SAN MATEO 6:9 - Lengua Sur (Enxet) Nuevo Testamento

⁹ Kéméxchek kóltehek kéltaha enxoho nempeywa nelmaxnagko s'e: ‘Egyap negko'o apha néten, kólpagkanchesek sat apwesey exchep.

SAN MATEO 6:9 Referans Kwoze

APOCALIPSIS 4:11

“Payhawók kóltemésesek Xép apcheymákpoho, Wese' egegkok Dios, tén han kóltehek kéláyo, payhawók nahan keytek ma'a apmopwána, hakte apkelanak axta exchep ekyókxoho aksok; Xép apmopmenyého axta keñamak ekheykegko ekyókxoho aksok, tén han elánamáxko.”

ROMANOS 8:15

Axta kólxaweyk kéxegke espíritu yakwayam egkeyásekxak makham kélmeneykha ektémol'a énxet apkelmomap, wánxa m'a Espíritu aptemésesama nak kéxegke Dios apketchek. Espíritu nahan keñamak nentéma cha'a nempeywa s'e: “¡Táta!”

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

APOCALIPSIS 5:12

Axta aptahak apkelyennaktésawo apkelpeywa s'e: “¡Payhawók exkak apmopwána Nekkések Apketkok apmatñama axta, payhawók nahan exkak ekxámokma aksok apagkok, payhawók nahan exkak apya'áseykegkoho, payhawók nahan exkak apyennakte, payhawók nahan kóltehek kéláyo, payhawók nahan kóltemésesek apcheymákpoho payhawók nahan kólpeykesho'!”

SAN MATEO 7:11

Kélya'ásegkok agkok kélméso aksok eltakmela kélketchek kéxegke kéltaha nak ekmaso kéltémakxa ¡Sat eyke ekyagwánxa agkok elmésagkok aksok eltakmela énxet'ák ektahakxa enxoho apkelmaxnagko aksok ma'a Kélyap apha nak néten!

SAN MATEO 26:29

Eltennásek eyke ko'o kéxegke peya meynekxók cha'a ko'o vino elánamáxche nak anmen yámet ekyexna, ekwokmoho sekyenawo xamo' kéxegke vino axnagkok ekyetna nak ma'a aptémakxa nak Wese' apwányam Dios.

SAN MATEO 23:9

Nágkólteme aksa anhan kélyap kéxegke xama énxet apheykha nak keso náxop, hakte wánxa xama Kélyap ma'a apha nak néten.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

SAN LUCAS 15:18

Amyekxak sat makham táta apxagkok, sat atnehek wának se'e: Táta, asagko' ko'o sektahakxa nápakto' Dios tén han nápakto' xép;

1 SAN PEDRO 1:17

Kéltemék agkok kélwónencha'a kéxegke Dios “Táta”, cham'a aptaha nak cha'a apyekpelchémo ektémakxa enxoho aksok nenlané, aptaha nak han apteméseso meyke apyeykhamap énxet, kéméxchek kéxegke kólxekmósho ekyetna kéláyo, neyseksa kélha makham keso náxop.

1 TIMOTEO 6:16

Apwánxa nahan xama megyetsapma, cham'a apha nak neyseksa elseyexma megkólmowána nak kólyepetchegwomhok. Meteyk nahan xama énxet enxoho, mopwanchek nahan éta'. ¡Apagkok sat cha'a etnehek Dios ma'a ektémakxa nak kéláyo, tén han ma'a ektémakxa nak apmopwána! Katnahagkok sat.

SAN LUCAS 15:21

Aptahak axta appakhetchesa apyap wokma'ák se'e: ‘Táta, asagko' ko'o sektahakxa nápakto' Dios tén han nápakto' xép; megkapayhawok kaxwo' heltehek apketche.’

SAN LUCAS 2:14

“¡Apcheymákpoho sat kóltemésesek Dios apha nak ma'a néten! ¡Keytek sat meyke ektahakxa egwáxók keso náxop nepyeseksa m'a énxet'ák appasmoma nak cha'a Dios!”

SAN MATEO 6:14

“Hakte agkok kólyakmagkáseykxak kéltemésesakxa ekmaso kéxegke, meyakmagkásekxék sat nahan kéxegkáxa kéltémakxa m'a Kélyap apha nak néten.

SAN MATEO 6:6

Kéltemék agkok kéxegke nempeywa nelmaxnagko, kóltaxnegwakxa kañe' kélxagkok, kólápekxoho nahan átog, kólmaxna Kélyap Dios aptaha nak kélxegexma neyseksók kélteme nempeywa nelmaxnagko kélxakko'. Egkések sat nahan aksok apméso naksa m'a Kélyap Dios aptaha nak apwetayo neyseksók kélyexamaxkoho kélteme nempeywa nelmaxnagko.

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

GÁLATAS 1:1

Ko'o Pablo sektaha nak seykha amya'a megkatnaha énxet seyápháseykha, tén han megkatnaha énxet selyéseykha, Jesucristo apagko' axta eyke selyéseykha ko'o, tén han ma'a Dios Egyap, aptaha axta apxátekháseyam ma'a Jesús.

SAN JUAN 20:17

Aptahak axta apcháneya Jesús se'e: —Náhepaknegwoho, hakte mamyákxak ko'o makham ma'a aphakxa nak Táta. Katakhoho, kaltennásekxa sat elyáxeg peya amyekxak ko'o kaxwo' ma'a aphakxa nak Táta, aptaha nak kélyap kéxegke, aptaha nak han Dios ahagkok tén han Dios kélagkok kéxegke.

SAN MATEO 26:42

Aptakháwok axta makham Jesús. Aptahak axta aptaha nempeywa nelmaxnagko s'e: “Táta, mowanchek agkok ko'o sektakhésawo xa peya nak añegkoho', katnehek sat ma'a apkepmenyého nak katnehek xép.”

SAN MATEO 10:29

“Megkólchexayhek cha'a ánet nátétkók meyke ekmomnáwa, wánxa agkok megkatyemek eyke cha'a náxop megya'awo enxoho m'a Kélyap apha nak néten.