SAN MATEO 7:7 - Lengua Sur (Enxet) Nuevo Testamento

⁷ “Kólmaxna, egkések sat Dios; kólchetam, kólwetekxak sat; kólpakmeswom nekha átog, kólmeykesesek sat.

SAN MATEO 7:7 Referans Kwoze

SAN MATEO 21:22

Kólxawak sat kéxegke ekyókxoho aksok kélmaxné enxoho yetlo megkólya'áseyam, cham'a kéltaha enxoho nempeywa nelmaxnagko.

1 SAN JUAN 3:22

Dios sat nahan hegmések ekyókxoho aksok nelmaxneyakxa enxoho, hakte nelyaheykekxók negko'o m'a apkeltémókxa nak antehek, nenláneyak nahan ma'a ekleklamókxa nak apwáxok antehek.

SAN JUAN 15:7

“Kéllenxanakmók agkok kélteme selyepetcheyo ko'o, tén han kéllenxanakmoho enxoho kélyetlo m'a ektémakxa nak nelxekmowásamáxche eñama ko'o, kólmaxna aksok kélámenyexa enxoho, kólxawak sat kéxegke.

SAN MARCOS 11:24

Eltennásak ko'o kéxegke m'a ekyókxoho aksok kélmaxnagko nak eñama nempeywa nelmaxnagko, nágkólya'ásem peya kólxawak, kólxawak sat.

SAN MATEO 6:33

Kaxénmakha sekxo' kélwáxok ma'a aptémakxa nak Wese' apwányam Dios, tén han kóllának ma'a ekpéwo nak kóllának nápakto' Dios, keñe sat nahan kólxawak kéxegke ekyókxoho xa aksok nak.

SAN MATEO 7:8

Kéxegke ektahakxa enxoho kélmaxnagko, kólxawak sat; keñe kéxegke ektahakxa enxoho kélchetamso, kólwetekxak sat; keñe kéxegke ektahakxa enxoho kélpakméswayam nekha átog, kólmeykesesek sat.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

HEBREOS 11:6

Magwanchek negko'o ampeykesásekxak apwáxok Dios méko enxoho magya'áseyam, hakte negmokók agkok agyo'ókxak Dios kéméxchek magya'asók sekxo' apha m'a Dios, tén han magya'asók apkelánésa aksok eltakmela m'a énxet'ák ektaha nak apketamso Dios.

SAN JUAN 4:10

Aptahak axta apchátegmowágko Jesús se'e: —Ya'ásegkok agkok xeye' m'a aksok segmésamol'a cha'a Dios, ya'ásegkok agkok nahan se'e apkelmaxneya nak yegmen, kalmaxnak xeyk xeye' yegmen, keñe exchek egkések ma'a yegmen ekyennaktésamo nak egnenyek.

SAN MATEO 18:19

“Ektahak ko'o seláneya kéxegke s'e: Hawók agkok mók kélpakmeyesma kéxegke keso náxop yakwayam kólmaxnak aksok eñama nak nempeywa nelmaxnagko, egkések sat ma'a Táta apha nak néten.

SANTIAGO 5:15

Kélmaxnakkek agkok yetlo megkólya'áseyam, etakmelwók ma'a ektaha apháxamap. Wese' egegkok exneyásekxak néten; apkeláneyak agkok nahan mey'asáxma m'a ektahakxa enxoho apháxamap, megkólyakmagkásekxék sat eyke m'a ektémakxa nak mey'asáxma.

SAN LUCAS 18:1

Apkeltennáseyha axta Jesús apkeltámeséyak se'e apyetcháseykekxoho nak, yakwayam enxoho elxekmósek eyéméxko etnahagkok cha'a nempeywa nelmaxnagko meyke elleklágwayam.

SAN MATEO 7:11

Kélya'ásegkok agkok kélméso aksok eltakmela kélketchek kéxegke kéltaha nak ekmaso kéltémakxa ¡Sat eyke ekyagwánxa agkok elmésagkok aksok eltakmela énxet'ák ektahakxa enxoho apkelmaxnagko aksok ma'a Kélyap apha nak néten!

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

ROMANOS 3:11

Méko xama énxet ekha enxoho apya'áseyak, méko nahan xama énxet apketamso enxoho Dios.

SAN LUCAS 13:25

Apkempákxeyk sat agkok néten ma'a ektaha nak apxagkok tegma, tén han ma'a apchápeykxo enxoho átog, sat kóltehek kélpeywa kéxegke kélchakneykha yókxexma s'e: ‘Wese', henlekkes negko'o átog.’ Wánxa agkok, sat etnehek yátegmowagkok Wese' s'e: ‘May'ásegkok ko'o kéleñamakxa kéxegke.’