SAN MATEO 6:19 - Lengua Sur (Enxet) Nuevo Testamento

¹⁹ “Nágkólxámasák aksok kélagkok keso náxop, ekhakxa nak askok yakwayam katwok, életsagkásamáxchexa nak han cha'a aksok, apkelántaxnamakxa nak han cha'a apkelmenyexma yakwayam elmenyexek aksok.

SAN MATEO 6:19 Referans Kwoze

HEBREOS 13:5

Nágkólmésho agko' kélwáxok selyakye; tásek kapayhekxak aksa kélwáxok ma'a ekwánxa enxoho ekyetna kéxegke, hakte axta aptemék appeywa Dios se'e: “Sekxegexma sat cha'a atnehek xép, meynyewek sat nahan apxakko'.”

SAN LUCAS 12:21

Cháxa ektémakxa nak han énxet apxámáseyak nak aksok apagkok xa, méko eyke aksok apagkok nápakto' Dios.”

SAN LUCAS 18:22

Xama axta apleg'a Jesús xa, aptahak axta apchátegmowágko s'e: —Xama aksok kéméxchek elának xép: ekxeykxa m'a ekyókxoho aksok apagkok ekyetnakxa nak xép, elmés ma'a énxet meyke aksok apagkok nak. Keñe sat keytek xép ekxákma aksok apagkok ma'a néten. Exyem sat makham, keñe sat hétlawha.

1 TIMOTEO 6:17

Yána sat metnehek eleymáxkoho apwáxok énxet'ák ekxákma nak aksok apagkok keso náxop, yána sat megyáseneykxék ma'a ekxákma nak aksok apagkok, hakte kamassegwomhok cha'a xa. Akke tásek kólásenneykxak ma'a Dios segyeykháseseykmoho nak segméso ekyókxoho aksok yakwayam agmaha yetlo ekmátsa egwáxok.

SAN LUCAS 12:33

Kólchexeykxa aksok kélagkok, kólmés ma'a énxet meyke nak aksok apagkok; kóllenxánem kólwetak ma'a yágkentamáhak megkatné nak ápak, tén han kólxámasagkok aksok kélagkok meyke néxa m'a néten, cham'a megkapwagkexa nak etxek énxet apmenyexma tén han megkatamakxa nak cha'a aksok askok.

SAN LUCAS 18:24

Xama axta apwet'a Jesús elapwokmo xa, aptahak axta apcháneya s'e: —¡Askehek yakwayam elántexek aptémakxa Wese' apwányam Dios ma'a énxet'ák ekxákma nak selyakye apagkok!

SAN MATEO 19:21

Aptahak axta apchátegmowágko Jesús se'e: —Apmokók agkok xép etnehek appéwomo, exeg, ekxeykxa m'a aksok apagkok ekyetna nak xép, elmésák ma'a énxet meyke nak aksok apagkok, keñe sat keytek ekxákma aksok apagkok xép ma'a néten. Keñe sat exyók, hétlawha sat nahan.

SAN MATEO 6:20

Akke tásek kólxámaksek aksok kélagkok ma'a néten megkatsagkasamakxal'a aksok askok, cham'a megkatsagkásamáxchexal'a aksok, cham'a melántaxnamakxal'a anhan cha'a apkelmenyexma.

SAN LUCAS 12:39

Kólya'ásegwomho kéxegke s'e: apya'ásegkok agkok ekwánxa ekhem yakwánxa ewak apmenyexma énxet ekha nak apxagkok, megyohok kólmeykesesek átog yakwayam kólmenyexchesek aksok apagkok.