SAN MATEO 5:29 - Lengua Sur (Enxet) Nuevo Testamento

²⁹ “Kélánesek agkok megkólya'asáxma kélaktek ekpayhókxa nak kélya'asamakxa, kóllek, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.

SAN MATEO 5:29 Referans Kwoze

ROMANOS 8:13

Hakte, kélyetlákxeyk agkok kéxegke m'a nentémakxa egagko' nak mólya'asáxma, kóletsapok sat; wánxa agkok kélmasések agkok kéxegke xa kéltémakxa kélagko' nak megkólya'asáxma eñama m'a appasmo nak Espíritu, megkóletsepek sat.

COLOSENSES 3:5

Kólmasésem kéxegke m'a ekyókxoho nentémakxa eñama náxop ekyetna nak kéxegke: nágkóllána aksa kélxama ekmaso nak nentémakxa mansexta, nágkóllána anhan nentémakxa ekmanyása nak, nágkólyeykhasaxkoho nahan kélmámenyého kóllának aksok, nágkólteme anhan kélmeyókásamáxkoho kélxakko' aksok (cháxa ekhawo nelpeykesamo nak kéleykmáseso xa).

1 CORINTIOS 9:27

Añásesagkohok cha'a ko'o sekyókxa, yakwayam enxoho wának helyahakxohok, yakwayam enxoho mehelyenyekxek ko'o natámen selxekmoso enámokkok.

ROMANOS 6:6

Negya'ásegkok negko'o kélyepetchesama xamo' Cristo aksok ektegyéso m'a nentémakxa axta, yakwayam enxoho kamassegwók ma'a nentémakxa axta mólya'asáxma, tén han kamaskok sẽlma m'a ektémakxa nak mólya'asáxma.

GÁLATAS 5:24

Massék kaxwo' apkelánégko aksok apkelyespagkamakxa m'a Cristo énxet'ák apagkok nak, cham'a aksok ekmaso apkelmopmenyého axta, máxa axta entahak apkelyepetchesa enxoho aksok ektegyéso m'a ekyókxoho ekmaso nentémakxa nak.

SAN MARCOS 8:36

¿Kapasmoya énxet ekmassegwokmo enxoho ektémakxa apyennakte m'a apweté nak ekyókxoho aksok keso náxop?

SAN MATEO 19:12

Yetneyk ektémakxa megkahayo nak etegyek aptáwa énxet: nápakha énxet cha'a mopwanchek etegyagkok apnakteyegka'a eñama m'a sekxo' appaleykmo, yetneyk nahan ma'a énxet ektaha nak kélteméseso megkalmopwancha'a etegyagkok apnakteyegka'a, yetneyk nahan nápakha énxet megkamopwancha'a nak etegyagkok apnakteyegka'a eñama apkelyetlo m'a aptémakxa nak Wese' apwányam Dios. Enxet apmopwána enxoho ey'asagkohok xa, ey'asagkoho'.

SAN MATEO 10:28

Nágkólé' aksa kéxegke énxet apmopwána nak hegakhek, mopwanchek eyke yakhek ma'a eghagák; akke tásek kólé' ma'a apmopwána nak yakhek negyókxa tén han ma'a eghagák, cham'a sẽlmaséseykenxa nak.

SAN MATEO 23:15

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Kólsawhekxohok cha'a kélweynchámeykha keso náxop, tén han ma'a wátsam ekwányam nak, yakwayam enxoho elyetlakxak énxet kéltémakxa kéxegke. Kélwet'ak agkok nahan énxet apyetleykekxa kéltémakxa kéxegke, kóltemésesek cha'a eyéméxko agko' kólya'aksek sẽlmasésamakxa xa énxet nak, kayeykhágwomhok cha'a yakwánxa kóltemésesek kéllegasáseykegkoho kéxegke xa énxet'ák nak.

SAN MATEO 16:26

¿Kapasmoya énxet ekmassegwokmo enxoho ektémakxa apyennakte m'a apweté nak ekyókxoho aksok keso náxop? Mopwanchek eyánmagkasek énxet xama aksok yakwayam étak apyennakte.

SAN MATEO 5:22

Wánxa agkok, ektahak ko'o seláneya kéxegke s'e: kéxegke ektahakxa enxoho kéltaknagko kélyáxeg, kólsexnánéxchek sat, keñe sat ma'a ektahakxa enxoho kélwanyeykha kélyáxeg, kólyekpelkohok sat nápakta'awo' énxet'ák ekyawe nak kéláyo; keñe kéxegke kéltaha nak kélyeykáseykhaxma kélyáxeg, kapayhohok sat yakwayam kólmahagkok ma'a megkaspóneykxa nak táxa.”

SAN MATEO 23:33

“¡Yéwa kéxegke! ¡Kélhawók kéxegke yéwa! Megkólwanchek sat kéxegke kólegketaxchek ekwa'a sat ma'a kéllegasáseykegkoho eñama nak ma'a sẽlmaséseykenxa nak.

SAN LUCAS 12:5

Altennaksek sat ko'o kéxegke m'a eyéméxko nak kólé': kólteme cha'a kélaye m'a Dios aptaha nak apmopwána hegya'aksek sẽlmaseseykenxa natámen segakhe. Nakso', kólteme cha'a kélaye Dios.

SAN MATEO 5:30

Kélánesek agkok megkólya'asáxma kélmek ekpayhókxa nak kélya'asamakxa, kólyaktén, kólyenyaw makhawo'. Tásek kaxyenmok xama ekyetno nak kélyókxa, yakwayam eykhe kasawhaxkohok kélyókxa kélyamasma sẽlmaséseykenxa nak.

SAN MATEO 11:6

¡Apkeleñémo agko' énxet apteme nak seyáyo ko'o!”

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.