SAN MATEO 6:5 - Lengua Sur (Enxet) Nuevo Testamento

⁵ “Kéltemék agkok kéxegke nempeywa nelmaxnagko, nágkólteme aksa m'a aptamheykegkaxa nak énxet'ák apkelmeyókásamákpoho nak apancha'awók apkeltémakxa, cham'a apmáheyol'a etnamha kañe' apchakneykekxexa judíos aptaha enxoho nempeywa nelmaxnagko, tén han etnegwók ma'a máseyak yókxexma apheykegkaxal'a énxet'ák, yakwayam enxoho kataxchek aptahakxa. Apkelxakék aksok apkelxawé naksa eñama aptamhéyak xa. Nakso' xa sektahakxa nak sekpeywa seláneya kéxegke.

SAN MATEO 6:5 Referans Kwoze

SAN MATEO 6:2

“Kélpasmeyk agkok kéxegke m'a énxet'ák ekha nak eyéméxchexa aksok, nágkóltekkesha aksa amya'a ekyókxoho yókxexma, nágkólteme apkeltémakxal'a énxet'ák apkelmeyókásamákpohol'a apkeltémakxa, cham'a apchakneykekxexa nak judíos tén han ma'a ámay nepyeseksa tegma apwányam nak, yakwayam enxoho katakmelek apkelxénamap xa énxet'ák nak. Apkelxakék aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN LUCAS 18:13

Wánxa agkok, teyépek axta eyke apkenmágkaxa énxet apkelmomo axta cha'a selyakye yakwayam kólmések wese' Roma, axta emokók yenmexhok néten, aptekpagáha axta aksa apnenyek. Aptahak axta appeywa se'e: ‘¡Oh Dios, yepyósho helanok ko'o sekteme nak may'asáxma!’

SAN MARCOS 11:25

Kéltemek agkok nempeywa nelmaxnagko, nágkólyakmagkásekxa aksa aptemésesakxa ekmaso kélmók, yakwayam enxoho meyakmagkásekxék nahan kéltémakxa megkólya'asáxma m'a Kélyap apha nak néten.

SAN LUCAS 20:47

elyementók nahan cha'a axanák ma'a kelán'ák tampe' nak, ahóxek nahan cha'a katnehek aptamhéyak nempeywa nelmaxnagko yakwayam ekpósek xa apkeltémakxa nak. Awanhek sat katnehek kéllegasáseykegkoho xa énxet'ák nak.”

SANTIAGO 4:6

Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”

SAN LUCAS 18:1

Apkeltennáseyha axta Jesús apkeltámeséyak se'e apyetcháseykekxoho nak, yakwayam enxoho elxekmósek eyéméxko etnahagkok cha'a nempeywa nelmaxnagko meyke elleklágwayam.

EFESIOS 6:18

Nágkólyensem kéxegke kélteme nempeywa nelmaxnagko: kólmaxna cha'a Dios yetlo appékesáseyak Espíritu. Kóleyxmakha cha'a kéxegke, meyke elleklágwayam, kólmaxnéses nahan cha'a m'a apyókxoho énxet'ák ektaha nak Dios énxet'ák apagkok.

SAN LUCAS 11:43

“¡Kéxegke laye énxet'ák fariseos! kéltémo nak kaltakmelhok kéltaháno kélakneykekxexa nak, kélmámenyého nak han cha'a epeykesek énxet yetlo apcháyo m'a ámay nepyeseksa tegma nak.

SAN MATEO 21:22

Kólxawak sat kéxegke ekyókxoho aksok kélmaxné enxoho yetlo megkólya'áseyam, cham'a kéltaha enxoho nempeywa nelmaxnagko.

1 TESALONICENSES 5:17

Kólteme cha'a nempeywa nelmaxnagko.

SAN JUAN 16:24

Akke kólmaxneyk makham kéxegke Táta xama aksok keso kaxwo' nak, eñama nak ko'o sekwesey; kólmaxna, kólxawak sat, yakwayam enxoho kayágwomhok agko' ma'a ekpayheykekxa kélwáxok nak.

SAN MARCOS 12:38

Aptahak axta Jesús apkeltenneykha s'e: “Kólawho sat kéxegke énxet'ák apkelxekmóso nak apnámokkok ektémakxa segánamakxa, hakte atsek emawhok elweynchamha yetlo apkelántaxno apkelwenakte, atsek nahan cha'a yának kólpeykesek yetlo kéláyo m'a apheykegkaxal'a cha'a énxet.

SAN MATEO 9:38

Kólmaxna kéxegke m'a ektaha nak Wese' namyep, yakwayam enxoho eláphaksek ma'a ektaha nak apkeltamheykha yakwayam yanchásekxak xa ekyexna nak.

SAN MATEO 23:13

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Megkólhayók nahan kéxegke elántexek énxet ma'a aptémakxa nak Wese' apwányam Dios. Megkólántaxnók nahan kéxegkáxa, megkólhayók nahan elántexek énxet apmáheyo neykhe elántexek.

SAN MATEO 23:6

Apmenyék nahan katakmelhok apteykegkaxa nak aptéyak, apmenyék nahan kaxnagkok eltakmela apkeltaháno m'a kañe' apchakneykekxexa nak.

SAN MATEO 6:16

“Agkok kóltáwak kélto kélpeykáso Dios, nágkayakhapmakha aksa kélwáxok, nágkólteme aksa aptamheykegkaxal'a énxet'ák apkelmeyókásamákpohol'a apancha'awók apkeltémakxa, máxa katnehek ma'a elyakhápencha'a enxoho apwáxók yakwayam enxoho étak énxet'ák apkelpeykáso Dios yetlo metéyak aptéyak. Apkelxawágkek aksok apkelxawé naksa eñama aptamhéyak xa. Nakso' xa sektahakxa nak seláneya kéxegke.

SAN MATEO 6:1

“Nágkóllána aksa kéltamheykha ektakmela yakwayam enxoho kólxekmósho kéltahakxa énxet'ák. Kéltemék agkok kéxegke xa, megkések sat xama aksok apméso naksa Kélyap apha nak néten.

SAN MATEO 23:5

Exekmóshok nahan cha'a énxet'ák ma'a ekyókxoho aksok apkeláneyak nak. Apmenyék nahan keytek Dios appeywa kéltáxéso ekpayhakxa nápát, tén han ma'a apaktegák nak, apmenyék nahan elyáncheshok elmakheykha napwa'ék apkelántaxno.

SAN LUCAS 6:24

“¡Kéxegke sat laye ektaha nak ekxákma aksok kélagkok, hakte yetneyk kéxegke aksok ekpeykesáseykekxa kélwáxok!