42 Kélmaxneyáxchek agkok aksok kélagkok, kólmés; apmokók agkok emha aksok kélagkok xama énxet, kólmásesha.
Nágkalwagkamák aksa kéxegke kéllané m'a kéltémakxa ektakmela nak, tén han ma'a ektémakxa nak cha'a kélpasmomáxkoho kéxegke m'a ekyetnakxa enxoho aksok kélagkok, hakte cháxa ekleklamo nak apwáxok Dios agmések xa ektéma nak.
Temék nahan eknaktáxésamaxche s'e: “Meyk agkok enchakhak énxet apkenmexeykha nak xép, egkés apto, hem agkok nahan enchakhak, egkés yegmen; sat kañék apmegkagweykekxa pók eñama apteméseso exchep xa ektaha nak.”
Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.
Ekmámnaksoho nelpeykesamo Dios, tén han meyke elenchahamaxche nentémakxa nápakto' Dios Egyap ekteme s'e: Nempasmo ektaha nak elyéheykha, tén han nempasmo m'a ektémakxa nak ellegeykegkoho tampé', tén han ma'a móghayo nak hegyepetchegwomhok ektémakxa nak keso náxop.
Kólmés kéxegke énxet'ák meyke aksok apagkok ekyetno nak kañe', keñe sat kasawhaxkohok ekteme eláxñeyo.
Apkeltamhok agkok kólsókasek apseykha énxet ekweykmoho xama kilómetro, kólwagkasho m'a ektahakxa nak ánet kilómetros.