SAN MATEO 5:8 - Lengua Sur (Enxet) Nuevo Testamento

⁸ “Kéleñémo agko' kéxegke kéltaha nak eyáxñeyo kélwáxok hakte kólwetágwók sat kéxegke Dios.

SAN MATEO 5:8 Referans Kwoze

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

HEBREOS 12:14

Kóllenxánem kóltehek meyke ektahakxa kélwáxok nepyeseksa m'a apyókxoho énxet'ák nak, kólteme nahan kélpagkanchásamáxche Dios; hakte méko kawának kótak Wese' egegkok megkólpagkanchásexko enxoho Dios.

SANTIAGO 4:8

Kólyepetkoho cha'a Dios, keñe sat épetkohok kéxegke m'a Dios. ¡Kólyenyes kélmék kéltaha nak kéllané megkólya'asáxma! ¡kólteme eyáxñeyo kélwáxok kéxegke kéltaha nak kélmáheyo kólásekhohok Dios, tén han kélmáheyo nak kólásekhohok ektémakxa nak keso náxop!

1 SAN PEDRO 1:22

Kaxwo' eyke kéltemék kéxegke eyáxñeyo kélwáxok, yakwayam enxoho kólásekhohok ekmámnaksoho agko' ma'a ẽlyáxeg nentémo xamo' nak magya'áseyam, cham'a kélyahákxoho axta kéxegke amya'a ekmámnaksoho nak. Kéméxchek kéxegke kóltehek ekmámnaksoho kélásekhamaxkoho ekweykmoho kañók agko' kélwáxok.

SANTIAGO 3:17

keñe m'a énxet'ák ekyetna nak negya'ásegwayam eñama nak Dios, eláxñeyo apkeltémakxa etnahagkok, meyke ektahakxa apwáxók nahan etnahagkok, eltakmela apwáxok nahan etnahagkok; apmopyósa elanok pók nahan etnahagkok, meyeykhakpek nahan elanok pók, melyexamakpoho apkeltémakxa nahan etnahagkok, aksok eltakmela nahan elanagkok.

TITO 1:15

Enxet'ák meyke nak elenchahamaxche elchetamso apwáxók, kaxének cha'a apwáxók ektakmela antók ekyókxoho aksok; keñe m'a énxet apkelya'áseyam nak, tén han ma'a ekmaso nak elchetamso apwáxók ekyókxoho aksok cha'a kaxének apwáxók ektaha ekmanyása; hakte weykmók ekmanyása m'a ektémakxa nak elchetamso apwáxók.

LOS HECHOS 15:9

Axta etnésesók apyeykhamap pók énxet Dios, ekhawo sentemésesamakxa nak han negko'o xa, hakte apchaxñásesek axta nahan apwáxók Dios xa énxet'ák nak eñama m'a melya'áseyam nak.

HEBREOS 9:14

Nakso' agkok ektéma xa ektaha nak, keñe ekyagwánxa agko' katnehek ekha ekmowána m'a Cristo éma apagkok nak. Espíritu memassegwayam axta keñamak apmeyásamákpoho apagko' Cristo m'a Dios ektémol'a aksok kélméso Dios meyke ekyepetche xama aksok ekmaso, káxñeksohok nahan Cristo éma apagkok ma'a ekteyapmakxa nak ekpakmeteykha egwáxok eñama nenlané aksok segya'asamo nak nétsapmakxa, yakwayam enxoho agkegwának anlának ma'a apkeltémókxa nak anlának Dios memassegwayam nak.

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

1 CORINTIOS 13:12

Kaxwo' eyke yáma negyekpelchágkek negko'o ektémol'a nelanyantáxama ápak, cham'a ekmasextohol'a negyekpelche; Xama ekhem sat eyke katnehek negweté egagko' xa. Háwe ko'o ekyókxoho sekya'ásegwayam se'e kaxwo' nak, xama ekhem sat eyke ay'ásegwomhok ma'a Dios, ekhawo ektémakxa nak sey'áseykegkoho ko'o Dios.

APOCALIPSIS 22:4

Apakta'ák apagko' sat nahan étak Dios ma'a ektaha nak apkelásenneykha, kaxnagkok sat nahan apwesey m'a nápakta'a.