SAN MATEO 7:6 - Lengua Sur (Enxet) Nuevo Testamento

⁶ “Nágkólmés aksa aksok ekpagkanamaxche semheg, kataknawékxak katnehek kéxegke, kalyeptek kéxegke. Nágkólyenyaw nahan aksok ekmomnáwa kélagkok apkelyagkakxa yátapomap; elteyammaha katnehek.

SAN MATEO 7:6 Referans Kwoze

FILIPENSES 3:2

Kóláwho sat kéxegke m'a énxet aphésamo nak aptémakxa semheg, cham'a énxet'ák apkeláneykegko nak apkeltémakxa ekmaso, cham'a énxet'ák apkelyenyekheykencha'awol'a egyempehek.

SAN MATEO 15:26

Aptahak axta apchátegmowágko Jesús se'e: —Megkapayhawok kólyementók pan ma'a ektaha nak kélketchek, keñe kólmések semheg.

HEBREOS 10:29

¿Yagkaxénak kélwáxok kéxegke peya kayeykhágwomhok kéllegasáseykegkoho ekyentaxno agko' ma'a ektaha nak apwanyeykha Dios Apketche, cham'a aptaknagko nak Cristo éma apagkok, tén han ma'a apyemneykha nak Dios Espíritu apagkok, cham'a Dios aptaha nak apkelásekhayo xa énxet'ák nak? Hakte cháxa ektaha nak ekteméseso ekmámnaksoho nelpakhetchásamáxkoho Dios xa Cristo éma apagkok nak, cháxa ektaha nak han ekteméseso apkelpagkanamap énxet xa.

2 SAN PEDRO 2:22

Wánxa agkok, temék eyke ektémakxa nak amya'a xa énxet'ák nak, ektéma nak amya'a s'e: “Tawékxeyk ekyekxo semheg”, tén han ektéma amya'a s'e: “Apyetnákxeyk makham neyseksa yelpa' yátapomap kaxwé kélyakpáseso yegmen.”

SAN MATEO 24:10

Apxámok sat énxet apkelyenseyam apteme melya'áseyam ma'a ekhem sat, etaknaweykxak sat cha'a pók apagko' énxet, etlakkasesek sat nahan cha'a yának emakpok pók.

HEBREOS 6:6

apkelwátesagkek agkok apteme melya'áseyam xa énxet'ák nak, megkólwanchek sat kóltemesásekxak makham apteme melya'áseyam Dios, hakte máxa katnehek apyepetcháseykxo enxoho makham aksok ektegyéso Dios Apketche, máxa apkenagko yesmaksek apyókxoho énxet sat etnesásekxak makham.

2 CORINTIOS 11:26

Hágkaxwe anhan amhagkok mók nekha. Ekwet'ak axta ko'o setnegweykmohoxma kañe' wátsam, tén han setnéseseykmohoxma énxet'ák apkelmenyexma nak, tén han sekwetaya setnéseseykmohoxma énxet'ák sekpeywomo xamo' nak, tén han setnéseseykmohoxma pók énxet'ák nak. Ekwet'ak axta anhan setnegweykmohoxma nepyeseksa tegma apwányam, ekwet'ak axta anhan setnegweykmohoxma yókxexma, tén han ma'a neyseksa wátsam ekwányam nak, tén han sekwetaya setnéseseykmohoxma m'a énxet'ák apkeltemesásamap axta ekha melya'áseyam.

SAN MATEO 7:5

¡Kéxegke kélmeyókásamáxkoho nak kéltémakxa! Kóllek sekxo' kéxegke xa ekyéxakxo ekyawe nak, keñe sat katakmelek kélweté yakwayam kóllekkesek pa'at nekha ekyéxakxo m'a kélyáxeg.

APOCALIPSIS 22:15

Melántexek sat eyke m'a énxet ekmaso agko' nak apkeltémakxa apkelyetchesamakpoho nak semheg, tén han ma'a aptamhéyak nak kelyohóxma, tén han ma'a apkeláneykegko nak ekmaso apkeltémakxa kalmopsexta'a, tén han ma'a apchakhe nak pók, tén han ma'a apkelpeykesamo nak kéleykmáseso, tén han ma'a apyókxoho énxet ektaha nak ekleklamo apwáxók negmowána amya'a nak, cham'a aptamheykegko nak apkelmopwána amya'a.