Biblia Todo Logo
Bib sou entènèt

- Piblisite -




SAN MATEO 7:15 - Lengua Sur (Enxet) Nuevo Testamento

15 “Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.

Gade chapit la Kopi




SAN MATEO 7:15
54 Referans Kwoze  

Elyáxeg selásekhayo, nágkolána aksa nakso' aptahakxa apkelpeywa apyókxoho énxet'ák apkelxeyenma nak apyetna Espíritu apkeñama Dios, wánxa agkok, kólyekkón aksa sekxo', yakwayam enxoho kólya'asagkohok espíritu apkeñama Dios kexaha m'a apha nak apwáxok, háwe esenhan katnehek. Hakte apsawheykekxók náxop ma'a énxet'ák apkelmopwána amya'a nak, apkelxeyenmol'a apkelpeywa ektaha eñama Dios.


Elántépok sat Dios appeywa apkellegaso apkelmopwána amya'a nak, apxámok sat nahan etnehek énxet apkelyexancháseykha.


Kólawho kéxegke: nágkólho aksa kamok kélwáxok kéxegke m'a apmáheyo nak elyexanchesha énxet'ák yetlo apchásenneykekxa m'a ektémakxa nak apkelya'áseyak megkamámnaksoho, hakte metnehek cha'a apchásenneykekxa Cristo xa énxet'ák nak, wánxa cha'a yásenneykxak ma'a apkeltémakxa nak énxet, tén han apchásenneykekxo cha'a m'a ektémakxa nak ekmowána aksok eláneykencha'a nak keso náxop.


Máxchek axta xa aksok nawhak eklo nak, máxkók axta xamo' ma'a ektaha axta apkellegaso amya'a megkamámnaksoho nak, cham'a, apkeláneykegko axta cha'a aksok sempelakkaso nak agweta' nakto' xa aksok nawhak eklo nak. Apkelyexancháseykha axta énxet'ák xa ektaha nak apkellegaso amya'a megkamámnaksoho, eñama apkeláneyak ma'a aksok sempelakkaso nak agweta'. Axta apkelyexancháseyha m'a énxet'ák apchahayo axta keytek aksok nawhak eklo elkahaso, cham'a apkelpeykesamo axta kéleykmáseso kélheyáseykegkoho nak aksok nawhak eklo. Keñe axta kélyenyawa yetlo akta'ák neyseksa táxa xa aksok nawhak eklo nak, tén han yetlo apakta'ák ma'a ektaha axta apkellegaso amya'a megkamámnaksoho, cham'a eyálewomakxa nak táxa yetlo m'a aksok ánek eyálewomol'a.


Apkelyexancháseykha keñamak apkelyexamakpoho appáxakwaya kéxegke nápakha énxet apkelmopwána amya'a nak, cham'a ekxeyenma nak eknaktáxésamaxche nano' axta, yakwayam kóllegásesagkohok xa énxet'ák nak. Sagcha'ak apkeltémakxa xa, apmeykha nahan cha'a m'a ektémakxa nak Dios segásekhayo apkeláneykegko m'a apkelyeykhásamákpoho nak apkeltémakxa ekmaso, mexeyenmak nahan cha'a apwesey m'a Jesucristo aptaha nak wánxa xama Wese' egegkok.


Elyáxeg selásekhayo, kólawho kéxegke xa, yakwayam enxoho megkalmehek ma'a ektémakxa nak sẽlyexancháseykha énxet'ák elmasagcha'a nak apkeltémakxa, yakwayam enxoho megkaweywenték ma'a ektémakxa nak ekyennakwayam kélteme megkólya'áseyam, hakte nano' kélya'áseyak kéxegke ekmáheyo katnehek xa.


“¡Kéxegke sat laye ektaha nak kélxénamaxche ektakmela; hakte cháxa aptemésesamakxa axta énxet'ák apkeltemesásamakpo axta Dios appeywa apkellegaso apyepmeyk nano' xa énxet'ák nak!


Kayágwomhok sat ekmaso apkeltémakxa m'a énxet elmasagcha'a nak apkeltémakxa, tén han ma'a énxet'ák sẽlyexancháseykegkohol'a, elyexanchesha sat pók, kólyexanchesha sat nahan.


Hakte kammok sat ekhem yakwánxa etaknawágwók énxet'ák ma'a nelxekmowásamáxche ektakmela nak, eyánchesagkohok sat ma'a apmáheyókxa nak etnahagkok, cham'a apkeltémakxa apancha'awo nak, etegyagkok sat apxámokma m'a énxet apkelxekmósamol'a apnámokkok, yakwayam kólxekmósek wánxa m'a apmáheyókxa nak eleyxhok xa énxet'ák nak.


