SAN MATEO 8:16 - Lengua Sur (Enxet) Nuevo Testamento

¹⁶ Xama axta ekyaktésa, kélnaklókasek axta Jesús apxámokma énxet kelyekhama' elántaxno apwáxók; xama appeywa axta cha'a aptahak apkelántekkesa m'a kelyekhama', apkeltakmelchesakmek axta nahan Jesús apyókxoho énxet'ák apkelháxamap.

SAN MATEO 8:16 Referans Kwoze

SAN LUCAS 4:40

Xama axta ektaxna ekhem, kélnaklókek axta aphakxa Jesús apyókxoho énxet mók ektémakxa apkelháxamap; xama axta cha'a appaknegwokmohok, apkeltakmelchesakmo apyókxoho xa apkelháxamap nak.

SAN MATEO 14:14

Xama axta apteyapwokmo Jesús kañe' yántakpayhe, apwet'ak axta énxet apxámokma, apyósekak axta apkelano, apkeltakmelchesekmek axta apkelháxamap apnaklo axta xa énxet'ák nak.

LOS HECHOS 5:15

Kélántekkesek axta apkelháxamap nekha ámay nepyeseksa tegma, kélnegkenwokmek axta yetlo apkeltaháno m'a, yakwayam enxoho káhapwomhok Pedro pesese apagkok pók xama apkelháxamap apyeykhágwokmo enxoho.

SAN MARCOS 5:8

Aptemék axta appeywa énxet xa, hakte aptemék axta apcháneya Jesús se'e: —¡Espíritu ekmaso, katyep xa énxet apwáxok nak!

SAN MATEO 12:22

Kélyentegkek axta aphakxa Jesús xama énxet meyke apakta'ák tén han meyke appeywa, kelyekhama' ektawáseykha axta m'a. Apwetáseykxeyk axta exma Jesús tén han aptekkesásekxo appeywa.

SAN MARCOS 2:3

Keñe axta apsókasa énxet apkelyakseykekxa megkamopwána eltakheykha hawók nápakha énxet'ák.

SAN MATEO 9:2

Kélsókasek axta énxet megkamopwána eltakheykha m'a, taháno axta kélpekkenak kélsawa. Xama axta apwet'a Jesús ekyetna ekyawe melya'áseyam xa énxet'ák nak, aptahak axta apcháneya énxet megkamopwána eltakheykha s'e: —Hatte, ewaskápekxoho, megkólyakmagkáseykxak aptémakxa mey'asáxma exchep.

SAN MARCOS 9:25

Xama axta apwet'a Jesús apxámagwa'a énxet, appakhetchesek axta espíritu ekmaso. Aptahak axta apcháneya s'e: —Espíritu meyke ekpeywa, tén han meyke aheyk'ák, eltamhok ko'o katyapok xa wokma'ák apwáxok, nágkataxnegwata nahan cha'a apwáxok.

SAN MATEO 8:33

Apkenyahágkek axta énxet'ák ektaha axta aptakmelcheso yátapomap. Xama axta apkelwákxo nátegma, apkeltennáha axta ekyókxoho ektahakxa axta, apkeltennáha axta anhan ektahakxa axta m'a énxet'ák kelyekhama' eknaktawáseykha axta.

SAN MATEO 8:15

Appaknegwokmok axta ámek Jesús, keñe axta ekmassa ekmexanma empehek, keñe axta ekhákxo néten yetlókók axta elápeykha elánesa aksok.

SAN LUCAS 4:41

Apxámok axta anhan apkelháxamap elántepa cha'a apwáxók kelyekhama', entahak axta cha'a elyennaktésawo elpeywa s'e: —¡Xép aptaha Dios Apketche! Wánxa agkok, apnókáseyha axta eyke Jesús ma'a kelyekhama', axta ya'awok kalpakmétek, hakte yekpelchawók axta aptaha Jesús Mesías.

SAN LUCAS 13:12

Xama axta apwet'a Jesús xa kelán'a nak, apwóneyha axta, aptahak axta apcháneya s'e: —Kelán'a, yenyókek kaxwo' ma'a ektémakxa axta ekháxamáxche.