SAN MATEO 9:34 - Lengua Sur (Enxet) Nuevo Testamento

³⁴ Aptahak axta énxet'ák fariseos apkelpakmeta s'e: —Kelyekhama' wese' nak ekméso apmopwána yakwayam elántekkesek kelyekhama' xa énxet nak.

SAN MATEO 9:34 Referans Kwoze

SAN LUCAS 11:15

Wánxa agkok, aptahak axta apkelpakmeta nápakha énxet'ák se'e: “Kelyekhama' wese' agkok ekwesey Beelzebú nak ekméso apmopwána elántekkesek kelyekhama' xa énxet nak.”

SAN MARCOS 3:22

Aptahak axta nahan apkelpakmeta énxet'ák apkelxekmóso axta apnámokkok ektémakxa segánamakxa s'e, cham'a apkelwokmo axta apkeleñama Jerusalén: “Beelzebú nak ekméso apmopwána elántekkesek kelyekhama' xa, cham'a ektaha nak kelyekhama' wese' agkok.”

SAN JUAN 3:20

Apyókxoho énxet ektahakxa enxoho apkeláneyak aksok ekmaso etaknók ma'a elseyexma nak, mépetchegwomok nahan elseyexma, yakwayam enxoho megkapekkenchásekxék yáxñakxoho m'a aksok ekmaso apkelané nak.

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 11:18

Apwa'ak axta Juan aptaha axta meto apto tén han meya vino, apyókxoho énxet axta apkelxeyenmak ekyetna kelyekhama' Juan,

SAN MATEO 12:22

Kélyentegkek axta aphakxa Jesús xama énxet meyke apakta'ák tén han meyke appeywa, kelyekhama' ektawáseykha axta m'a. Apwetáseykxeyk axta exma Jesús tén han aptekkesásekxo appeywa.

SAN MATEO 12:27

Kélxénchek kéxegke selántekkesa ko'o kelyekhama' eñama ekmowána m'a Beelzebú, nakso' agkok ektéma xa, ¿yaksak ekméso apmopwancha'a elántekkesek kelyekhama' m'a apkelyetleykekxa nak kéltémakxa kéxegke? Cháxa keñamak ekwetáxko ekyetna megkólakhémo kéxegke xa.

SAN JUAN 7:20

Aptahak axta apkelátegmowágko énxet'ák se'e: —¿Yaksak ekmoko kakhek xép? ¡Kelyekhama' taxnak apwáxok xép!