SAN MATEO 5:30 - Lengua Sur (Enxet) Nuevo Testamento

³⁰ Kélánesek agkok megkólya'asáxma kélmek ekpayhókxa nak kélya'asamakxa, kólyaktén, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.

SAN MATEO 5:30 Referans Kwoze

SAN MARCOS 9:43

Kelánések agkok megkólya'asáxma xama kélmek, kólyakten; tásek kólántexek ekyennaktamakxa egnenyek xama kélmek, kaxnók kólántexek ánet kélmék ma'a sẽlmaseseykenxa nak, cham'a megkaspóneykxa nak táxa.

SAN MATEO 5:29

“Kélánesek agkok megkólya'asáxma kélaktek ekpayhókxa nak kélya'asamakxa, kóllek, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.

1 SAN PEDRO 2:8

Temék nahan mók eknaktáxésamaxche s'e: “Cháxa meteymog peya nak kalpelápagkasek énxet'ák xa.” Kélpelápagkasek axta meteymog xa énxet'ák nak, hakte axta elyaheykekxohok ma'a ektémakxa nak amya'a eñama Dios, axta eyke kélpagkanchesók katnehek xa ektaha nak.

1 CORINTIOS 8:13

Sekto agkok keñamak selánesa mey'asáxma eyáxeg sektémo xamo' nak may'áseyam Cristo, tásek ko'o matwek ápetek xama enxoho, yakwayam enxoho malanaksek mey'asáxma egyáxeg.

SAN LUCAS 17:2

Tásek kólyenyók kañe' wátsam ekwányam yetlo kéltetcheso apyespok meteymog, kaxnawok kólhok aksa elanaksek mey'asáxma xama xa sakcha'a létkók nak.

SAN MATEO 13:21

wánxa agkok, melenxanmók eyke apkelyennaktésamo apteme melya'áseyam, hakte megkeytek kaño' agko' apwáxók ma'a amya'a kéllegaso nak; wa'ak agkok apkellegeykegkoho ekyekkónma, esenhan ma'a kélmenxeneykha nak, eñama apma takha' xa amya'a nak, elwátesagkok nahan aptamhéyak melya'áseyam.

SAN LUCAS 12:5

Altennaksek sat ko'o kéxegke m'a eyéméxko nak kólé': kólteme cha'a kélaye m'a Dios aptaha nak apmopwána hegya'aksek sẽlmaseseykenxa natámen segakhe. Nakso', kólteme cha'a kélaye Dios.

GÁLATAS 5:11

Ko'o nak se'e elyáxeg, elenxanakmók agkok makham ko'o seltémo kalanaxchek ma'a sẽlkahaso kélyenyekhamol'a egyempehek, meheyakmasha axta exaha ko'o énxet'ák judíos, hakte ektemék axta agkok ko'o xa, megkallókasek axta énxet'ák judíos ma'a amya'a ekxénamaxche nak Cristo kélyepetcheso axta aksok ektegyéso.

ROMANOS 9:33

ekxeyenma nak eknaktáxésamaxche s'e: “Ekpekkenchek ko'o Sión xama meteymog, cháxa meteymog peya nak kalpelápagkasek énxet'ák xa; énxet ektahakxa enxoho apteme mey'áseyam ma'a meteymog nak, megkatnegwomek sat eyakhémo mey'áseyam.”

SAN MATEO 26:31

Aptahak axta apkeláneya Jesús apkeltámeséyak se'e: —Kélyókxoho sat kamaskok kéltaha mehelya'áseyam ko'o keso axta'a nak. Hakte temegkek eknaktáxésamaxche weykcha'áhak se'e: ‘Wakhek sat ko'o keláneykha nekkések, keñe sat yexpaknek ma'a nekkések.’

SAN MATEO 22:13

Keñe axta apkelpakhetchesa wese' m'a énxet'ák ektaha axta apkeláneykha neyseksa ektámáxche nento sẽlyamhopma, aptahak axta apkeláneya s'e: ‘Kólnaktetches apmagkok, tén han apmék, kólyenyaw yókxexma ekyaktesakxa nak exma, cham'a yakwánxa sat elekxagwaha m'a, eltakxek sat nahan apma'ák eñama aplegeykegkoho ekmáske.’

SAN MATEO 25:20

Apwokmek axta apmonye m'a ektaha axta apxawé cinco mil sawo selyakye, apmések axta anhan wese' apagkok mók cinco mil sawo selyakye ektaha axta apyancháseykekxa. Aptahak axta apcháneya s'e: ‘Wese', cinco mil sawo selyakye axta exchep egkesók, keso mók cinco mil sawo selyakye sekyancháseykekxa ko'o s'e.’

SAN MATEO 16:23

Appeynchakpók axta Jesús, aptahak axta apcháneya Pedro s'e: —¡Kamhok mók nekha Satanás! hakte mokók hetegkesek, meteyk xép aksok ekhawo m'a ektémakxa nak apweté Dios, wánxa m'a ektémakxa nak apweté énxet.

SAN MATEO 11:6

¡Apkeleñémo agko' énxet apteme nak seyáyo ko'o!”

SAN MATEO 5:22

Wánxa agkok, ektahak ko'o seláneya kéxegke s'e: kéxegke ektahakxa enxoho kéltaknagko kélyáxeg, kólsexnánéxchek sat, keñe sat ma'a ektahakxa enxoho kélwanyeykha kélyáxeg, kólyekpelkohok sat nápakta'awo' énxet'ák ekyawe nak kéláyo; keñe kéxegke kéltaha nak kélyeykáseykhaxma kélyáxeg, kapayhohok sat yakwayam kólmahagkok ma'a megkaspóneykxa nak táxa.”

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.

SAN MATEO 18:8

“Kelánesek agkok megkólya'asáxma kélmek esenhan ma'a kélmenek, kólyaktén, kólchexa' nahan makhawo'; tásek kólántexek ekyennaktamakxa egnenyek xama kélmek tén han xama kélmenek, kaxnók kólchexeyxchek kéxegke megkaspóneykxa táxa ánet kélmék tén han ánet kélmagkok.