SAN MATEO 8:12 - Lengua Sur (Enxet) Nuevo Testamento

¹² Neyseksa ekyaktésakxaxma sat eyke kólchexak ma'a énxet'ák ekpayhawo axta eykhe yakwayam elántexek ma'a aptémakxa nak Wese' apwányam Dios, keñe sat kawak apkellekxagweykha, eltakxek sat nahan apma'ák eñama apkellegeykegkoho ekmáske.

SAN MATEO 8:12 Referans Kwoze

SAN MATEO 25:30

Kóltekkes yókxexma xa seláneykha mékoho nak, cham'a ekyaktésakxa nak exma, cham'a yakwánxa sat elekxagwaha m'a, eltakxek sat nahan apma'ák eñama aplegeykegkoho ekmáske.’,

SAN LUCAS 13:28

Sat kóllekxagwaha kéxegke m'a, kóltakxek sat nahan kélma'ák eñama kéllegeykegkoho ekmáske, cham'a kélwet'a sat Abraham, Isaac, Jacob, tén han ma'a apyókxoho énxet'ák apkellegaso axta Dios appeywa apheyncha'a enxoho m'a aptémakxa nak Wese' apwányam Dios, cham'a kélántekkesa sat yókxexma kéxegke.

SAN MATEO 21:43

Ekeso eñamakxa seltennasa nak kéxegke peya kólwatésesek kélteme kélpáxakxo m'a aptémakxa nak Wese' apwányam Dios, keñe sat exkekxak ma'a énxet'ák aptekkesamo nak ekyexna apkelhaxanma nak Dios.

SAN MATEO 13:50

keñe sat ekxakhagwók kañe' máxek eyálewomakxa táxa m'a énxet'ák elmasagcha'a nak apkeltémakxa, cham'a yakwánxa sat ellekxagwaha tén han eltakxek apma'ák eñama apkellegeykegkoho ekmáske.”

SAN MATEO 13:42

Ekxakhagwók sat ma'a eyáléweykegkaxa nak táxa, cham'a yakwánxa sat ellekxagwaha m'a, tén han eltakxek apma'ák eñama apkellegeykegkoho ekmáske.

SAN MATEO 24:51

eñásesagkohok nahan, exnéshok ekwánxal'a kéllegasáseykegkoho m'a énxet'ák apkelmeyókásamákpoho apagko' nak apkeltémakxa. Keñe, elekxagwaha, eltakxek nahan apma'ák eñama aplegeykegkoho ekmáske.

SAN JUDAS 1:13

Máxa nahan ma'a yegmen elyakyahayam elyawel'a wátsam ekwányam exakhamól'a ekyakmopé apkeltémakxa segmegkasamo xa énxet'ák nak. Máxa anhan ma'a yaw'a apkelyetnakhágwayamla'a apkelxega, kélpagkanchesama nak han yakwayam kólekhésók ma'a ekyaktesamakxa agko' nak exma, megkatnegwayam enéxa.

2 SAN PEDRO 2:17

Máxa yámelchet meyke yegmenla'a xa énxet'ák apkelxekmóso nak apnámokkok, máxa nahan ma'a yaphopé eksól'a exchahayam; Kélpagkanchesegkek nahan yakwayam kólhésók ma'a ekyaktésamakxa agko' nak exma.

2 SAN PEDRO 2:4

Apkellegasáseykegkók axta Dios ma'a apkelásenneykha apkeleñama nak néten apkeláneykegko axta melya'asáxma, megkaspóneykxa táxa axta apkexeyk, neyseksa ekyaktésakxaxma axta nahan apkekhésekmok yetlo apkelpexteté, apkeleyxchesa m'a ekhem nelyekpelchamáxchexa sat.

ROMANOS 9:4

Hakte Israel aptawan'ák neptámen ma'a, apkelmomchek axta nahan Dios aptéma apketchek xa. Aphegkek axta Dios nepyeseksa xa yetlo apcheymákpoho, apmésegkek axta anhan ma'a ekhémo mók apkelpakhetchásamákpoho nak Dios, tén han ma'a Moisés segánamakxa apagkok, apmések axta anhan ektémakxa nelpeykesamo Dios kañe' tegma appagkanamap, apmésegkek axta anhan appeywa yakweykenxa etnehek.

LOS HECHOS 3:25

Kéxegke kélteme kélxaweykekxa xa appekkeneykekxa axta appeywa Dios, apkelxeyenma axta m'a énxet'ák ektaha axta apkellegaso Dios appeywa, kéxegke anhan kélxaweykekxa m'a ekhémo mók nelpakhetchásamáxkoho nak Dios, ektaha axta apkelanéso Dios ma'a ẽlyepmeyk nano'. Hakte aptemegkek axta Dios apkenagkama Abraham se'e: ‘Apkeleñémo sat kóltemésesagkok apyókxoho énxet'ák apheykha nak keso náxop eñama m'a aptawan'ák neptámen nak xép.’

SAN MATEO 13:38

keñe m'a namyep nak ekyetchesamaxkoho keso náxop. Aksok aktek ektakmela nak ekyetchesamaxkoho m'a énxet apkeleñama nak ma'a aptémakxa nak Wese' apwányam Dios, keñe m'a menóke nak ekyetchesamaxkoho m'a énxet'ák ektaha nak kelyekhama' agkok,

APOCALIPSIS 22:15

Melántexek sat eyke m'a énxet ekmaso agko' nak apkeltémakxa apkelyetchesamakpoho nak semheg, tén han ma'a aptamhéyak nak kelyohóxma, tén han ma'a apkeláneykegko nak ekmaso apkeltémakxa kalmopsexta'a, tén han ma'a apchakhe nak pók, tén han ma'a apkelpeykesamo nak kéleykmáseso, tén han ma'a apyókxoho énxet ektaha nak ekleklamo apwáxók negmowána amya'a nak, cham'a aptamheykegko nak apkelmopwána amya'a.