SAN MATEO 8:4 - Lengua Sur (Enxet) Nuevo Testamento

⁴ Aptahak axta nahan apcháneya Jesús se'e: —Elano, ná eltennaha aksa; exeg aksa, ey'ókxa aphakxa m'a énxet appasmo nak apkelmaxnéseso Dios énxet'ák apagkok, esakxoho sat nahan aksok apméso m'a Dios, ekhawo m'a apkeltémókxa axta antehek Moisés, yakwayam enxoho elya'ásegwók apyókxoho énxet aptakmelwokmo exchep ma'a ektémakxa axta apháxamap.

SAN MATEO 8:4 Referans Kwoze

SAN LUCAS 17:14

Xama axta apkelwet'a Jesús xa énxet'ák nak, aptahak axta apkeláneya s'e: —Kólyo'ókxa énxet'ák appasmo nak apkelmaxnéseso Dios énxet'ák apagkok. Neyseksa apkelxega axta massak ektémakxa apkelháxamap.

SAN LUCAS 5:14

Aptahak axta apcháneya Jesús se'e: —Ná eltennaha aksa; exeg, ey'ókxa aphakxa m'a énxet appasmo nak apkelmaxnéseso Dios énxet'ák apagkok yakwayam exekmósakpekxoho, esakxoho sat nahan aksok negmésamol'a Dios ekhawo m'a apkeltémókxa axta antehek Moisés eñama apcháxñeykekxoho exchep, yakwayam enxoho elya'asagkohok apyókxoho énxet aptakmelwokmo exchep ma'a ektémakxa axta apháxamap.

SAN MARCOS 7:36

Apkeltamhok axta Jesús meltennaha énxet'ák ma'a ektahakxa axta; yágwokmok axta aksa apkeltenneykha énxet'ák meltamho eykhe kóltennaha Jesús.

SAN MATEO 9:30

Apkelwetákxeyk axta nahan exma xa énxet'ák nak. Aptahak axta apkelpakhetcháseykxoho Jesús meltamho exének se'e: —Nágkóltennasha aksa xama énxet.

SAN MARCOS 6:11

Agkok kólmaxchek takha' mók yókxexma kélwánxa enxoho, mopmenyék agkok nahan yeyxhok kéltenneykha énxet, kólántep sat ma'a, kólpalches sat kélmagkok xóp ánek, yakwayam enxoho metnatchesek peya ellegásesagkohok Dios xa énxet'ák nak.

SAN MARCOS 5:43

Apyennaktések axta appeywa Jesús apkeltamho megkóltennaha xa, keñe axta apkeltamho kólagkok ekto m'a sakcha'a nak.

SAN MATEO 17:9

Apmések axta appeywa Jesús apkeltámeséyak neyseksa apkelánteyapma axta néten egkexe. Aptahak axta apkeláneya s'e: —Nágkóltennaha aksa ektahakxa nak kélweté aksok kélxekmósamo, ekwokmoho apxátekhágwokmo m'a ektaha nak Apketche énxet.

SAN MATEO 10:18

kawomhok sat nahan kélnaklo kéxegke nápakta'awo' ma'a kelwese'e nak yókxexma tén han nápakta'awo' ma'a kelwese'e apkelwányam nak, ko'o eñamakxa; keñe sat kólxének kéxegke amya'a ektakmela ekxeyenma nak ma'a aptémakxa nak Wese' apwányam Dios nápakta'awo' xa énxet'ák nak, tén han nápakta'awo' ma'a énxet'ák melya'áseyak nak Dios.

SAN MATEO 6:1

“Nágkóllána aksa kéltamheykha ektakmela yakwayam enxoho kólxekmósho kéltahakxa énxet'ák. Kéltemék agkok kéxegke xa, megkések sat xama aksok apméso naksa Kélyap apha nak néten.

SAN MATEO 5:17

“Nágkaxén aksa kélwáxok sekwa'a ko'o yakwayam amasésak ma'a ektémakxa nak segánamakxa tén han ma'a ektémakxa axta apkelxekmóso énxet'ák apkellegaso axta Dios appeywa; maxegakmok ko'o yakwayam amasésak xa, wánxa agkok emenyék eyke apeykesásekxak ekmámnaksoho ektémakxa xa.

SAN JUAN 8:50

Momenyék ko'o katakmelmakha sexeyenma énxet, yetneyk eyke m'a apmopmenyého nak katakmelek ko'o sexeyenma énxet, cham'a aptémol'a cha'a apyekpelchémo énxet.

SAN JUAN 7:18

Enxet ektahakxa enxoho apkeltenneykha m'a ektahakxa enxoho elchetamso apwáxok, eltennaha cha'a yakwayam enxoho katakmelek apxeyenma énxet; keñe m'a énxet apkeltémo nak katakmelek apxénamap ma'a ektaha axta apcháphaso, ekmámnaksoho cha'a katnehek apkeltenneykha xa, méko nahan katnehek xama aksok kélxéncháseykekxoho aptémakxa.

SAN JUAN 5:41

“Momenyék ko'o katakmelmakha apkelpeywa hexének énxet'ák keso náxop.

SAN LUCAS 21:13

Keñe sat kólyentamaxkohok kólxének sekwesey.

SAN MARCOS 8:30

Wánxa agkok, apkeltamhok axta Jesús mexének apkeltámeséyak aptaha Mesías.

SAN MATEO 16:20

Keñe axta apkelpakhetchesa Jesús apkeltámeséyak apkeltamho mexének aptaha Mesías.

SAN MATEO 3:15

Aptahak axta apchátegmowágko Jesús se'e: —Etne xa seltamhókxa nak etnehek, hakte payhawók anlának ekyókxoho m'a ekpéwo nak anlának nápakto' Dios. Keñe axta apkelyahákxoho Juan.

SAN MARCOS 13:9

“Kólleyxmakha kéxegke; hakte kólmések sat kéxegke m'a kelwese'e nak, kóltekyawha sat nahan kañe' apchakneykekxexa nak énxet'ák judíos; kólnaklók sat nahan kéxegke aphágkaxa m'a kelwese'e nak, tén han ma'a kelwese'e apkelwányam nak, ko'o eñamakxa; keñe sat kólewának kólxének kéxegke amya'a segwagkasamo teyp nápakta'awo' xa énxet'ák nak.

SAN MARCOS 3:12

Apyennaktések axta appeywa Jesús apnókásencha'a meltamho kaxének nepyeseksa énxet'ák.

SAN MARCOS 9:9

Neyseksa apkelánteyapma néten egkexe axta apmésa appeywa Jesús apkeltámeséyak apkeltamho meltennaha m'a ektahakxa axta apweté, ekwokmoho apxátekhágwokmo nepyeseksa apkeletsapma m'a aptaha nak Apketche énxet.

SAN LUCAS 4:41

Apxámok axta anhan apkelháxamap elántepa cha'a apwáxók kelyekhama', entahak axta cha'a elyennaktésawo elpeywa s'e: —¡Xép aptaha Dios Apketche! Wánxa agkok, apnókáseyha axta eyke Jesús ma'a kelyekhama', axta ya'awok kalpakmétek, hakte yekpelchawók axta aptaha Jesús Mesías.

SAN LUCAS 8:56

Kelxegawók axta agkenya'ák enchána ekwet'a xa, wánxa agkok, axta eyke eltamhok Jesús kóltennaha xa ektahakxa axta.

SAN LUCAS 9:21

Wánxa agkok, apkeltamhok axta eyke Jesús mexének apkeltámeséyak aptaha Mesías.