SAN MATEO 9:22 - Lengua Sur (Enxet) Nuevo Testamento

²² Appeynchakpók axta neptámen Jesús, apwet'ak axta xa kelán'a nak. Aptahak axta apcháneya s'e: —Hatte, kawaskápekxoho, megkay'áseyam keñamak ektakmelwokmo exche'. Yetlókók axta anhan ektakmelwayam.

SAN MATEO 9:22 Referans Kwoze

SAN LUCAS 7:50

Wánxa agkok, aptahak axta Jesús apcháneya kelán'a s'e: —Megkay'áseyam wagkásak teyp xeye'; katakhekxa yetlo meyke ektahakxa awáxok.

SAN MATEO 15:28

Aptahak axta apcháneya Jesús se'e; —Kelán'a, awanhek megkay'áseyam, katnehek sat ma'a eyámenyéxa nak katnehek. Yetlókók axta anhan ektakmelwayam étche kelwána xa kelán'a nak.

SAN MATEO 9:2

Kélsókasek axta énxet megkamopwána eltakheykha m'a, taháno axta kélpekkenak kélsawa. Xama axta apwet'a Jesús ekyetna ekyawe melya'áseyam xa énxet'ák nak, aptahak axta apcháneya énxet megkamopwána eltakheykha s'e: —Hatte, ewaskápekxoho, megkólyakmagkáseykxak aptémakxa mey'asáxma exchep.

SAN LUCAS 18:42

Aptahak axta apcháneya Jesús se'e: ¡Etekxaxma! Mey'áseyam keñamak kéltakmelchesakmo exchep.

SAN LUCAS 17:19

Aptahak axta apcháneya Jesús énxet se'e: —Etnamha, etakhekxa; mey'áseyam keñamak aptakmelwokmo exchep.

SAN LUCAS 8:48

Aptahak axta apcháneya Jesús se'e: —Hatte, megkay'áseyam takmelchesakmok xeye'. Katakhekxa' yetlo meyke ektamheykha awáxok.

SAN MARCOS 10:52

Aptahak axta apcháneya Jesús se'e: —Apwanchek etakhekxak kaxwo'; mey'áseyam keñamak aptakmelwokmo exchep. Yetlókók axta anhan apweteykekxaxma m'a énxet meyke apakta'ák axta, apyetlókek axta Jesús cham'a ámay apmahágkaxa axta Jesús.

SAN MARCOS 5:34

Aptahak axta apcháneya Jesús se'e: —Hatte, megkay'áseyam takmelchesakmok xeye'. Katakhekxa' yetlo meyke ektamheykha awáxok, takmelwokmek ma'a ektémakxa axta ekháxamáxche.

SAN MATEO 9:29

Keñe axta apkelpaknegkesekmoho apakta'ák Jesús xa énxet'ák nak. Aptahak axta apkeláneya s'e: —Katnehek sat xa ektahakxa nak megkólya'áseyam kéxegke.

LOS HECHOS 16:18

Wegkak axta anhan ekteme xa ekwokmoho ekleklágwokmo Pablo, appeynchakpok axta, aptahak axta apcháneya espíritu ekmaso s'e: —Yetlo sekxeyenma Jesucristo apwesey eltamhok katyapok xa kelán'a awáxok nak. Ñohok axta anhan ektepa espíritu ekmaso awáxok xa kelán'a étkok nak.

SAN JUAN 4:53

Xénwákxók axta apwáxok sakcha'a apyap ekwánxa axta hora aptaha apcháneya Jesús se'e: “Apyennakwokmek xép apketche”. Aptemék axta mey'áseyam Jesús xa énxet nak, tén han ma'a ekyókxoho ekheykha nak apxagkok.

HEBREOS 4:2

Hakte ẽllegasegkek axta nahan negko'oxa xa amya'a ektakmela nak, ekhawo ektémakxa axta kéllagaso xa énxet'ák nak; wánxa agkok chakho' axta eyke kéllegasama amya'a xa énxet'ák nak, hakte axta etnék melya'áseyam nepyeseksa m'a énxet'ák apkelyaheykekxoho axta xa amya'a nak.

LOS HECHOS 14:9

Pablo apkeltenneykha axta aphaxnawo'. Apkelanawók axta Pablo xa énxet nak, apwet'ak axta ekyetna mey'áseyam yakwayam enxoho etakmelwók.

SAN MATEO 17:18

Appakhetchesek axta Jesús kelyekhama', aptekkesek axta anhan wokma'ák apwáxok, yetlókók axta anhan aptakmelwayam.

SAN MATEO 8:13

Keñe axta aptaha apcháneya Jesús sẽlpextétamo apkemha apmonye s'e: —Hoy, etakhekxa sat apxagkok, katnehek sat ma'a ektahakxa nak mey'áseyam xép. Yetlókók axta anhan aptakmelwayam ma'a sẽlpextétamo apkeláneykha.