SAN MATEO 7:26 - Lengua Sur (Enxet) Nuevo Testamento

²⁶ Keñe kéxegke kéltaha nak kélháxenmo aksa sekpeywa keñe megkólanyek ma'a sektahakxa enxoho sekpeywa, máxa kóltehek ma'a énxet mey'áseyak aksok la'a, cham'a apkeláneya axta apxagkok ekyetnakxa yagkamex.

SAN MATEO 7:26 Referans Kwoze

SAN LUCAS 6:49

Wánxa agkok énxet apháxenmo nak ko'o sekpeywa, keñe melanyek ma'a sektahakxa enxoho seyáneya, máxa etnehek ma'a énxet apkeláneya axta tegma néten xóp meyke ekyennaktéso tegma apowhak; xama axta ektepa yegmen wátsam, tegwokmek axta cha'a elyakyahayam ma'a tegma nak, apyaknenchek axta m'a tegma nak, apketsagkáseykpók apagko' axta anhan.”

SANTIAGO 2:20

Ná etne ekyéháxma', ékpelkoho exchep ma'a enxama ekyetna enxoho mey'áseyam meyke apkelané aptamheykha xama enxoho, mékoho katnehek ma'a ektémakxa nak mey'áseyam.

SAN MATEO 7:24

“Kéxegke ektahakxa enxoho kélháxenmo sekpeywa keñe kóllának ma'a sektahakxa enxoho sekpeywa, máxa kóltehek ma'a énxet ekhal'a apya'áseykegkoho apkeláneya axta tegma ekyetnakxa meteymog.

SAN MATEO 7:25

Wakteyk axta mámeye, tekkek axta anhan yegmen ma'a wátsam, tekkek axta anhan exchahayam ekyennakte agko' yakwayam kategkesek xa tegma nak, wánxa agkok, axta eyke etyekmok, hakte yetneyk axta meteymog ektaha ekyennaktéso xa tegma nak.

SAN MATEO 7:27

Wakteyk axta mámeye, tekkek axta anhan yegmen ma'a wátsam, tekkek axta anhan exchahayam ekyennakte agko' yakwayam kategkesek xa tegma nak, apteyekmek axta xa tegma nak, apketsagkáseykpok apagko' axta nahan.”