SAN MATEO 7:5 - Lengua Sur (Enxet) Nuevo Testamento

⁵ ¡Kéxegke kélmeyókásamáxkoho nak kéltémakxa! Kóllek sekxo' kéxegke xa ekyéxakxo ekyawe nak, keñe sat katakmelek kélweté yakwayam kóllekkesek pa'at nekha ekyéxakxo m'a kélyáxeg.

SAN MATEO 7:5 Referans Kwoze

SAN LUCAS 6:42

Agkok kólyekpelchak kéxegke ekyetna yámet nekha ekyawe ekyéxakxo kélaktek, ¿Yaksak ektaha megkólaka nak kéltaha kéláneya kélyáxeg se'e?: ‘Egyáxeg, hegho anlekkesek ekyéxakxo pa'at nekha ekyetna nak kélaktek’? ¡Kéxegke kélmeyókásamáxkoho nak kéltémakxa. Kóllek sekxo' yámet nekha ekyawe ekyéxakxo ekyetna nak kélaktek, keñe sat kólewának kóllekkesek pa'at nekha ekyéxakxo m'a kélyáxeg!

SAN LUCAS 13:15

Aptahak axta apcháneya Wese' egegkok se'e: —Kéxegke kélmeyókásamáxkoho nak kéltémakxa, ¿Megkóllekkeseya kéxegke táma weyke kéltóso, yámelyeheykok esenhan, cham'a ekhem nellókasamakxa nak nelyampé, yakwayam enxoho kólágwakxak yegmen?

SAN LUCAS 4:23

Aptahak axta apchátegmowágko Jesús se'e: —Ekya'ásegkok peya kóltehek helának se'e: ‘Pánakte egyap, etakmelwomho apagko' xép.’ Kóltehek sat nahan helának se'e: ‘Elána nahan apchókxa m'a aksok nenleg'a axta negko'o amya'a apkelana m'a Capernaum.’

SAN MATEO 22:18

Apyekpelchawók axta Jesús ektahakxa ekmaso elchetamso apwáxók xa énxet'ák nak. Aptahak axta apkeláneya s'e: —Kéxegke kélmeyókásamáxkoho nak kéltémakxa, ¿Yaksak ektaha selyekkóna nak?

SAN LUCAS 12:56

Kéxegke kélmeyókásamáxkoho nak kéltémakxa, kélwanchek agkok kólya'asagkohok kéxegke ektémakxa néten, tén han keso náxop, ¿Yaksak ektaha megkólewagko nak kólxének kéxegke ektahakxa aksok magkenatcheso agweta' keso negwánxa nak?

LOS HECHOS 19:15

Wánxa agkok, xama ekhem axta eyke chátegmowágkok aksok ekmaso xa énxet'ák nak. Entahak axta eláneya s'e: “Ekya'ásegkok ko'o Jesús, ekya'ásegkok nahan ma'a Pablo; ¿yaksak eyke énxet kéxegke?”

SAN MATEO 7:3

¿Yaksak ektaha kéllano nak kéxegke kélyáxeg ekyéxakxo pa'at nekha, megkaxénak kélwáxok ekyetna kéxegkáxa ekyéxakxo yámet nekha ekyawe?

SAN MATEO 7:4

Yetneyk agkok kéxegke ekyéxakxo yámet nekha ekyawe, ¿háxko katnehek kólewának kóltehek kólána kélyáxeg se'e: ‘Heyho hana alekkesek xép pa'at nekha ekyéxakxo nak.’?

SAN MATEO 7:6

“Nágkólmés aksa aksok ekpagkanamaxche semheg, kataknawékxak katnehek kéxegke, kalyeptek kéxegke. Nágkólyenyaw nahan aksok ekmomnáwa kélagkok apkelyagkakxa yátapomap; elteyammaha katnehek.