SAN MATEO 9:37 - Lengua Sur (Enxet) Nuevo Testamento

³⁷ Keñe axta aptaha Jesús apkeláneya apkeltámeséyak se'e: —Xámok neyke agkok aksok yakwayam nak kanakxaxche, keñe apkántawók ma'a énxet yakwayam nak enakxek ekyexna.

SAN MATEO 9:37 Referans Kwoze

SAN LUCAS 10:2

Aptahak axta apkeláneya s'e: “Xámok neyke agkok aksok yakwayam nak kanakxaxchek, keñe apkantawók ma'a énxet ektaha nak apkeltamheykha. Kólmaxna kéxegke m'a ektaha nak apagkok namyep yakwayam enxoho eláphaksek énxet ektaha nak apkeltamheykha, yakwayam enxoho yanchásekxak xa ekyexna nak.

SAN MARCOS 16:15

Aptahak axta apkeláneya s'e: “Kólmohok ekyókxoho yókxexma, kóllegés nahan apyókxoho énxet'ák se'e amya'a segwagkasamo nak teyp.

1 CORINTIOS 3:9

Negko'o nenteme nelpasmomáxkoho nenláneya nentamheykha eñama nak Dios, kéxegke eyke kélteme kélhawo m'a namyep aptamhágkaxa nak Dios, kélhawók nahan kéxegke m'a tegma apkelana nak Dios.

SAN MATEO 28:19

Kólmohok sat apheykegkaxa nak énxet ekyókxoho yókxexma keso náxop, kólteméses nahan seltameséyak ko'o m'a, kólyakpásesák nahan yegmen yetlo kélxeyenma apwesey m'a Táta, Apketche, tén han ma'a Espíritu Santo.

2 CORINTIOS 6:1

Nágkólteméses aksa eyakhémo apméso kéxegke Dios ma'a ektémakxa nak segásekhayo, cham'a apxekmósa axta kéxegke eñama nenteme nelpasmomaxkoho nenlané m'a Dios aptamheykha nak.

LOS HECHOS 16:9

Axta apwetágwomhok Pablo aksok kélxekmóso axta'a m'a; apwet'ak axta apkenmeyncha'a xama énxet apkeñama Macedonia keñe exnek aptaha apcháneya s'e: “Emyogma s'e Macedonia, hempásegwata negko'o.”

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

1 TIMOTEO 5:17

Enxet'ák apkelwányam ektaha nak aptakmelchesamo apkelmeykha apnámokkok kélakneykekxexa, kéméxchek keytek ekyawe kéláyo, ekyagwánxa agkok ma'a énxet'ák apkeltenneykha nak tásek amya'a, cham'a apkelxekmósamol'a apnámokkok.

COLOSENSES 4:11

Apcháphásesek nahan ekxeyenma apwáxok kéxegke m'a Jesús apkeltamhomakpo nak han Justo. Cháxa sepasmeykencha'a nak ko'o sektamheykha yakwayam kawak ma'a aptémakxa nak Wese' apwányam Dios, apkeleñama nepyeseksa m'a énxet'ák judíos apteme nak han melya'áseyam, kaxnók ma'a pók énxet'ák nak. Awanhek axta anhan sepeykesáseykekxa ewáxok ko'o xa énxet'ák nak.

LOS HECHOS 18:10

hakte ko'o sekxegexma exchep. Méko sat kawának katnésesamhoxma, apxámok ko'o énxet'ák ahagkok se'e tegma apwányam nak.”

SAN MATEO 9:38

Kólmaxna kéxegke m'a ektaha nak Wese' namyep, yakwayam enxoho eláphaksek ma'a ektaha nak apkeltamheykha yakwayam yanchásekxak xa ekyexna nak.

SAN MATEO 20:1

“Máxa xama wese' namyep kélcheneykekxexa anmen yámet ma'a aptémakxa nak Wese' apwányam Dios, cham'a apxegama axta axto'o agko' aptegyeyncha'a énxet yakwayam eltemeykha neyseksa anmen yámet.

SANTIAGO 5:4

Wóneyha enmexa kéxegke m'a selyakye megkólyanmagkaseso axta apkeltamheykha énxet'ák, cham'a, apnakxa axta aksok ekyexna yókxexma kélagkok; apleg'awók nahan apkelwóneykha Wese' egegkok ekha apyennakte m'a énxet'ák ektaha axta apkeltamheykha.