SAN MATEO 9:17 - Lengua Sur (Enxet) Nuevo Testamento

¹⁷ Megkólyetmek nahan vino axnagkok ma'a aksok empe'ék apák kélyetmomól'a, hakte kapaxkátek ma'a aksok empe'ék apák nak, keñe keymasaxkohok keynkenaxchek vino, keñe anhan kalesók ma'a aksok empe'ék apák nak. Kólyátem cha'a vino axnagkok ma'a aksok empe'ék axnagcha'ák kélyetmomól'a, yakwayam enxoho megkaletsagkasaxchek xa ánet nak.”

SAN MATEO 9:17 Referans Kwoze

SAN MATEO 9:16

“Megkólwanchek kólyepetchesha apáwa aphápak kélyepetchásencha'a enxoho m'a apáwa nápakha aphaxnagkok nak, hakte ketchetsék etnekxak kélyenyesa enxoho m'a apáwa nápakha aphaxnagkok nak, keñe eyánchesagkohok apkelyeptamap ma'a apáwa aphápak nak.

SAN MATEO 9:18

Apwokmek axta énxet'ák judíos apkemha apmonye apagkok neyseksa apkeltenneykha axta Jesús, apkeltekxekwokmek axta aptapnák xóp apmonye apkenmágkaxa Jesús. Aptahak axta apcháneya s'e: —Kaxwo' ko'o ketsapak hatte kelwána, apmahágkek agkok xép appekkenwokmek agkok nahan apmek ekyetnakxa, kaxátekhágwók sat.

SAN MARCOS 2:22

Megkólwanchek nahan kólyetmok vino axnagkok ma'a aksok empe'ék apák kélyetmomol'a, hakte kalpaxkátek vino axnagkok xa aksok empe'ék apák nak, keñe keymasaxkohok keygkenaxchek ma'a vino, keñe anhan kalesók ma'a aksok empe'ék apák nak. Kólyátem cha'a vino axnagkok ma'a aksok empe'ék axnagcha'ák kélyetmomol'a.

SAN LUCAS 5:37

Megkólyetmek nahan cha'a vino axnagkok ma'a aksok empe'ék apák kélyetmomol'a, hakte kalpaxkátek aksok empe'ék apák ma'a vino axnagkok nak, keymasaxkohok nahan keynkenaxchek ma'a vino, kasawhaxkohok nahan kalesók ma'a aksok empe'ék apák nak.

SAN LUCAS 5:38

Kólyátem cha'a vino axnagkok ma'a aksok empe'ék axnagcha'ák kélyetmomol'a.