SAN MATEO 6:14 - Lengua Sur (Enxet) Nuevo Testamento

¹⁴ “Hakte agkok kólyakmagkáseykxak kéltemésesakxa ekmaso kéxegke, meyakmagkásekxék sat nahan kéxegkáxa kéltémakxa m'a Kélyap apha nak néten.

SAN MATEO 6:14 Referans Kwoze

EFESIOS 4:32

Kólteme ektakmeleykha kélwáxok, kólteme nahan apmopyósa kóllanok kélmók, nágkólyakmagkásekxa cha'a aptemésesakxa kélmók, ekhawo aptahakxa axta Dios meyakmagkáseykekxo nentémakxa eñama m'a Cristo.

SAN MARCOS 11:25

Kéltemek agkok nempeywa nelmaxnagko, nágkólyakmagkásekxa aksa aptemésesakxa ekmaso kélmók, yakwayam enxoho meyakmagkásekxék nahan kéltémakxa megkólya'asáxma m'a Kélyap apha nak néten.

COLOSENSES 3:13

Kólteme cha'a kéllenmáxamáxkoho aptemésesakxa enxoho kélmók, nágkólyakmagkásekxa aksa ekyetna enxoho megkaleklo kélwáxok aptahakxa kélmók. Ekhawo aptahakxa axta Wese' egegkok meyakmagkáseykxo kéltémakxa kéxegke, nágkólyakmagkásekxa nahan kéxegkáxa aptemésesakxa enxoho kélmók.

SAN MATEO 7:2

Hakte sat nahan exnéshok Dios apteme apyekpelchémo kéxegke m'a ekwánxa enxoho kélteme kélyekpelchémo kélmók; sat nahan exnéshok Dios apkelyetsáteyak kéltémakxa kéxegke m'a ekwánxa enxoho kélyetsáteyak aptémakxa kélmók.

SANTIAGO 2:13

Enxet ektaha nak megkamopyósa elanok pók, megkapyósek sat nahan kóllanok ma'a ekhem nelyekpelchamáxchexa sat, keñe m'a énxet ektaha axta apmopyósa elanok pók, etnehek sat apmallanma m'a ekhem nelyekpelchamáxchexa sat.

SAN MATEO 6:12

Ná eyakmagkásekxa aksa aksok ekmaso nenlané nak negko'o, ekhawo nentémakxa nak negko'o magyakmagkáseykekxa cha'a sentemésesakxa ekmaso egmók.

1 SAN JUAN 3:10

Kólya'asagkohok cha'a m'a énxet'ák apteme nak Dios apketchek, kólya'asagkohok nahan cha'a m'a énxet'ák apteme nak kelyekhama' étchek, hakte apyókxoho énxet melané nak nentémakxa ektakmela esenhan ma'a megyásekhayo nak apyáxeg aptémo xamo' nak mey'áseyam, háwe Dios énxet apagkok xa.

SAN MATEO 5:7

“Kéleñémo agko' kéxegke kéltaha nak apmopyósa kóllanok kélmók: hakte kélyósekak sat nahan elanok Dios kéxegkáxa.

SAN LUCAS 6:37

“Nágkólteme aksa kélyekpelchémo aptémakxa kélmók, keñe sat metnehek apyekpelchémo Dios kéltémakxa kéxegke, Nágkolána aksa kólegásesagkohok kélmók keñe sat mellegásesagkok kéxegke Dios. Nágkólyakmagkásekxa aksa aptemésesakxa kélmók, keñe sat meyakmagkásekxék kéltémakxa kéxegke Dios.