SAN MATEO 9:23 - Lengua Sur (Enxet) Nuevo Testamento

²³ Xama axta apwokmo Jesús ma'a judíos apkemha apmonye apagkok apxagkok, apwetágwokmek axta apkeláneykxo aptahakxa yakwayam elpawaksek apkelmeykha m'a énxet'ák apkelpáwasamo axta cha'a apkelmeykha peya enxoho kólatawónek kélhápak, apwetágwokmek axta anhan apkellekxagweyncha'a énxet'ák ekyennakte agko'.

SAN MATEO 9:23 Referans Kwoze

LOS HECHOS 9:39

Apkelyetlákxeyk axta Pedro xa énxet'ák nak. Xama axta apkelwákxo m'a, kélyentamákxeyk axta Pedro kañe' tegma netno' ekyetnakxa axta ápak xa kelán'a nak; wakha'ak axta kelán'ák tampe' apkenmágkaxa Pedro. Kellekxagweyha axta ekxekmósa Pedro m'a apáwa tén han ma'a apáwa kéltaxno elané axta Dorcas ekyennaktamakxa.

SAN LUCAS 7:32

Máxa m'a sakcha'a létkók ekheykegkohol'a kanéwagkok apheykegkaxal'a énxet aptémol'a elyennaktéshok apkelpeywa yának apkelxegexma'a s'e: ‘Nelpáwásek axta negko'o yámámok nempáwasól'a, keñe axta kéxegke megkólnéweyncha'a, nelmeneykmásek axta eykhe negmeneykmaso senlapwagkasamol'a, axta eyke kóllekxagweyha kéxegke.’

SAN MATEO 11:17

‘Nelpáwásek negko'o yámámok nempáwasól'a, keñe kéxegke megkólnéweyncha'a, nelmeneykmásek negko'o negmeneykmaso senlapwagkasamol'a, keñe kéxegke megkóllekxagweyncha'a.’

LOS HECHOS 20:10

Aptekkek axta Pablo náxop, apyetnakmek axta néten apyetnakxa wokma'ák, appathetchek axta anhan. Aptahak axta apkeláneya énxet'ák aptémo xamo' melya'áseyam se'e: —Nágkawho aksa kélnenyek; megyetsapak se'e wokma'ák nak.

APOCALIPSIS 18:22

Kamaskohok agko' sat nahan eklegáxko kélpáwaso yát'axpog apyawe ámay apagkok nak xép, tén han ma'a yammámok ekpáwá nak, tén han ma'a kélakkahaso ekpáwá nak, méko sat nahan etnehek ma'a ektaha nak apkeltamheykha, cham'a ektémakxa enxoho apkeltamheykha, kamaskok sat nahan eklegáxko m'a meteymog ekyawe kéltekxekxamol'a aksok.