SAN MATEO 7:1 - Lengua Sur (Enxet) Nuevo Testamento

¹ “Nágkólteme aksa kélyekpelchémo aptémakxa kélmók, yakwayam enxoho metnehek apyekpelchémo Dios kéltémakxa kéxegkáxa.

SAN MATEO 7:1 Referans Kwoze

SAN LUCAS 6:37

“Nágkólteme aksa kélyekpelchémo aptémakxa kélmók, keñe sat metnehek apyekpelchémo Dios kéltémakxa kéxegke, Nágkolána aksa kólegásesagkohok kélmók keñe sat mellegásesagkok kéxegke Dios. Nágkólyakmagkásekxa aksa aptemésesakxa kélmók, keñe sat meyakmagkásekxék kéltémakxa kéxegke Dios.

SAN LUCAS 6:41

“¿Yaksak ektaha kéllano nak kéxegke kélyáxeg ekyéxakxo pa'at nekha, yagkaxénak kélwáxok ekyetna yámet nekha ekyawe ekyéxakxo kéxegke?

SAN MATEO 7:5

¡Kéxegke kélmeyókásamáxkoho nak kéltémakxa! Kóllek sekxo' kéxegke xa ekyéxakxo ekyawe nak, keñe sat katakmelek kélweté yakwayam kóllekkesek pa'at nekha ekyéxakxo m'a kélyáxeg.

SAN MATEO 7:2

Hakte sat nahan exnéshok Dios apteme apyekpelchémo kéxegke m'a ekwánxa enxoho kélteme kélyekpelchémo kélmók; sat nahan exnéshok Dios apkelyetsáteyak kéltémakxa kéxegke m'a ekwánxa enxoho kélyetsáteyak aptémakxa kélmók.

SANTIAGO 3:1

Elyáxeg, nágkólho aksa exámak kélnepyeseksa kéxegke m'a énxet'ák apkelxekmóso nak apnámokkok, hakte kélya'ásegkok kéxegke negko'o nentaha nak nelxekmóso ennámokkok peya hẽlyekpelcháseshok ekyentaxno agko', megkaxók sat ma'a pók énxet'ák nak.

SAN JUAN 8:7

Apkelenxanakmók axta eyke apkelmaxneyeykha Jesús xa énxet'ák nak, keñe axta apkempákxo makham néten Jesús, aptahak axta apkeláneya s'e: —Apyetneyk agkok kélxama kéxegke melané mey'asáxma xama enxoho, eyenhe apmonye meteymog xa kelán'a nak.