SAN MATEO 8:20 - Lengua Sur (Enxet) Nuevo Testamento

²⁰ Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN MATEO 8:20 Referans Kwoze

SAN LUCAS 2:7

Axta aptémhok apmonye ekweté étche m'a, apáwa axta pextétak, kañe' yántéseksek kélnaktóso kéleykegkaxa ektéyak axta pekkenwokmok, hakte méko axta ekhágkaxa m'a apheykegkaxa axta cha'a meyk'a.

2 CORINTIOS 8:9

Hakte kélya'ásegkok kéxegke Wese' egegkok Jesucristo, aptemesásamákpo axta meyke aksok apagkok kéxegke eñamakxa, xámok axta eykhe aksok apagkok ma'a néten, yakwayam enxoho kóltehek kéxegke ekxákma aksok kélagkok eleñama nak néten, eñama m'a aptemesásamap axta Cristo meyke aksok apagkok, eñama nahan ma'a ektémakxa nak segásekhayo.

SAN LUCAS 2:16

Apkelpekhésawók axta apkelxega, apwetágwokmek axta María tén han José, apwetágwokmek axta anhan sakcha'a apyetna m'a kañe' yántéseksek ekteykegkaxa axta cha'a ektéyak weyke.

SAN LUCAS 2:12

Megkólchenatchesek sat kéxegke kélwet'a sat sakcha'a kélpexteté apáwa tén han kélpekkenma m'a kañe' yántéseksek kéleykegkaxa nak ektéyak kélnaktóso.”

SAN LUCAS 8:3

Juana, Cuza aptáwa axta anhan ma'a, aptaha axta wese' Herodes apkeláneseykha aksok apagkok; Susana axta anhan ma'a, tén han ma'a ekyókxoho kelán'ák ekpasmoma axta cha'a Jesús eñama ekméso aksok agkok ekyetnakxa enxoho.

SAN MATEO 12:32

Kawomhok sat nahan meyakmagkáseykekxa Dios aptémakxa m'a énxet apxeyenma ekmaso nak ma'a aptaha nak Apketche énxet; wánxa agkok eyakmagkásekxak sat eyke Dios aptémakxa m'a énxet apxeyenma nak ekmaso Espíritu Santo neyseksók apha keso náxop, tén han ma'a egmonye sat.

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 17:9

Apmések axta appeywa Jesús apkeltámeséyak neyseksa apkelánteyapma axta néten egkexe. Aptahak axta apkeláneya s'e: —Nágkóltennaha aksa ektahakxa nak kélweté aksok kélxekmósamo, ekwokmoho apxátekhágwokmo m'a ektaha nak Apketche énxet.

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 16:13

Xama axta apwokmo Jesús yókxexma Cesarea de Filipo, aptahak axta Jesús apkelmaxneyeyncha'a apkeltámeséyak se'e: —¿Háxko aptémakxa énxet sexeyenma ko'o sektaha nak énxet Apketche?

SAN MATEO 12:40

Kaxhok sat ma'a ektémakxa axta Jonás apha antanxo ekhem tén han antanxo axta'a kañe' kelasma ekyawe awáxok, sat nahan katnehek ma'a aptaha nak Apketche énxet, antanxo ekhem, antanxo axta'a, sat katnehek apyetno kañe' xóp.

SAN MATEO 12:8

Yetneyk apmopwána elának aksok ekhem nellókasamakxa nelyampé m'a aptaha nak Apketche énxet.

SAN MATEO 13:37

Aptahak axta apchátegmowágko Jesús se'e: “Enxet apkeneykekxa nak aksok aktek ektakmela, cham'a aptaha nak Apketche énxet ma'a,

SAN MARCOS 8:38

Agkok exénak énxet aptaha sétleykha ko'o, tén han meltenneyncha'a enxoho amya'a ahagkok nápakta'awo' ma'a énxet'ák apyenseyam nak apkelyetlo Dios, tén han ma'a melya'asáxma nak, mexének sat nahan apwesey aptaha nak Apketche énxet ma'a, cham'a apwakto sat yetlo apcheymákpoho eñama Apyap, tén han yetlo m'a apkelásenneykha apkelpagkanamap nak.

SAN LUCAS 9:58

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyayam ma'a aptaha nak Apketche énxet.

SAN LUCAS 12:8

“Apxénchek agkok xama énxet aptaha sétleykha ko'o nápakta'awo' énxet'ák, exének sat nahan aptaha nak Apketche énxet nápakta'awo' Dios apkelásenneykha aptaha apchásenneykha xa énxet nak.

SAN LUCAS 18:8

Eltennásek ko'o peya epasmok ekmanyehe agko'. Apkexyekmek sat agkok ma'a aptaha nak Apketche énxet, ¿éteyágwataya sat makham ekyetna magya'áseyam keso náxop?”

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

SAN JUAN 1:51

Aptahak axta nahan Jesús appeywa s'e: —Kólwetak sat kéxegke kamayhekxak néten, kólwetak sat nahan elweweykentak cha'a Dios apkelásenneykha apkeleñama néten, tén han elmeyekxak cha'a m'a néten, takhapxet ma'a ektaha nak Apketche énxet. Nakso' xa sektahakxa nak seláneya kéxegke.

SAN JUAN 3:13

“Méko xama énxet apmeyeykekxo m'a néten, wánxa m'a apwéweykento axta apkeñama néten, cham'a aptaha nak Apketche Enxet.

SAN JUAN 3:14

Kólya'ásekxak sat nahan néten aptaha nak Apketche Enxet, ekhawo m'a aptahakxa axta Moisés apya'asa néten yéwa yókxexma meykexa énxet,

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

SAN JUAN 6:53

Aptahak axta apkeláneya Jesús se'e: —Agkok koltáwak kéxegke aphápetek ma'a ektaha nak Apketche énxet tén han megkólyena enxoho éma apagkok, méko sat katnehek ekyennakte kélnenya'ák kéxegke. Nakso' xa sektahakxa nak sekpeywa seláneya kéxegke.

SAN JUAN 6:62

¿Háxko katnehek kélwet'a enxoho makham emyekxak ektaha nak Apketche énxet ma'a apkeñemékxa axta?

SAN JUAN 12:34

Aptahak axta apkelátegmowágko énxet'ák se'e: —Segánamakxa keñamak negya'ásegkoho negko'o peya exek cha'a Mesías megkatnegwayam enéxa. ¿Yaksak ektaha apxéna nak xép peya kólya'ásekxak néten ma'a ektaha nak Apketche énxet? ¿Yaksa m'a ektaha nak Apketche énxet?

SAN JUAN 13:31

Aptahak axta appeywa Jesús natámen apteyapma Judas se'e: —Wetáxchek kaxwo' ektémakxa apcheymákpoho m'a ektaha nak Apketche énxet, keñe nahan ekwetáxko ektémakxa apcheymákpoho m'a Dios eñama xa.

LOS HECHOS 7:56

Keñe axta aptaha appakmeta s'e: —¡Kóllano! Ekwet'ak ko'o ekmayhekxo néten, ekwet'ak nahan apkenmeyncha'a ekpayhókxa apkelya'asamakxa Dios ma'a ektaha nak Apketche énxet.