Kóláwho sat kéxegke m'a énxet aphésamo nak aptémakxa semheg, cham'a énxet'ák apkeláneykegko nak apkeltémakxa ekmaso, cham'a énxet'ák apkelyenyekheykencha'awol'a egyempehek.


Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.


Nápakha megkatnaha ekmámnaksoho ẽlyáxeg axta eyke apkelyexákpohok sempáxakwa'a negko'o, yakwayam elyexakpohok etyánegwohok ektémakxa nak negko'o negkegwagkexa antehek eñama Cristo Jesús, apmenyék axta anhan hentemesásekxak negko'o nelyaheykekxoho segánamakxa, ektémol'a negmomaxche.


Kólawho kéxegke neltémo nak agyeykhasaxkohok ekha aksok egagkok; hakte megkañamak negyennakte ekmámnaksoho m'a nenxamáseyak nak aksok egagkok.


Ekwet'ak axta ko'o ektepa aksok ekmaso ekhó napnekteg átog yéwa ekwányam, axta anhan ekwet'ak ektepa átog ma'a aksok nawhak eklo, axta anhan ekwet'ak ektepa apátog ma'a seykha amya'a apmopwána amya'a nak. Antanxo axta ekyókxoho xa aksok elmasagcha'a ekhó nak napnekteg.


Nágkólho aksa kalyexanchesha kéxegke m'a énxet apkelpeywa ektaha nak mékoho, hakte cháxa keñamak ekxegakmo nak yakwayam ellegásesagkohok ekmaso agko' Dios xa énxet'ák nak, cham'a melyaheykekxoho nak Dios.


Kólawho kéxegke yakwayam enxoho megkahapwék ektémakxa nak apnaktáxeseyak énxet'ák Dios appeywa apkellegaso s'e:


Keñe m'a énxet keláneykha nekkések kélyanmagkaseso nak aptamheykha, apwet'ak agkok ekxegakmo aksok nawhak eklo, ekxak aksa nekkések yenyehek, hakte háwe etnehek apkelánnekyha nekkések apagko', háwe nahan katnehek apnaktóso m'a nekkések. Páxakwokmek agkok aksok nawhak eklo nekkések yakwayam kalnápok, kaxpánchesek nahan.


¿Háxko ektahakxa megkólya'ásegkoho nak kéxegke metnaha pan ma'a sekxéna exchek ko'o? Kólawho fariseos kempáseyak apagkok tén han ma'a saduceos.


Aptahak axta apkeláneya Jesús se'e: —Kóllano, kólawho kéxegke fariseos kempáseyak apagkok, tén han ma'a énxet'ák saduceos.


Katneykha sat kélwáxok, hakte kólnaklók sat kéxegke aphágkaxa m'a kélwese'e ekha nak kélyaheykekxoho, kóltekyawha sat nahan ma'a kañe' tegma apchakneykekxexa nak énxet'ák judíos,


Keñe axta sekwet'a ko'o ekyeykesáxma kelán'a m'a Dios énxet'ák apagkok éma apagkok nak ektémol'a hegakhek anmen, tén han éma apagkok ma'a énxet'ák ektaha axta aptekyawa eñama melyenseyam apteme melya'áseyam Jesús. Etlakkasek axta ko'o sekwet'a xa.


Apsawhekxók axta apkelweynchámeykha yókxexma Chipre, apkelwokmek axta nátegma ekwesey axta Pafos, axta apwetágwomhok xama énxet judío yohóxma m'a, apwesey axta Barjesús. Apkeltemesásamákpek axta Dios appeywa aplegaso, apmopwána amya'a axta eyke.


keñe ketsék ma'a átog ekmaheyak nak ekyennaktamakxa nak egnenyek, askehek nahan negyetlo, apkántawók nahan énxet apweteykekxa xa ámay nak.


keñe axta kélyenyawa neyseksa táxa ekpaxkamaxche aksok ánek eyálewomol'a m'a kelyekhama' ektaha axta elyexancháseykha énxet'ák, cham'a kélyenyawakxa axta nahan aksok nawhak eklo, tén han ma'a énxet aplegaso axta amya'a megkamámnaksoho nak, cháxa yakwánxa nak han kóllegásesagkohok ekyókxoho ekhem tén han ekyókxoho axta'a xa megkatnegwayam enéxa.


Swiv nou:

Piblisite


Piblisite