SAN MATEO 9:13 - Lengua Sur (Enxet) Nuevo Testamento

¹³ Kólxeg, kóltámesaxche ektémakxa nak ekxeyenma eknaktáxésamaxche s'e: ‘Emenyék ko'o kóltehek kéxegke apmopyósa kóllanok kélmók, momenyek ko'o kólnápok aksok nawha'ák yakwayam helmések ko'o. Axta ko'o aweyk yakwayam alwónmakha m'a énxet'ák eltakmela nak apkeltémakxa, wánxa m'a énxet'ák melya'asáxma nak.’

SAN MATEO 9:13 Referans Kwoze

SAN MARCOS 2:17

Apleg'awók axta Jesús xa. Aptahak axta apkeláneya s'e: —Mopmenyék pánakte egyap ma'a énxet'ák apkelyennakte nak, wánxa m'a énxet'ák apkelháxamap nak. Axta ko'o aweyk yakwayam alwónmakha énxet apkelpéwomo nak, wánxa m'a énxet melya'asáxma nak.

SAN LUCAS 19:10

Hakte apwa'ak axta aptaha nak Apketche énxet yakwayam elchetmok ma'a énxet'ák ektaha axta apkelxegányam, tén han elwagkasek teyp.

SAN LUCAS 5:32

Axta ko'o aweyk yakwayam alwónmakha énxet apkelpéwomo nak, wánxa m'a énxet'ák melya'asáxma nak, yakwayam enxoho etnekxak melya'áseyam Dios.

SAN MATEO 12:7

Megkólya'ásegkok kéxegke ektémakxa nak ekxeyenma eknaktáxésamaxche s'e: ‘Wánxa aksa ko'o seyámenyého kóltehek kéxegke ekha apmopyósa kóllanok kélmók, keñe maltamho helmések ma'a aksok ektekyawa nak.’ Kaxtemek xeyk kélya'áseyak, megkólsexnenayhek xeyk énxet'ák meláneykegko nak xama aksok ekmaso.

2 SAN PEDRO 3:9

Apkeneykek cha'a nápakha énxet mepekhaksek elának Wese' egegkok ma'a ektémakxa axta appekkeneykekxa appeywa, wánxa agkok, apkeláneykha akke aksa kéxegke Wese' egegkok, hakte mopmenyék kóletsapok kélxama enxoho, wánxa aksa apkepmenyého Wese' egegkok kólsawhaxkohok kéxegke kólyakmagkasek kélwáxok.

LOS HECHOS 3:19

Ekeso eñamakxa seltamho nak ko'o kólyakmagkasek kélwáxok, kólyo'ókxes kélwáxok ma'a Dios, yakwayam enxoho emasésesek xa kéltémakxa nak megkólya'asáxma. Lapmaxchek sat egkések kéxegke Wese' egegkok ektakmeleykekxa makham kélha,

LOS HECHOS 11:18

Xama axta apkelleg'a énxet'ák ekha melya'áseyam apheykha Jerusalén xa, apkelwanmeyágkek axta, aptahak axta anhan apkeltemésesa apcheymákpoho Dios se'e: —¡Apmések neyke nahan Dios yakwayam elyakmagkasek apwáxók ma'a énxet'ák metnaha nak judíos, tén han peya elmésagkok ma'a ekyennakte apnenya'ák megkatnegwayam enéxa nak!

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

LOS HECHOS 5:31

Dios axta apya'áseykekxa néten, aphésakxeyk axta m'a ekpayhókxa nak apkelya'asamakxa, aptemésesek axta Wese' tén han segwagkasamo teyp, yakwayam enxoho etnekxak melya'áseyam Dios ma'a énxet'ák Israel, tén han meyakmagkásekxék Dios ma'a apkeltémakxa nak melya'asáxma.

SAN LUCAS 24:47

kóltennaha sat ekyókxoho yókxexma amya'a eñama nak Mesías, Jerusalén sat kólénhok sekxo', yakwayam enxoho elyakmagkasek apwáxók énxet'ák, yakwayam enxoho megkólyakmagkásekxék ma'a apkeltémakxa nak melya'asáxma.

