SAN MATEO 6:30 - Lengua Sur (Enxet) Nuevo Testamento

³⁰ Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a élakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok kéxegke Dios kéltaha nak ekmasextoho kélteme megkólya'áseyam.

SAN MATEO 6:30 Referans Kwoze

SAN LUCAS 12:28

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a elakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok Dios kéxegke kéltaha nak ekmasextoho kélteme megkólya'áseyam.

SAN MATEO 14:31

Ñohok axta apma apmek Jesús Pedro. Aptahak axta apcháneya s'e: —¡Asexto' mey'áseyam xép! ¿Yaksak ektaha apya'ásekmo nak seyewagko ko'o awagkasek teyp xép?

1 SAN PEDRO 1:24

Hakte temegkek eknaktáxésamaxche weykcha'áhak se'e: “Apyókxoho énxet apteme máxa pánakte exnók elámhal'a naxma, keñe m'a ektémakxa nak apkeleymákpoho ekhawo m'a ektémakxal'a pánakte exnók, ketsekkek agkok axchapok katyamok ma'a exnók,

SAN MATEO 16:8

Apyekpelchek axta eyke Jesús aptahakxa apkelpeywa. Aptahak axta apkeláneya s'e: —¿Yaksak ektaha kélxéna nak méko pan? Asextók megkólya'áseyam kéxegke.

SAN MATEO 8:26

Aptahak axta apchátegmowágko Jesús se'e: —¿Yaksak ektaha kélaka nak? ¡Asextók ekyetno megkólya'áseyam kéxegke! Apkempákxeyk axta néten natámen apteme appeywa xa, appakhetchesek axta exchahayam, tén han ma'a wátsam ekpayhegwayam, massawók agko' axta, takmelakxók axta ekyetno yegmen.

SAN JUAN 20:27

Aptahak axta Jesús apcháneya Tomás se'e: —Yetches apophék se'e. Elano nahan emék. Ey'ásegma nahan apmek se'e, yetches neheykha ko'o. Ná etne aksa apya'áseyam; ¡ná ey'ásem!

SAN MARCOS 4:40

Keñe axta aptaha apkeláneya Jesús apkeltámeséyak se'e: —¿Yaksak ektaha kélaka nak? ¿Mékoya makham megkólya'áseyam kéxegke?

HEBREOS 3:12

Elyáxeg kólawho sat keytek ekmaso elchetamso kélwáxok kéxegke, cham'a segyenyókasamol'a Dios memassegwayam nak, eñama ekteme ekya'áseyam kélwáxok.

SAN LUCAS 9:41

Aptahak axta apchátegmowágko Jesús se'e: —¡Enxet apkelya'áseyam kéxegke tén han kélxegányam! ¿Háxko sat ekwánxa ekhem kammok sekha ko'o kélnepyeseksa kéxegke? ¿Háxko sat ekwánxa ekhem kammok selenmáxamáxkoho kéxegke? Entemegma apketche s'e.

SAN MARCOS 9:19

Aptahak axta apchátegmowágko Jesús se'e: —¡Enxet apkelya'áseyam kéxegke! ¿Háxko sat ekwánxa ekhem kammok sekha ko'o kélnepyeseksa kéxegke? ¿Háxko sat ekwánxa ekhem kammok selenmáxamáxkoho kéxegke? Kólyentementa wokma'ák se'e.

SAN MATEO 17:17

Aptahak axta apchátegmowágko Jesús se'e: —¡Enxet apkelya'áseyam kéxegke, kélxegányam nahan! ¿Háxko ekwánxa ekhem kammohok sekha ko'o kélnepyeseksa kéxegke? ¿Háxko sat ekwánxa ekhem kammohok selenmáxamáxkoho kéxegke? Kólyentementa wokma'ák se'e.