SAN MATEO 8:5 - Lengua Sur (Enxet) Nuevo Testamento

⁵ Xama axta aptaxnegwokmo Jesús ma'a tegma apwányam Capernaum, apyo'ókmek axta xama sẽlpextétamo apkemha apmonye romano apkeltamho epasmok.

SAN MATEO 8:5 Referans Kwoze

SAN MATEO 27:54

Apwet'ak axta ektahakxa ekyawheykha xóp ma'a sẽlpextétamo apkemha apmonye tén han ma'a apkelxegexma'a axta, cham'a ektaha axta apkeláneykha apyexnakxa Jesús. Apkelakak axta nahan ma'a ekyókxoho ektahakxa axta. Aptahak axta apkelpakmeta s'e: —¡Nakso' neyke agkok aptaha Dios Apketche xa énxet nak.

LOS HECHOS 27:43

Wánxa agkok, axta eyke ya'awok ma'a apkemha apmonye sẽlpextétamo ektaha axta apmáheyo ewagkasek teyp Pablo, wánxa agkok, apkeltamhok axta elnextog apmonye'e m'a apkelmopwána nak elmok yegmen yakwayam enxoho elwakxak ma'a néten xóp,

LOS HECHOS 27:31

Apkeltennásek axta eyke Pablo m'a ektaha axta apxegkeso yántakpayhe tén han ma'a sẽlpextétamo apagkok. Aptahak axta apkeláneya se'e: —Agkok exnáha aksa kañe' yántakpayhe xa, megkólwanchek sat kólwagkasaxchek teyp kéxegke.

LOS HECHOS 23:17

Apwóneyha axta Pablo xama apkemha apmonye sẽlpextétamo. Aptahak axta apcháneya s'e: —Entemekxa hana aphakxa sẽlpextétamo apwese' s'e wokma'ák nak, hakte yetneyk xama aksok yakwayam eltennaksek.

SAN MATEO 4:13

Apyeyk'ak axta tegma apwányam Nazaret, axta eyke aphákxak ma'a tegma apwányam Capernaum, cham'a apyetnama nak neyáwa wátsam ekpayhegwayam, yókxexma apheykegkaxa axta Zabulón énxet'ák apagkok, tén han ma'a Neftalí.

LOS HECHOS 27:13

Apkeneykek axta elepwának elenxanmohok apkelxega énxet'ák, hakte axta keynnák sekxo' apkexchahayam yeyam, apkelxegkek axta, neyáwa wátsam ekwányam axta apkelpéwok apkelxega, cham'a ekpayho nak yókxexma Creta.

LOS HECHOS 23:23

Apkelwóneyha axta apkánet sẽlpextétamo apkelámha apmonye'e xa sẽlpextétamo apwese' nak, apkeltamhok axta yának elánekxak aptamhágkaxa doscientos sẽlpextétamo apkelxegamol'a náxop, keñe setenta m'a apkelchántamol'a yatnáxeg, keñe anhan doscientos ma'a sẽlpextétamo apkelmeykhal'a sawhéwa, yakwayam enxoho elmahagkok ma'a tegma apwányam Cesarea a las nueve axta'a.

LOS HECHOS 22:25

Xama axta kélpenchesa kélpexteté Pablo yakwayam kólyekpexchetmakha, apkelmaxneyáha axta Pablo sẽlpextétamo apkemha apmonye apwokmo axta m'a. Aptahak axta s'e: —¿Payhawoya exchep elyekpexchetmakha énxet aphawo nak énxet romano meyke kélyekpelchémo sekxo' aksok apkelané?

SAN MARCOS 15:39

Xama axta apwet'a apketsapa Jesús ma'a apkemha apmonye sẽlpextétamo apkeñama Roma apkenmeyncha'a axta apyexnakxa Jesús, aptahak axta appakmeta s'e: —Nakso' nak axta eykel'a Dios Apketche xa énxet nak.

SAN MARCOS 2:1

Nano' axta temék aptakhémo makham Jesús ma'a tegma apwányam Capernaum. Legáxchek axta amya'a apwákxo m'a apxagkok,

SAN MATEO 9:1

Apchánteyk axta Jesús yántakpayhe natámen xa, apyeykhákxeyk axta neyp wátsam ekpayhegwayam, apwákxeyk axta nátegma aphamakxa axta.

SAN MATEO 11:23

Kéxegke kélheykha nak tegma apwányam Capernaum, ¿kélaneykeya kóltemésesek kéxegke meyke ekhémo? Kólchexak sat kéxegke ekweykmoho kaño' agko' máxek sẽlmaséseykenxa nak. Tegma apwányam Sodoma axta agkok keláneyxchek aksok sempelakkaso nak agweta', elánéxko axta kélnepyeseksa kéxegke, étek axta makham ma'a tegma apwányam nak ekwokmoho keso negwánxa nak.

LOS HECHOS 9:38

Keto' axta Jope m'a tegma apwányam Lida, cham'a apwánxa axta Pedro m'a; Xama axta apkelya'ásegwokmo énxet'ák melya'áseyam Jesús apha Pedro m'a, kéláphásek axta apkánet énxet yakwayam enxoho etnehek yának Pedro s'e: “Epekhaksoho sat emyekxak xép ma'a tegma apwányam Jope.”