SAN MATEO 8:14 - Lengua Sur (Enxet) Nuevo Testamento

¹⁴ Apmahágkek axta Jesús Pedro apxagkok, apwetágwokmek axta Pedro apepyáma' ekyetna néten ektaháno, negmasé ekmexanma egyempehek axta táhak.

SAN MATEO 8:14 Referans Kwoze

1 CORINTIOS 9:5

Payhawók eykhe nahan negko'o xa annaklawha egnakteyegka'a megkalya'áseyam nak Wese' egegkok, ekha enxoho, ekhawo aptamheykegkaxal'a pók seykha amya'a nak, ekhawo aptamheykegkaxal'a nahan ma'a Wese' egegkok apkelyáxeg apancha'awo nak, tén han ma'a Cefas.

SAN MATEO 17:25

—Ehay, epekkenhok cha'a —axta aptahak apchátegmowágko Pedro. Xama axta aptaxna Pedro kañe' tegma, Jesús axta appakmétak apmonye. Aptahak axta apcháneya s'e: —¿Háxko ektahakxa elchetamso apwáxok xép Simón? ¿Yaksak énxet apméso cha'a selyakye yakwayam elmaha m'a kelwese'e nak keso náxop? ¿Apkelenyémeyo xamo', enxeykel'a m'a pók énxet'ák nak.

HEBREOS 13:4

Kólteme kélyaheykekxoho ektémakxa nak sẽlyamhopma. Kóltakmelches ma'a ektémakxa nak kélyepetcheykha kéltáwa. Hakte Dios sat eñásesagkohok ma'a ektahakxa enxoho elané ekmaso nak nentémakxa mansexta, tén han ma'a ektahakxa enxoho ektawáseykha m'a ektémakxa nak sẽlyamhopma.

1 TIMOTEO 4:3

Megyohók cha'a antegyek entáwa xa énxet'ák nak. Megyohók nahan cha'a antók ma'a mók xama aksok nentamakxa nak, ektaha axta Dios apkelané yakwayam enxoho etawagkok ma'a énxet'ák apteme nak melya'áseyam, tén han etawagkok ma'a énxet'ák ektaha nak apkelya'áseykegkoho m'a amya'a ekmámnaksoho nak, egkések nahan ekpayheykekxa apwáxok Dios eñama xa aptéyak nak.

1 TIMOTEO 3:2

Ekeso eñamakxa eyéméxko nak etnehek meyke kélxéncháseykekxoho aptémakxa énxet ektaha nak apxegkeso kélakneykekxexa, kéméxchek etnehek wánxa xama aptáwa, etnehek nahan apmopwána apkeláneykegkoho aptémakxa, etnehek nahan ekha apya'áseykegkoho, etnehek nahan ektakmela aptémakxa. Kéméxchek cha'a emok takha' pók exnésók ma'a apxagkok; kéméxchek nahan etnehek ma'a apmopwána nak elxekmósek apnámokkok;

SAN MATEO 8:20

Aptahak axta apchátegmowágko Jesús se'e: —Yetneyk máxek axanák yemmáleg, yetneyk nahan axanák náta, méko eyke apteyáyam ma'a aptaha nak Apketche énxet.

SAN MATEO 8:15

Appaknegwokmok axta ámek Jesús, keñe axta ekmassa ekmexanma empehek, keñe axta ekhákxo néten yetlókók axta elápeykha elánesa aksok.