SAN MATEO 6:10 - Lengua Sur (Enxet) Nuevo Testamento

¹⁰ Yána sat kawak yakwayam kóltemésesek Wese' apwányam xép, kalanaxchek sat xép apmopmenyého keso náxop, ekhawo kéltemésesamakxal'a m'a néten.

SAN MATEO 6:10 Referans Kwoze

HEBREOS 10:36

Kéméxchek kéxegke kólwaskápekxohok neyseksa kéllegeykegkoho, yakwayam enxoho kóllának ma'a ektaha nak Dios apmopmenyého, yakwayam enxoho nahan kólxawak ma'a apxeyenma axta egkések kéxegke Dios.

SAN JUAN 4:34

Aptahak axta apchátegmowágko Jesús se'e: —Neykhe ko'o sekto m'a selané nak cha'a apmopmenyého m'a aptaha nak seyáphaso ko'o, tén han apencheshok alának ma'a ektémakxa nak aptamheykha apkeltémo axta alána'.

SAN MATEO 26:42

Aptakháwok axta makham Jesús. Aptahak axta aptaha nempeywa nelmaxnagko s'e: “Táta, mowanchek agkok ko'o sektakhésawo xa peya nak añegkoho', katnehek sat ma'a apkepmenyého nak katnehek xép.”

SAN MATEO 12:50

Enxet ektahakxa enxoho apkelané m'a apmopmenyého nak Táta apha nak néten, cha'a aptaha eyáxeg ko'o m'a, tén han elyáxeg kelwán'ák, tén han méme ahagkok ko'o m'a.

1 TESALONICENSES 5:18

Kólmés cha'a ekpayheykekxa kélwáxok Dios eñama m'a ekyókxoho ektahakxa enxoho kéxegke, hakte cháxa apkeltémókxa nak kóltehek kéxegke Dios xa, kéxegke kélteme nak megkólya'áseyam Cristo Jesús.

ROMANOS 12:2

Nágkólwéhenekxoho aksa aptamhágkaxa énxet keso negwánxa nak, wánxa agkok, kólyakmagkas ma'a ektémakxa nak elchetámeykha kélwáxok, yakwayam enxoho anhan kañék kélyakmagkaso kéltémakxa kéltaha enxoho xa, keñe anhan kólyekpelchágwomhok ma'a ektémakxa nak Dios apmopmenyého, cham'a aksok ektakmela nak, ekleklamókxa nak han apwáxok Dios, cham'a ektaha nak han ekpéwomo agko'.

SAN JUAN 6:40

Apmenyék ko'o Táta keytek ekyennakte apnenya'ák megkatnegwayam enéxa m'a apyókxoho énxet ektaha nak apkelanyo Dios Apketche, cham'a apteme nak han mey'áseyam, ko'o sat nahan anakxétekhasók ma'a ektemegwokmo sat néxa ekhem.

COLOSENSES 1:9

Ekeso eñamakxa magyensakmo nak negko'o nelmaxnéseso kéxegke eyeynawo m'a nenlegakxa axta amya'a, axta anhan agyensakmok nelmaxnagko Dios neltamho elya'asásegwomhok agko' ma'a ektémakxa nak apmopmenyého, tén han neltamho egkések ma'a ekyókxoho ektémakxa nak negya'ásegwayam, tén han ma'a kélyekpelchágwayam ektaha nak apméso Espíritu,

EFESIOS 6:6

Kóllanés cha'a aksok wese' kélagkok, háwe ekwánxa agkok ma'a apkelánencha'a enxoho yakwayam enxoho yának katakmelak kéltamheykha, akke tásek kóltehek kéltamheykha m'a aptémakxal'a énxet ektaha nak Cristo apchásenneykha, kóllának yetlo ekmáheyo agko' kélwáxok ma'a eñama nak Dios apmopmenyého.

SAN MATEO 7:21

“Háwe sat apyókxoho elántexek aptémakxa Wese' apwányam Dios ma'a énxet'ák aptéma nak cha'a apkelpeywa hexének se'e: ‘Wese', Wese' ahagkok’, wánxa sat elántexek ma'a énxet'ák apkelané nak Táta apmopmenyého, cham'a apha nak néten.

1 SAN PEDRO 2:15

Hakte apmenyék Dios kóltehek kéxegke ektakmela kéltémakxa yakwayam enxoho mexének ekmaso kéxegke m'a énxet'ák melya'áseyak nak aksok, tén han ma'a énxet'ák elyéháxma nak.

SAN MATEO 3:2

Axta etnohok cha'a apkeltenneykha s'e: “¡Kólyakmagkas kélwáxok, chágketwa'ak ma'a aptémakxa nak Wese' apwányam Dios!”

SAN LUCAS 22:42

Aptahak axta se'e: “Táta, apmenyék agkok xép, hényókas ko'o s'e seklegeykegkoho ekyetchesamaxkoho nak aksok ekmáske negyal'a; momenyék ko'o kalanaxchek ma'a sekmámenyého ahagko' nak, wánxa m'a apmopmenyého nak xép.”

SAN JUAN 7:17

Apmokók agkok elának xama énxet Dios apmopmenyého, apwanchek ékpelkohok ektaha eñama Dios se'e ektémakxa nak selxekmóso, tén han ékpelkohok ma'a sektaha enxoho selxekmóso ahagko'.

