SAN MATEO 8:17 - Lengua Sur (Enxet) Nuevo Testamento

¹⁷ Cháxa ektahakxa axta ektaha m'a apkeltenneykencha'a axta Isaías aptaha axta Dios appeywa aplegaso, cham'a aptéma axta apkeltenneykha s'e: “Apmaséso apagko' axta aptahak ektémakxa nak negko'o meyke negyennakte, tén han segyenyókasa m'a ektémakxa nak nelháxamáxche.”

SAN MATEO 8:17 Referans Kwoze

1 SAN PEDRO 2:24

Appata apagko' axta aptahak Cristo mólya'asáxma cham'a ekyetlóko axta apkexnákpo axta néten aksok ektegyéso, yakwayam enxoho kamaskok nénmexo negko'o m'a ektémakxa nak mólya'asáxma ektémol'a ótsapok, yakwayam enxoho antehek nentémakxa ekpéwomo. Kélyensasegkek axta Cristo yakwayam enxoho kóltakmelwók kéxegke.

SAN MATEO 1:22

Sawhomáxkók axta ektéma xa, yakwayam enxoho katnehek ma'a apxeyenma axta Wese' egegkok, eñama apxeyenma m'a énxet aptaha axta Dios appeywa aplegaso aptéma axta s'e:

SAN MATEO 2:23

Xama axta apwákxo m'a, aphakmek axta tegma apwányam Nazaret. Temegkek axta xa yakwayam enxoho katnehek ma'a apxeyenma axta katnehek énxet'ák aptaha axta Dios appeywa apkellegaso: cham'a ekmáheyo eltamhakpok Jesús apkeñama Nazaret.

SAN MATEO 2:15

Apheykmek axta m'a ekwokmoho apketsapa wese' Herodes. Temegkek axta xa, yakwayam enxoho kasawhaxkohok katnehek ma'a ektémakxa axta apxeyenma Wese' egegkok eñama apxeyenma m'a énxet aptaha axta Dios appeywa aplegaso, aptéma axta s'e: “Egipto payhok sekwónégkaxa ko'o hatte.”

SAN MARCOS 1:32

Xama axta ektaxna ekhem, yaktések axta nahan, keñe axta kélsókasa Jesús apkelháxamap apxámokma tén han ma'a énxet'ák kelyekhama' eknaktawáseykha axta,

SAN LUCAS 4:40

Xama axta ektaxna ekhem, kélnaklókek axta aphakxa Jesús apyókxoho énxet mók ektémakxa apkelháxamap; xama axta cha'a appaknegwokmohok, apkeltakmelchesakmo apyókxoho xa apkelháxamap nak.

2 CORINTIOS 12:10

Payhekxeyk nahan ko'o xa ewáxok eñama m'a megkeynneykha nak empehek, selwanyeykha, meyke aksok ahagkok, selyakmáseykha, seklegeykegkoho ekyentaxnamo sekha eñama m'a Cristo, hakte ekyelkáxchek agkok cha'a ko'o, cháxa sektaha ko'o sekyennakte xa.