40 Kélmokók agkok kólyentamok nápakta'awo' énxet'ák segyekpelchémo, kélmoko enxoho kólyementók kéltaxno, kólho anhan kólsók chésama yegmen kélagkok.
Kéltekpagkasek agkok kélmáxempenek kéxegke, kólmés nahan ma'a mók kélmáxempenek; kélyementegkek agkok kélaklamaxche, kólho nahan kólyementók ma'a kéltaxno.
Nakso', yentexók agko' keytek kélátegmomaxche kélnepyeseksa kéxegke. Tásek neykhe kólenmaxaxkohok aksa ekmaso kéltemésesakxa nak. Tásek nahan kólhok aksa kólmenyexchesek aksok kélagkok.
Wánxa agkok, ektahak ko'o seláneya kéxegke s'e: Nágkólenmexekxa aksa kéltemésesakmoho enxoho exma; wánxa agkok, kéltekpagkasek agkok kélmáxempenek, kólmés nahan ma'a mók kélmáxempenek.
Apkeltamhok agkok kólsókasek apseykha énxet ekweykmoho xama kilómetro, kólwagkasho m'a ektahakxa nak ánet kilómetros.
Xénchek agkok apwáxok enxama emok appagkanma, apwokmo enxoho nentegyeykxa entáwa, xénchek agkok nahan apwáxok eyéméxko etnehek xa ektaha nak, apwanchek elának ma'a ekxénakxa enxoho apwáxok ekpayhawo etnehek; etegye aptáwa, hakte háwe mólya'asáxma.