexko elmaxneyha xama énxet enxoho, cháxa keñamak magya'ásekmo nak negko'o apkeñama exchep ma'a Dios.

SAN LUCAS 11:17

Apya'ásegkok axta eyke Jesús ektahakxa elchetamso apwáxók xa énxet'ák nak. Aptahak axta apkeláneya s'e: “Apkexpáncháseykpek agkok énxet xama apkelókxa, keñe etnehek apkelenmexamap, apnaktawásamap apancha'awók etnahagkok, ethánekxak nahan pók apxanák elyaknenagkok.

LOS HECHOS 5:9

Aptahak axta Pedro apcháneya s'e: —¿Yaksak ektaha ekhawo nak mók kélwáxok yakwayam kólyekkónek Espíritu Santo apkeñama nak Wese' egegkok? Cháxa apkelchexyekmo wokma'ák apchátawanya exchek atáwa aphápak xa, xé' sat kaxwo' esakxak ápak.

SAN JUAN 16:19

Apyekpelchék axta Jesús kélmoko kólmaxneyha. Aptahak axta apkeláneya s'e: —Eltennásek xeyk kéxegke peya mehelwetekxók cha'a, keñe sekxéna nahan yáma kawegkohok, keñe helwetekxak makham. ¿Keya kélmaxneyeyncha'a nak cha'a kélmók kéxegke kélxéna xa?

SAN JUAN 6:64

Apyetneyk eyke makham kélnepyeseksa kéxegke apteme nak apya'áseyam xa. Nano' axta apya'áseykegkoho Jesús ma'a énxet'ák ektaha axta apkelya'áseyam, nano' axta anhan apya'áseyak ma'a énxet apmáheyo axta etlakkasesek yának emakpok Jesús.

SAN JUAN 6:61

Apyekpelchágwokmek axta Jesús apkelpakmétencha'a énxet'ák judíos megkalcha apwáxók ma'a aptahakxa axta appeywa. Aptahak axta Jesús apkelmaxneyeyncha'a s'e: —¿Yagkalchak kélwáxok kéxegke kélleg'a sektahakxa nak sekpeywa?

SAN JUAN 21:17

Antanxo apkelmaxneyeykekxa axta entahak. Aptahak axta makham se'e: —Simón, Juan apketche, ¿eyásekhayoya exchep? Kelapwokmek axta Pedro hakte antanxo axta entahak apkelmaxneyeykekxoho nakso' kexaha apchásekhayo. Aptahak axta apchátegmowágko Pedro s'e: —Wese', apya'ásegkok xép xa ekyókxoho nak: apya'ásegkok xép seyásekhayo ko'o. Aptahak axta apcháneya Jesús se'e: —Eltakmelches seknaktóso nekkések.

SAN LUCAS 5:22

Apyekpelchawók axta eyke Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha, ektaha nak elchetamso kélwáxok kéxegke xa?

SAN MARCOS 12:15

Apyekpelchawók axta eyke Jesús ektaha aptamhéyak apancha'awók ma'a aptahakxa axta apkelmaxneyeykha. Aptahak axta apkeláneya s'e: —¿Yaksak ektaha kélmoko nak helyekkónek? Kólsanta hana xama sawo selyakye, yakwayam enxoho alanok ko'o.

SAN MARCOS 2:8

Ñohok axta eyke apyekpelcha Jesús ektahakxa elchetamso apwáxók xa énxet'ák nak. Aptahak axta apkelmaxneyeyncha'a s'e: —¿Yaksak ektaha ektaha nak elchetamso kélwáxok xa?

SAN LUCAS 7:40

Aptahak axta Jesús apcháneya fariseo s'e: —Simón, yetneyk xama aksok yakwayam altennaksek xép. Aptahak axta apchátegmowágko fariseo s'e: —Selxekmóso heltennés.