SAN MATEO 9:27 - Lengua Sur (Enxet) Nuevo Testamento

²⁷ Xama axta aptepa Jesús ma'a, apkemhágkek axta apkánet énxet meyke apakta'ák, aptahak axta apkelyennaktésawo apkelpeywa s'e: —¡Yepyósho henlanok negko'o, David apketche!

SAN MATEO 9:27 Referans Kwoze

SAN MATEO 15:22

Yo'ókmek axta Jesús xama kelán'a eñama Canaan ekha axta xa yókxexma nak, entahak axta ekyennaktésawo ekpeywa s'e: —¡Wese', David Apketche, yepyósho helanok ko'o! ¡tawáseykha ko'o kelyekhama' hatte, legasáseykegkok nahan!

SAN MATEO 11:5

Kóltennasha sat Juan apkelwetákxoxma énxet'ák meyke nak apakta'ák, keñe apkelxegákxo m'a énxet meyke aptapnák nak, keñe anhan apkeltakmelwokmo m'a énxet ektamhéyak nak negmasé ektepelchamáxche egyempehek, keñe anhan apkellegákxoxma m'a énxet'ák meyke apeyk'ák nak, keñe anhan apnakxétekhágwokmo m'a énxet'ák apkeletsapma axta, keñe anhan kéllegasa amya'a segwagkasamo teyp ma'a énxet'ák meyke nak aksok apagkok.

SAN MATEO 17:15

—Wese', yepyósho elanok hatte, hakte yetsepekxohok cha'a, sagkók agko' nahan katnehek aplegeykegkoho; nátex cha'a étnók apyaknena enxoho, tén han ma'a neygmen.

SAN JUAN 7:42

Xeyenmék eknaktáxésamaxche peya etnehek Mesías David aptáwen neptámen, tén han peya yenyék ma'a nátegma Belén, cham'a apkeñamakxa axta anhan David.

SAN LUCAS 7:21

Chakhawók axta anhan ma'a apkeltakmelchesekmo axta Jesús apxámokma énxet ektémakxa axta apkelháxamap, tén han ma'a ektémakxa axta anhan apkellegeykegkoho, tén han ma'a kelyekhama' eknaktawáseykha axta, apkelwetásekxeyk axta anhan exma apxámokma m'a énxet meyke apakta'ák axta.

SAN MARCOS 11:10

¡Tásek sat katnehek apxeyenma Dios ma'a aptémakxa nak Wese' apwányam David peya nak kawa', cham'a David aptaha axta negko'o egyap nano'! ¡Apcheymákpoho Dios apha nak néten!

SAN MARCOS 9:22

Neyseksa táxa nahan cha'a étnók ekyaknegkesa enxoho xa espíritu ekmaso nak tén han ma'a neygmen, yakwayam enxoho kakhek, apwanchek agkok xép elának xama aksok, yepyósho henlano negko'o, hempásem hana.

SAN MATEO 21:9

Apsawhekpók axta apkelyennaktésawo apkelpeywa apkelxega axta apmonye'e, tén han ma'a apkelxega axta neptámen. Aptahak axta s'e: —¡Kólpeykesho wese' apwányam David Apketche! ¡Tásek sat katnehek apxénamap xa apwa'a nak yetlo apsayam Dios apwesey! ¡Apcheymákpoho Dios apha nak néten!

SAN MATEO 1:1

Keso kélnaktáxeseyak nak apkelwesey m'a Jesucristo apyepmeyk nano' axta, cham'a Jesucristo aptaha axta David aptáwen neptámen, tén han aptáwen neptámen ma'a Abraham:

SAN MATEO 21:15

Xama axta apwet'a apkelana Jesús aksok sempelakkaso agwetak ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta ektémakxa segánamakxa, xama axta anhan apkelleg'a elyennaktésawo elpeywa sakcha'a létkók kañe' tegma appagkanamap, entahak axta se'e: “¡Apcheymákpoho wese' David Apketche!”, apkellókek axta.

ROMANOS 9:5

Enxet'ák judíos apteme aptawan'ák neptámen ma'a ẽlyepmeyk nano' negko'o, apheyásamákpók axta énxet'ák judíos apwaya Mesías, cham'a aptémakxal'a énxetók xamo', aptaha nak Dios neyseksa m'a ekyókxoho aksok nak. Apcheymákpoho sat cha'a kóltemésesek Dios, katnahagkok sat nahan cha'a.

SAN LUCAS 20:41

Aptahak axta apkelmaxneyeyncha'a Jesús se'e: —¿Yaksak ektéma apkelxeyenma nak énxet'ák Mesías aptaha David aptáwen neptámen?

SAN LUCAS 17:13

Aptahak axta apkelyennaktésawo apkelpeywa s'e: —¡Jesús, sẽlxekmóso, yepyósho henlanok negko'o!

ROMANOS 1:3

Cháxa amya'a ekxeyenma nak Jesucristo Wese' egegkok xa, aptaha nak Dios Apketche. Enxet axta apyetchesamakpohok Jesucristo aptéma Wese' apwányam David aptáwen neptámen, wánxa agkok, apxeyenmék axta Dios aptaha Apketche, hakte espíritu appagkanamap apkeñama Dios axta m'a, tén han eñama m'a apxátekháseyam axta, apxakak axta anhan ekyawe apmopwána.

SAN MATEO 9:28

Xama axta aptaxnegwokmo Jesús kañe' tegma, apyo'ókmek axta énxet'ák meyke apakta'ák, aptahak axta Jesús apkelmaxneyeyncha'a s'e: —¿Yagkólya'ásekmok seyewagko ko'o altakmelchesók kéxegke? —Ehay, Wese', —axta aptahak apkelátegmowágko xa énxet'ák nak.

SAN MATEO 20:29

Xama axta aptepa Jesús yetlo apkeltámeséyak tegma apwányam Jericó, apxámok axta énxet apyetlákxo.