SAN MATEO 8:2 - Lengua Sur (Enxet) Nuevo Testamento

² Keñe axta apyepetchegwokmoho xama énxet negmasé ektepelchamáxche egyempehek ekteme, apkeltekxekwokmek axta aptapnák xóp apkenmágkaxa Jesús xa énxet nak. Aptahak axta apcháneya s'e: —Wese', apmokók agkok xép, apwanchek heyáxñásekxak ektémakxa nak sekháxamáxche.

SAN MATEO 8:2 Referans Kwoze

SAN MATEO 18:26

Apkeltekxekkek axta aptapnák xóp nápakto' wese' apagkok xa apkeláneykha nak, aptahak axta appeywa s'e: ‘Wese', neypekhés aksa, asawhohok sat ayanmagkasek ekyókxoho.’

SAN MATEO 15:25

Wánxa agkok, keltekxekwokmek axta atapnák kelán'a apmonye Jesús. Entahak axta eyáneya s'e: —¡Wese', hepásem ko'o!

1 CORINTIOS 14:25

Keñe sat keytnekxak yáxñakxoho ektémakxa nak aksok ekyetno apwáxok nápakta'awo' énxet'ák, eltekxók sat nahan aptapnák elpeykeshok Dios, ékpelchágwomhok sat nahan eyámnaksoho apha Dios kélnepyeseksa kéxegke xa énxet nak.

LOS HECHOS 10:25

Xama axta apwokmo Pedro xa tegma nak, aptekkek axta Cornelio apkelanyexagko, apkeltekxekwokmek axta aptapnák xóp apkenmágkaxa Pedro apmoko elpeykeshok.

SAN JUAN 9:38

Keñe axta apkeltekxeya aptaknák apkenmágkaxa Jesús xa énxet nak. Aptahak axta apcháneya s'e: —Wese' may'ásekmok kaxwo' ko'o exchep.

SAN MATEO 28:17

Xama axta apwet'a Jesús xa énxet'ák nak, apkelpeykásók axta. Nápakha axta eyke apya'ásekmok.

SAN LUCAS 4:27

Apxámok axta anhan énxet ektamhéyak negmasé ektepelchamáxche egyempehek ma'a Israel, cham'a aphamakxa axta Eliseo, aptaha axta Dios appeywa aplegaso. Wánxa agkok, axta eyke kóltakmelcheseykmok xama enxoho xa énxet'ák nak, wánxa axta aksa m'a Naamán, aptaha axta apkeñama yókxexma Siria.

SAN MATEO 26:6

Apheyk axta Jesús tegma apwányam Betania, Simón apxagkok, cham'a apkeltamhomakpo axta negmasé ektepelchamáxche egyempehek áto';

SAN MATEO 20:20

Yo'ókmek axta Jesús Zebedeo aptáwa, yetlo étchek, keltekxekwokmek axta atapnák apkenmágkaxa yakwayam enxoho kalmaxnak xama aksok.

SAN MATEO 14:33

Keñe axta apkeltekxeyágko aptapnák apmonye Jesús ma'a ektaha axta apkelchánte yántakpayhe. Aptahak axta apcháneya s'e: —¡Nakso' neyke agkok xép aptaha Dios Apketche!

SAN MATEO 13:58

Axta elanak Jesús ekxámokma aksok sempelakkaso agweta' ma'a, hakte apya'ásekmek axta énxet'ák ektaha axta apheykha m'a.

SAN MATEO 9:18

Apwokmek axta énxet'ák judíos apkemha apmonye apagkok neyseksa apkeltenneykha axta Jesús, apkeltekxekwokmek axta aptapnák xóp apmonye apkenmágkaxa Jesús. Aptahak axta apcháneya s'e: —Kaxwo' ko'o ketsapak hatte kelwána, apmahágkek agkok xép appekkenwokmek agkok nahan apmek ekyetnakxa, kaxátekhágwók sat.

APOCALIPSIS 19:10

Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.

SAN MATEO 28:9

Neyseksa elxega axta apxekmowásekpoho Jesús xa kelán'ák nak. Apkelpeykesek axta anhan. Yepetchegwokmók axta Jesús xa kelán'ák nak, kelpeykásók axta anhan, keñe axta elpaknegkesekmoho apmagkok.

SAN MATEO 10:8

Kóltakmelchesem énxet apkelháxamap nak, kólnakxátekhásem nahan ma'a apkeletsapma nak, kóltakmelchesem nahan ma'a ektamhéyak nak negmasé ektepelchamáxchel'a egyempehek, kólántekkes nahan kelyekhama' énxet apwáxok. Meyke ekyanmaga kélxawágkok kéxegke xa kélmowána nak, nágkólma nahan ekyanmaga eñama kéllané xa.

SAN MATEO 4:9

Entahak axta eyáneya s'e: —Asawhohok sat ko'o almések xép ekyókxoho xa aksok nak, cham'a apkeltekxeya enxoho aptapnák xóp selpeykáso.

SAN MATEO 2:11

Keñe axta apkelántaxnegwokmo kañe' tegma, apwet'ak axta sakcha'a yetlo m'a egken María; apkeltekxeyágkek axta aptapnák xóp apkelpeykáso. Apkelmeykásegkek axta atña'ák yántéseksek kélxátamo axta cha'a aksok elmomnáwa, apmések axta sawo ekyátekto ekmomnáwa, tén han ma'a aksok ekmátsa agko' la'a ekpakneyam éten agkok, tén han ma'a yámet ánek ekmátsa ekpakneyamla'a.

SAN MATEO 8:1

Xama axta aptepa Jesús néten egkexe, apxámok axta énxet apyetleykha.

SAN MATEO 8:25

Keñe axta apxátekháseykxo apkeltámeséyak aptenakxa Jesús. Aptahak axta apcháneya s'e: —¡Wese', Wese' Jesús, hẽlwagkas negko'o teyp! ¡Peyk ólweywagkok!

LOS HECHOS 10:14

Aptahak axta apchátegmowágko Pedro s'e: “Wese', matók ahagko' ko'o xa aksok nawha'ák elmanyása nak, tén han ma'a mantamakxa nak.”