SAN MATEO 7:14 - Lengua Sur (Enxet) Nuevo Testamento

¹⁴ keñe ketsék ma'a átog ekmaheyak nak ekyennaktamakxa nak egnenyek, askehek nahan negyetlo, apkántawók nahan énxet apweteykekxa xa ámay nak.

SAN MATEO 7:14 Referans Kwoze

SAN MATEO 22:14

Apxámok énxet ektaha nak kéláneyeykha, apkántawók eyke m'a ektaha nak kélyéseykha.”

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

SAN MARCOS 8:34

Keñe axta apkelwónencha'a Jesús apkeltámeséyak, tén han ma'a énxet'ák. Aptahak axta apkeláneya s'e: —Kélmokók agkok kóltehek selxekmóso kélxama kéxegke, kólwateys xa kélmáheyókxa nak kóltehek, kólpátem kélagko' aksok ektegyéso kélagkok, hélyetlogma ko'o.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

SAN JUAN 16:33

Eltennásek kéxegke ekyókxoho xa, yakwayam enxoho kólwetak meyke ektahakxa kélwáxok neyseksók selyepetcheyo ko'o. Kóllegagkohok sat kéxegke keso náxop; wánxa agkok, kólteme kélwaskápeykekxoho, ekmalanchek ko'o ektémakxa nak keso náxop.

SAN MATEO 20:16

“Sat nahan katnehek énxet'ák apteme nak apkelámha apmonye'e keso kaxwo' nak, kónegók sat kóltemesásekxak, keñe sat kóltemesásekxak apkelámha apmonye'e m'a énxet'ák apteme nak kónegók keso kaxwo' nak.

SAN LUCAS 12:32

“Nágkólé' aksa kéxegke kéltaha nak seknaktóso nekkések; kélkántawók eykhe kéxegke, wánxa agkok, apmokók eyke egkések kéxegke aptémakxa nak Wese' apwányam ma'a Dios, aptaha nak Kélyap, eñama m'a apkelásekhayo nak.

ROMANOS 9:32

¿Yaksak axta ektéma? Hakte axta yásenneykekxak ma'a melya'áseyam, wánxa axta aksa apchásenneykekxo m'a aptamhéyak apancha'awo' nak. Ekeso eñamakxa elpelápagkasa axta “meteymog sempelápagkasamol'a”

SAN JUAN 16:2

Kólántekkesek sat kéxegke apchakneykekxa nak judíos, keñe sat kammok nahan ekhem yakwánxa nak yának elának énxet ma'a ekleklamókxa nak apwáxok antehek Dios, cham'a apkennapa enxoho kéxegke xa énxet'ák nak.

SAN MATEO 7:13

“Kólántex kéxegke m'a ektahakxa nak ketsék átog, hakte awanhek átog ekmaheyak nak ma'a sẽlmaséseykenxa nak, awanhek nahan ámay, awanhek nahan exma, awanhek nahan ekpayhakxa, apxámok nahan énxet apkelyetleykekxa xa ámay nak;

SAN MATEO 7:15

“Kólawho kéxegke énxet'ák apkelmopwána amya'a nak, apkelxeyenmol'a ektaha eñama Dios ma'a apkeltenneykha nak. Nekkések cha'a exnésakpohok ey'áwak kéxegke xa énxet'ák nak, aksok nawha'ák ello eyke.