27 “Kéllegayak axta kéxegke ektéma amya'a s'e: ‘Nágkóltawasha elyamhápeyak.’
“Kéllegayak kéxegke ektéma axta amya'a apkeláneymakpo kélyepmeyk nano' kéxegke s'e: ‘Nágyakha aksa pók, hakte énxet ektahakxa enxoho apchakhe pók esexnánékpok sat.’
“Kéllegayak axta kéxegke ektéma apkeláneymakpo kélyepmeyk nano' se'e: ‘Kólsawhoho sat kóllának ma'a kéltemésesa axta nakso' yakwayam kóllána' nápakto' Dios.’
“Kéllegayak axta kéxegke ektéma amya'a s'e: ‘kéllekesek agkok apaktek kélmók, payhawók kéxegkáxa kóllekkesek kélaktek, kélentásesek agkok nahan apma'ák kélmók, payhawók kéxegkáxa kólentásesek kélma'ák.’
“Kéllegayak axta nahan kéxegke ektéma amya'a s'e: ‘Yásekhoho pók etaknaw ma'a ektaha nak apkenmexeykha.’