SAN MATEO 7:21 - Lengua Sur (Enxet) Nuevo Testamento

²¹ “Háwe sat apyókxoho elántexek aptémakxa Wese' apwányam Dios ma'a énxet'ák aptéma nak cha'a apkelpeywa hexének se'e: ‘Wese', Wese' ahagkok’, wánxa sat elántexek ma'a énxet'ák apkelané nak Táta apmopmenyého, cham'a apha nak néten.

SAN MATEO 7:21 Referans Kwoze

ROMANOS 2:13

Megkólmasésesek cha'a apsexnánémap énxet apháxenmo nak segánamakxa, akke m'a énxet'ák apkelyaheykekxoho nak eltémókxa antehek segánamakxa.

SAN LUCAS 6:46

“¿Yaksak ektaha kéltaha nak sexéna kéxegke s'e, ‘Wese', Wese'’, keñe megkóláneya m'a sektémakxa nak selánagkama?

SANTIAGO 1:22

Kóllána cha'a m'a ektémakxa nak amya'a kéllegaso, nágkólteme kélháxenmo aksa, hakte megkólakhémo kélagko' kóltehek kéxegke kéltahakxa, kéltaha enxoho kélháxenmo aksa.

SAN LUCAS 11:28

Aptahak axta apchátegmowágko Jesús se'e: —¡Akke nakso' apkeleñémo m'a énxet apháxenmo nak Dios appeywa, tén han ma'a apkelyaheykekxoho nak ektémakxa!

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.

HEBREOS 4:6

Kéméxchek eyke makham elántexek nápakha énxet'ák xa yakwánxa nak hẽllókasesek nelyampé Dios, hakte melántaxnók ma'a énxet'ák apmonye axta kéllegaso tásek amya'a eñama m'a melyaheykekxoho axta.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

APOCALIPSIS 3:5

Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.

1 SAN PEDRO 4:2

wánxa aksa elának ma'a ektémakxa nak Dios apmopmenyého, kamaskok apkelana m'a ektémakxa nak aksok ekmaso negyespagko.

SAN MATEO 12:50

Enxet ektahakxa enxoho apkelané m'a apmopmenyého nak Táta apha nak néten, cha'a aptaha eyáxeg ko'o m'a, tén han elyáxeg kelwán'ák, tén han méme ahagkok ko'o m'a.

APOCALIPSIS 22:14

Apkeleñémo agko' énxet apkelyenyeso nak apkelnakta, hakte kaphemmok sat yakwayam etawagkok ekyexna m'a yámet ekyennaktésamo nak egnenyek, elepwának sat nahan elántexek ma'a tegma apwányam nak.

SAN JUAN 3:5

Aptahak axta apchátegmowágko Jesús se'e: —Agkok etnahak énxet kaxwé apteyam eñama nak yegmen tén han ma'a eñama nak Espíritu, mopwanchek etxek ma'a aptémakxa nak Wese' apwányam Dios. Nakso' xa sektahakxa nak sekpeywa seyáneya exchep.

SAN MATEO 18:3

Aptahak axta s'e: —Agkok kólyakmagkásak kéxegke kéltémakxa, tén han megkólheyásexkoho enxoho sakcha'a létkók, megkólántexek sat ma'a aptémakxa nak Wese' apwányam Dios. Nakso' xa sektahakxa nak sekpeywa seláneya kéxegke.

SAN JUAN 7:17

Apmokók agkok elának xama énxet Dios apmopmenyého, apwanchek ékpelkohok ektaha eñama Dios se'e ektémakxa nak selxekmóso, tén han ékpelkohok ma'a sektaha enxoho selxekmóso ahagko'.

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

SAN MARCOS 3:35

Hakte cham'a ektahakxa enxoho elané Táta apmopmenyého, cha'a aptaha elyáxeg ko'o m'a, tén han elyáxeg kelwán'ák, tén han méme m'a.

1 TESALONICENSES 5:18

Kólmés cha'a ekpayheykekxa kélwáxok Dios eñama m'a ekyókxoho ektahakxa enxoho kéxegke, hakte cháxa apkeltémókxa nak kóltehek kéxegke Dios xa, kéxegke kélteme nak megkólya'áseyam Cristo Jesús.

EFESIOS 6:6

Kóllanés cha'a aksok wese' kélagkok, háwe ekwánxa agkok ma'a apkelánencha'a enxoho yakwayam enxoho yának katakmelak kéltamheykha, akke tásek kóltehek kéltamheykha m'a aptémakxal'a énxet ektaha nak Cristo apchásenneykha, kóllának yetlo ekmáheyo agko' kélwáxok ma'a eñama nak Dios apmopmenyého.