SAN MATEO 4:17

Apchénawók axta apkeltenneykha Jesús ma'a, aptahak axta s'e: “Kólyakmagkas kélwáxok, chágketwa'ak kaxwo' ma'a aptémakxa nak Wese' apwányam Dios.”

LOS HECHOS 2:38

Aptahak axta Pedro apchátegmowágko s'e: —Kólyakmagkas kélwáxok, kóltegye yakpasama yegmen eñama nak Wese' egegkok Jesucristo apwesey, yakwayam enxoho meyakmagkásekxék Dios kéltémakxa nak megkólya'asáxma, keñe sat egkések kéxegke Dios Espíritu Santo.

SAN MATEO 3:8

Kólteme ektakmela kéltémakxa yakwayam enxoho kataxchek eyámnaksoho kélyakmagkaso kélwáxók.

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

SAN MATEO 21:42

Aptahak axta apkeláneya Jesús énxet'ák se'e: —¿Yagkólyetseteyk makham kéxegke eknaktáxésamaxche ektéma nak ekxeyenma s'e? ‘Tamhákxeyk kaxwo' meteymog kélmámenyého kólmaha m'a meteymog apyamasma axta énxet'ák apkeláneyak nak tegma. Cháxa apkelana axta Wese' egegkok xa, payhekxeyk egwáxok negko'o negwet'a.’

SAN MATEO 12:3

Aptahak axta apchátegmowágko Jesús se'e: —¿Yagkólyetseteyk kéxegke weykcha'áhak aptémakxa axta David, cham'a eyakhama axta meyk yetlo apkelxegexma'a?

SAN MARCOS 12:26

¿Yagkólyetseteyk kéxegke Moisés weykcha'áhak apagkok, ekxeyenma nak nennakxétekhágwayam, cham'a ekyetnamakxa nak han kéltáxéso ekxeyenma m'a eyálewoma axta xama yámet étkok? Aptahak axta Dios apcháneya Moisés se'e: ‘Ko'o sekteme Abraham Dios apagkok, Isaac, tén han ma'a Jacob.’

SAN JUAN 10:34

Aptahak axta apkeláneya Jesús se'e: —Yetnegkek eknaktáxésamaxche segánamakxa kélagkok nak kéxegke s'e: ‘Ekxénchek ko'o kéxegke kéltaha dios.’

SAN MATEO 19:4

Aptahak axta apchátegmowágko Jesús se'e: —¿Yagkólyetseteyk kéxegke ektémakxa nak ekxeyenma eknaktáxésamaxche m'a aptaha axta apkelané kéxegke sekxo' agko', ‘apkelanak axta énxet tén han kelán'a’?

SAN MATEO 12:5

¿Yagkólyetseteyk nahan Moisés segánamakxa apagkok ekxeyenma nak meláneykegkok melya'asáxma énxet'ák appasmo nak apkelmaxnéseso Dios énxet'ák apagkok, mellókasemek eykhe apkelyampé ekhem sábado nellókasamakxa nak nelyampé?

SAN LUCAS 10:26

Aptahak axta apchátegmowágko Jesús se'e: —¿Háxko ektémakxa eknaktáxésamaxche segánamakxa antehek? ¿Yaksak apwetaya exchep apkelyetsetma?

SAN MARCOS 12:33

Tásók agko' xa negyeykhásamáxkoho nak negásekhayo Dios ekweykmoho kañók agko' egwáxok, tén han ekweykmoho m'a ektémakxa nak negya'áseykegkoho, tén han ekweykmoho m'a ektémakxa nak negyennakte, tén han ekweykmoho m'a ektémakxa nak negásekhayo egmók ekhawo ektémakxal'a negásekhamaxkoho egagko', megkaxnawok ma'a ektémakxal'a ekwatnamáxche aksok ektekyawa kélméso Dios, tén han ma'a ekyókxoho aksok nawha'ák ektekyawa nak ekwatnamáxkohol'a néten meteymog ekwatnamáxchexa aksok.

SAN LUCAS 5:31

Aptahak axta apchátegmowágko Jesús se'e: —Mopmenyék pánakte egyap ma'a énxet apkelyennakte nak, wánxa m'a énxet'ák apkelháxamap nak.