SAN MATEO 8:26 - Lengua Sur (Enxet) Nuevo Testamento

²⁶ Aptahak axta apchátegmowágko Jesús se'e: —¿Yaksak ektaha kélaka nak? ¡Asextók ekyetno megkólya'áseyam kéxegke! Apkempákxeyk axta néten natámen apteme appeywa xa, appakhetchesek axta exchahayam, tén han ma'a wátsam ekpayhegwayam, massawók agko' axta, takmelakxók axta ekyetno yegmen.

SAN MATEO 8:26 Referans Kwoze

SAN MATEO 6:30

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a élakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok kéxegke Dios kéltaha nak ekmasextoho kélteme megkólya'áseyam.

ROMANOS 4:20

Axta ey'áseykmok Abraham, axta anhan kamassegweykmok apteme apcháyo m'a appekkencháseykekxa axta appeywa Dios, yágweykmók axta aksa apteme mey'áseyam, tén han apcháyo. Apkeltemésesegkek axta apcheymákpoho Dios,

SAN MATEO 16:8

Apyekpelchek axta eyke Jesús aptahakxa apkelpeywa. Aptahak axta apkeláneya s'e: —¿Yaksak ektaha kélxéna nak méko pan? Asextók megkólya'áseyam kéxegke.

APOCALIPSIS 10:2

Weykcha'áhak étkok kélmeykeso axta apmeykha, keñe axta apteyókmo wátsam ekwányam ma'a apmenek ekpayhókxa nak apkelya'asamakxa, keñe axta apmenek ekpayhókxa nak nepsagkalwa apteyókmo xóp.

SAN MATEO 8:27

Pelakkasek axta apkelwet'a xa énxet'ák nak, apkelmaxneyáha axta cha'a pók. Aptahak axta apkelpakmeta s'e: —¿Yaksak kexaha énxet xa aptéma nak, wokmók exchahayam elyaheykekxoho appeywa tén han ma'a wátsam ekpayhegwayam nak?

SAN MATEO 17:20

Aptahak axta apkeláneya Jesús se'e: —Asextók eyke megkólya'áseyam kéxegke. Yetneyk agkok megkólya'áseyam, kaxhok eykhe megkólya'áseyam ma'a ekwánxal'a aktek yámet ekweseyl'a mostaza, kóltehek kólának egkexe s'e: ‘Kapatyep xa, katnegwom mók nekha’, kapatyapok nahan xa egkexe nak. Megkólapagkanaxchék nahan kéxegke. Nakso' xa sektahakxa nak seláneya.

SAN LUCAS 4:35

Appakhetchesek axta Jesús xa kelyekhama' nak. Aptahak axta apcháneya s'e: —¡Kawanma, katyep xa énxet apwáxok nak! Keñe axta ekyaknegkesa kelyekhama' xa énxet nak nápakta'awo' apyókxoho énxet'ák, axta eyke katnésesakmohoxma ektepa apwáxok kelyekhama' xa énxet nak.