1 SAN PEDRO 2:15

Hakte apmenyék Dios kóltehek kéxegke ektakmela kéltémakxa yakwayam enxoho mexének ekmaso kéxegke m'a énxet'ák melya'áseyak nak aksok, tén han ma'a énxet'ák elyéháxma nak.

SAN MATEO 25:21

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

1 TESALONICENSES 4:3

Apmenyék Dios kóltehek kélpagkanchásamáxche kéxegke wánxa m'a Dios, mopmenyék kóllának kélxama kéxegke ekmaso nak nentémakxa mansexta,

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

SAN LUCAS 13:25

Apkempákxeyk sat agkok néten ma'a ektaha nak apxagkok tegma, tén han ma'a apchápeykxo enxoho átog, sat kóltehek kélpeywa kéxegke kélchakneykha yókxexma s'e: ‘Wese', henlekkes negko'o átog.’ Wánxa agkok, sat etnehek yátegmowagkok Wese' s'e: ‘May'ásegkok ko'o kéleñamakxa kéxegke.’

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

SAN LUCAS 18:25

Yeskohók eyke yakwayam etxek yányatnáxeg ma'a sóketáma aktek, keñe m'a énxet ekxákma nak selyakye apagkok askehek etxek ma'a aptémakxa nak Wese' apwányam Dios.

SAN MARCOS 9:47

Kelánések agkok megkólya'asáxma kélaktek, kóllek; tásek kólántexek aptémakxa nak Wese' apwányam Dios xama kélaktek, kaxnók kólchexeyxchek kéxegke sẽlmaseseykenxa yetlo ánet kélakta'ák,

SAN MATEO 19:24

Keñe yeskohok etxek yágyatnáxeg ma'a sóketáma aktek, keñe m'a énxet ekxákma nak aksok apagkok askehe' etxek ma'a aptémakxa nak Wese' apwányam Dios.

SAN MATEO 18:35

Aptahak axta anhan appeywa Jesús se'e: —Sat nahan etnésesek kéxegke Táta apha nak néten xa, cham'a kélyakmagkáseykxo enxoho aptemésesakxa kélmók, cham'a eyéméxko nak eykhe kóltehek ekmámnaksoho megkólyakmagkáseykekxa aptemésesakxa.

SAN JUAN 15:23

hakte énxet ektahakxa enxoho setaknagko ko'o, etaknók nahan ma'a Táta.

SAN MATEO 26:42

Aptakháwok axta makham Jesús. Aptahak axta aptaha nempeywa nelmaxnagko s'e: “Táta, mowanchek agkok ko'o sektakhésawo xa peya nak añegkoho', katnehek sat ma'a apkepmenyého nak katnehek xép.”

SAN MATEO 16:17

Aptahak axta Jesús apcháneya s'e: —Apkeleñémo exchep Simón, Jonás apketche, hakte megkañamak nepyeseksa énxet'ák xa apya'áseyak nak, wánxa apya'asáseykegkoho m'a Táta, apha nak néten.

APOCALIPSIS 2:27

ekhawo setnésesamakxa axta anhan ko'o xa Táta segkésama yakwayam keytek selyaheykekxoho;

SAN JUAN 14:7

Elyekpelchawók agkok ko'o kéxegke, kólyekpelkohok sat nahan ma'a Táta; apkelya'ásegkok kéxegke Táta keso kaxwo' nak, hakte apwet'awók kéxegke.

SAN JUAN 5:17

Wánxa agkok, aptahak axta Jesús apkeláneya s'e: —Aptamháha cha'a ko'o Táta, ektamháha nahan cha'a ko'o xa.

SAN MATEO 26:39

Yetlókók axta apxega Jesús apmahágko yámmakhawo, apháxegwokmek axta ekwokmoho aptekxeya ekpayhakxa nápát xóp. Aptahak axta aptaha nempeywa nelmaxnagko s'e: “Táta, apwanchek agkok xép, nágyána aksa añegkohok ko'o yakwánxa nak hetnehek ekyetchesamaxkoho nak xama egheykok negya aksok ekmáskel'a, momenyék ko'o kalanaxchek ma'a sekmamenyého ahagko' nak, wánxa m'a apmopmenyého nak xép.”

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

SAN MATEO 18:19

“Ektahak ko'o seláneya kéxegke s'e: Hawók agkok mók kélpakmeyesma kéxegke keso náxop yakwayam kólmaxnak aksok eñama nak nempeywa nelmaxnagko, egkések sat ma'a Táta apha nak néten.

SAN MATEO 25:10

Apwakteyk axta yakwayam kalyamhápok neyseksa elxega xa cinco kelán'a étkók nak ektegyagwákxo chálewaso égmenek, keñe axta elántaxna kañe' tegma yetlo kaxwé yakwayam kalyamhápok ma'a kelán'a étkók ekpenchesamo axta eláneykekxa ektahakxa. Keñe axta kélapeykxo átog.