APOCALIPSIS 19:6

Ekleg'ak axta nahan ko'o ekyennamáxma, máxa axta entahak ma'a apxámakxal'a énxet apyennegkesóxma, máxa axta nahan entahak extegyawa m'a ekteyeykenxal'a yegmen cham'a ektémol'a takha' appáwá ekyennakte agko'. Entahak axta apkelpakmeyesma s'e: “¡Apcheymákpoho sat cha'a kóltemésesek Wese' egegkok Dios! hakte apcheynawok kaxwo' aptamheykha Wese' egegkok, Dios egagkok ekha nak apyennakte.

1 TESALONICENSES 4:3

Apmenyék Dios kóltehek kélpagkanchásamáxche kéxegke wánxa m'a Dios, mopmenyék kóllának kélxama kéxegke ekmaso nak nentémakxa mansexta,

LOS HECHOS 21:14

Magwanchek axta negko'o negmoko anlekwomho' Pablo, keñe axta nelwátésekmo nempakhetcheso. Nentahak axta nelpakmeta s'e: —Kalanaxchek sat ma'a ektémakxa nak apmopmenyého Wese' egegkok.

LOS HECHOS 13:22

Nano' axta entemék, apkelwátésesa Dios apteme wese' apwányam Saul. David axta aptemesásekxak wese' apwányam. Aptahak axta Dios apxéna David se'e: ‘Ekwet'ak ko'o David aptaha xama énxet ekleklamo ewáxok, cham'a David Isaí apketche. Apmakawók axta elának ekyókxoho sekmámenyého nak ko'o elána'.’

SAN MATEO 4:17

Apchénawók axta apkeltenneykha Jesús ma'a, aptahak axta s'e: “Kólyakmagkas kélwáxok, chágketwa'ak kaxwo' ma'a aptémakxa nak Wese' apwányam Dios.”

APOCALIPSIS 12:10

Ekleg'ak axta ko'o kélpeywa ekyennakte agko' ma'a néten. Entahak axta amya'a s'e: “Wa'ak kaxwo' nelwagkásamáxche teyp, tén han ma'a Wese' egegkok Dios apmopwána nak, wa'ak nahan kaxwo' negyeseksa m'a aptémakxa nak Wese' apwányam Dios, tén han ma'a ektémakxa nak kélyaheykekxoho Mesías apagkok; hakte kéltekkesegkek axta m'a elsexnenagkama axta ẽlyáxeg cham'a elsexnenagkama axta cha'a ekyókxoho ekhem, tén han ekyókxoho axta'a nápakto' ma'a Dios egagkok.

1 SAN PEDRO 4:2

wánxa aksa elának ma'a ektémakxa nak Dios apmopmenyého, kamaskok apkelana m'a ektémakxa nak aksok ekmaso negyespagko.

HEBREOS 10:7

Ektahak ko'o sekpeywa s'e: ‘Keso sekha ko'o s'e, yakwayam alának xép apmopmenyého Oh Dios, ekhawo m'a ektémakxa nak eknaktáxésamaxche weykcha'áhak sekxénamaxko ko'o.’ ”

SAN LUCAS 19:38

Aptahak axta s'e: —¡Tásek sat katnehek apxénamap xa Wese' apwányam apwa'a nak yetlo apsáyam Wese' egegkok apwesey! ¡Meyke ektahakxa egwáxok sat keytek ma'a néten, kóltemésesek sat apcheymákpoho Dios apha nak néten!

SAN MARCOS 3:35

Hakte cham'a ektahakxa enxoho elané Táta apmopmenyého, cha'a aptaha elyáxeg ko'o m'a, tén han elyáxeg kelwán'ák, tén han méme m'a.

SAN MATEO 16:28

Meletsepek sat nahan nápakha énxet'ák apheyncha'a nak se'e, ekwokmoho apkelwet'a ewatak yakwayam etnehek Wese' apwányam ma'a ektaha nak Apketche énxet. Nakso' xa sektahakxa nak sekpeywa seláneya kéxegke.

SAN MARCOS 11:10

¡Tásek sat katnehek apxeyenma Dios ma'a aptémakxa nak Wese' apwányam David peya nak kawa', cham'a David aptaha axta negko'o egyap nano'! ¡Apcheymákpoho Dios apha nak néten!

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

HEBREOS 1:14

Hakte apyókxoho Dios apkelásenneykha apteme apkeleñamakxa apagko' ma'a néten, yakwayam enxoho elyahakxohok Dios, kóláphaksohok nahan cha'a yakwayam epasmok ma'a énxet'ák ektaha nak kélpagkancheso yakwayam elwagkasakpok teyp.

COLOSENSES 1:13

Ẽlhexyawasékxeyk axta negko'o Dios sẽlmoma axta m'a ektémakxa nak ekmowána ekyaktesóxma, ennaklakxeyk axta m'a aptémakxa nak Wese' apwányam Apketche apchásekhayókxa nak,

SAN LUCAS 19:11

Apkelleg'ak axta énxet'ák aptaha apkeltenneykha Jesús xa, apkeltennáseyha axta Jesús se'e apyetcháseykekxoho nak, hakte apchágketchesakxeyk axta Jerusalén, apkeneykek axta anhan énxet'ák kawak heykxa m'a aptémakxa nak Wese' apwányam Dios.

LOS HECHOS 22:14

Keñe axta aptaha seyáneya s'e: ‘Egyepmeyk Dios apagkok axta apkelyésáha exchep yakwayam enxoho ékpelchágwomhok ma'a ektémakxa nak Dios apmopmenyého, yakwayam enxoho anhan étak xép ma'a aptaha nak appéwomo, tén han eñohok appeywa apagko' xép ma'a.