SAN MATEO 6:33 - Lengua Sur (Enxet) Nuevo Testamento

³³ Kaxénmakha sekxo' kélwáxok ma'a aptémakxa nak Wese' apwányam Dios, tén han kóllának ma'a ekpéwo nak kóllának nápakto' Dios, keñe sat nahan kólxawak kéxegke ekyókxoho xa aksok nak.

SAN MATEO 6:33 Referans Kwoze

SAN LUCAS 12:31

Kaxénmakha sekxo' kélwáxok ma'a aptémakxa nak Wese' apwányam Dios, keñe sat kólxawak kéxegke ekyókxoho xa aksok nak.

SAN MATEO 5:6

“Kéleñémo agko' kéxegke kéltaha nak kélmámenyého kélagko' kóllának Dios apmopmenyého, hakte Dios sat esawhaksohok elanaksek kéxegke xa.

SAN JUAN 6:27

Nágkóltemeykha aksa yakwayam kóltegyek ma'a nento eksawhomáxkohol'a, akke tásek kóltemeykha yakwayam kóltegyek ma'a nento ekyennaktésamo nak egnenyek ektaha nak han megkamassegwayam. Cháxa nento peya nak egkések kéxegke ektaha nak Apketche énxet xa, hakte apkelkahásek axta Dios Egyap xa.

ROMANOS 14:17

Háwe aptémakxa Wese' apwányam Dios ma'a nento tén han ma'a negya nak mók xama aksok, háwe ektémakxa xa, akke m'a ekpéwomo nentémakxa nak, meyke ektahakxa egwáxok, tén han ma'a ekpayheykekxa nak egwáxok eñama Espíritu Santo.

SAN MATEO 19:29

Kéxegke ektahakxa enxoho kélyamasma kélxagkok, kélyepma, kélyáxa, kélyepmeyk, kélchána, kélketchek, xóp kélagkok esenhan, eñama selyetlo ko'o, kayeykhágwomhok sat kélxawé aksok, kólxawak sat nahan ekyennakte kélnenya'ák megkatnegwayam enéxa.

ROMANOS 8:31

¿Háxko sat kaxwo' antehek anxének xa aksok nak? Empasmeyk agkok negko'o Dios, méko kawának henmexek negko'o.

1 TIMOTEO 4:8

Awanchek eykhe hempasmok xa nelyelaktésamaxche nak, akke ekyagwánxa agko' ekmowána hempasmok ma'a nempagkanchásamáxche nak Dios, cham'a ekyókxoho aksok nenlanakxa enxoho, hakte cháxa sempasma nak yakwayam katakmelek negha keso negwánxa nak, tén han peya hempasmok ma'a egmonye sat.

2 CORINTIOS 5:21

Axta elaneyk Cristo mey'asáxma xama enxoho. Negko'o axta eyke keñamak aptemésesa Dios máxa ekha mey'asáxma Cristo, yakwayam enxoho hentemésesek negko'o nelpéwomo Dios, eñama senteméseso m'a Cristo.

ROMANOS 1:17

Hakte cháxa amya'a senxekmósama nak negko'o ektémakxa apmasésama Dios ma'a ektémakxa nak nelsexnánémaxche: eñama m'a magya'áseyam nak, wánxa aksa m'a magya'áseyam nak. Hakte temék eknaktáxésamaxche s'e: “Etak sat ekyennakte apnenyek énxet apteme nak appéwomo eñama mey'áseyam.”

FILIPENSES 3:9

tén han atnehek sekyepetcheyo. Maktámak ko'o yakwayam hexének Dios sektaha sekpéwomo eñama selyaheykekxoho m'a eltémókxa nak antehek segánamakxa, wánxa agkok emenyék ko'o hexének Dios sektaha sekpéwomo eñama sekteme may'áseyam ma'a Cristo; cham'a ektémakxa nak senteméseso nempéwomo Dios eñama magya'áseyam.

1 CORINTIOS 1:30

Dios axta apyepetcháseykekxa kéxegke Cristo Jesús, aptemésesek axta anhan Cristo yakwayam etnehek segya'asásegwayam, tén han aptemésesama yakwayam etnehek sẽlteméseso nelpéwomo negko'o, keñe nahan antehek nempagkanchásamáxche Dios, tén han sẽlchexakkasama m'a nelsexnánémaxche axta eñama m'a segyanmaga axta.

SAN MATEO 4:17

Apchénawók axta apkeltenneykha Jesús ma'a, aptahak axta s'e: “Kólyakmagkas kélwáxok, chágketwa'ak kaxwo' ma'a aptémakxa nak Wese' apwányam Dios.”

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

2 TESALONICENSES 1:5

Cháxa senxekmóso ektaha ekpéwomo agko' ma'a ektémakxa nak segyekpelchémo Dios, cham'a ekxeyenma nak apwáxok ekpayhawo kólántexek kéxegke m'a aptémakxa nak Wese' apwányam Dios. Cháxa keñamak kéllegágkoho nak kéxegke xa.

ROMANOS 10:3

Melya'ásegkok ektémakxa m'a senteméseso nak nelpéwomo Dios, elenxanmok nahan cha'a eltemésesakpohok apancha'awok apkelpéwomo eñama m'a apkeltémakxa nak, melyaheykekxohok ma'a sempekkenchesama axta Dios yakwayam hentemésesek nelpéwomo.

LOS HECHOS 28:31

Yetlo meyke kélya'áseykhaxma axta apkeltennáha Pablo m'a amya'a ekxeyenma nak ma'a aptémakxa nak Wese' apwányam Dios, apkelxekmósek axta nahan énxet'ák ma'a amya'a ekxeyenma nak Jesucristo Wese' egegkok meyke apkelya'aseykhaxma xama énxet enxoho.

2 SAN PEDRO 1:11

Sat kañék kélhayo kólántexek kéxegke yetlo kélapeykha m'a aptémakxa nak wese' apwányam megkatnegwayam enéxa m'a Wese' egegkok Jesucristo segwagkasamo nak teyp.

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

SAN LUCAS 1:6

Elpéwomo axta nápakto' Dios xa ánet nak, kelyaheykekxók axta ekyókxoho m'a apkeltémókxa nak antehek Dios, tén han ma'a Wese' egegkok segánamakxa apagkok nak, méko axta kawának kasexnenak xama enxoho.

1 CORINTIOS 3:22

Pablo, tén han ma'a Apolos, Pedro, tén han keso náxop, tén han ma'a ektémakxa nak negyennakte, tén han ma'a nétsapma nak, tén han se'e kaxwo' nak, tén han ma'a egmonye sat: ekyókxoho ekteme kélagkok kéxegke,

LOS HECHOS 20:25

“Nakso' ektemesásak ko'o peya mehelwetekxók kaxwo' kélxama kéxegke cham'a seklegasa axta amya'a aptémakxa nak Wese' apwányam Dios.

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN JUAN 5:4

Apwa'akteyk axta agkok cha'a Dios apchásenneykha m'a ekhó yammáxek nak, keñe axta cha'a kalpaktépok yegmen, etakmelwók axta nahan cha'a énxet apháxamap ektaha enxoho apmonye kéltaxnéso yegmen, kamaskok ma'a ektémakxa enxoho apháxamap.