SAN MATEO 5:48 - Lengua Sur (Enxet) Nuevo Testamento

⁴⁸ Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

SAN MATEO 5:48 Referans Kwoze

SANTIAGO 1:4

Kóllenxánem katnésesek kélpéwomo m'a ektémakxa nak kélwaskápeykekxoho, yakwayam enxoho kóltehek kéxegke ekyennakwayam agko' kélteme megkólya'áseyam, méko katnehek ma'a eyéméxchexa enxoho xama aksok.

SAN LUCAS 6:36

Kólteme kéxegke apmopyósa kóllanok kélmók, ekhawo aptémakxa nak Kélyap Dios apmopyósa elanok énxet.

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

1 SAN JUAN 3:3

Negyókxoho ekyetnakxa enxoho xa nelhaxanma nak, nentemesásamáxkoho egagko' antehek negáxñeyo, ekhawo m'a ektémakxa nak megkeypetchegweykmoho Jesucristo xama aksok ekmanyása.

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

SAN LUCAS 6:40

Metnehek apyeykhágweykmoho apkelxekmóso m'a énxet ektaha nak kélxekmóso: apsawhegwokmek agkok ektémakxa apkeltámesamap, keñe exnágwakxohok ma'a ektaha axta apkelxekmóso.

SAN MATEO 5:16

Kóllenxánem nahan kéxegkáxa kalsásamhoxma nápakta'awo' énxet'ák ma'a elseyexma kélagkok nak, yakwayam enxoho elpeykeshok Dios Egyap apha néten apyókxoho énxet'ák, cham'a ekwetáxko enxoho kéltémakxa ektakmela kéxegke.

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

EFESIOS 3:1

Ekeso eñamakxa sekha nak kaxwo' ko'o sẽlpextétamakxa eñama Cristo Jesús, ko'o Pablo, eñama selané sektamheykha yakwayam apasmok kéxegke megkóltaha nak judíos.

SAN MATEO 5:47

Kélpeykesek agkok aksa wánxa m'a kélyáxeg nak, hawók nahan apkeltémakxa apyókxoho énxet xa. Weykmók nahan aptamhéyak ma'a énxet'ák apkelya'áseyam nak Dios.