SAN MATEO 5:22 - Lengua Sur (Enxet) Nuevo Testamento

²² Wánxa agkok, ektahak ko'o seláneya kéxegke s'e: kéxegke ektahakxa enxoho kéltaknagko kélyáxeg, kólsexnánéxchek sat, keñe sat ma'a ektahakxa enxoho kélwanyeykha kélyáxeg, kólyekpelkohok sat nápakta'awo' énxet'ák ekyawe nak kéláyo; keñe kéxegke kéltaha nak kélyeykáseykhaxma kélyáxeg, kapayhohok sat yakwayam kólmahagkok ma'a megkaspóneykxa nak táxa.”

SAN MATEO 5:22 Referans Kwoze

1 SAN JUAN 2:9

Apxénchek agkok enxama apha neyseksa elseyexma, etaknók eyke m'a apyáxeg aptémo xamo' nak mey'áseyam, makhemek makham apha neyseksa ekyaktesóxma.

SANTIAGO 3:6

Máxa táxa egaxkok negko'o, ekteme ekyetnamakxa agko' aksok ekmaso ektémakxa nak keso náxop, ekyetna nak han negyókxa. Cháxa eksawheykekxoho nak ekpeysegkeso negyókxa xa, megkaspóneykxa táxa nahan ektekkeso xa táxa nak, hentawasha nahan cha'a neyseksa negha keso náxop.

TITO 3:2

Neygyána aksa exének ekmaso pók énxet, yána sat keytek meyke ektahakxa apheykha, tén han etnehek ektakmeleykha apwáxok, yána nahan etnahagkok megkaleymáxkoho apwáxók nepyeseksa apyókxoho énxet'ák.

SAN MATEO 10:28

Nágkólé' aksa kéxegke énxet apmopwána nak hegakhek, mopwanchek eyke yakhek ma'a eghagák; akke tásek kólé' ma'a apmopwána nak yakhek negyókxa tén han ma'a eghagák, cham'a sẽlmaséseykenxa nak.

SAN MATEO 18:35

Aptahak axta anhan appeywa Jesús se'e: —Sat nahan etnésesek kéxegke Táta apha nak néten xa, cham'a kélyakmagkáseykxo enxoho aptemésesakxa kélmók, cham'a eyéméxko nak eykhe kóltehek ekmámnaksoho megkólyakmagkáseykekxa aptemésesakxa.

1 SAN PEDRO 3:9

Nágkólhésho cha'a mók kéltemésesakxa ekmaso, nágkólhésho nahan mók ma'a kélwanyencha'a enxoho, wánxa agkok kólmaxnéses aksa yakwayam enxoho epasmok Dios, hakte apkelwóneyha axta kéxegke Dios yakwayam kólxawak aksok eltakmela eleñama néten.

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

1 SAN PEDRO 2:23

Axta yátegmowágkok Jesús ma'a kélwanyeyncha'a axta, axta nahan epagkaneykha yakwayam exnéshok mók ma'a kéllegasáseykegkoho axta, wánxa agkok Dios axta eyke aksa apchásenneykekxa Jesús, aptaha nak segyekpelchémo ekmámnaksoho agko'.

SAN MATEO 18:21

Apya'aweykxeyk axta Pedro Jesús. Aptahak axta apkelmaxneyeyncha'a s'e: —Wese', ¿háxko sat ekwánxa atnehek mayakmagkáseykekxa setnésesakxa émók? ¿Ekweykmoho sieteya?

SAN JUDAS 1:9

Wánxa agkok, axta eyke ewanyeyha Miguel apkenmexa kelyekhama', cham'a apmeyawa axta Moisés aphápak ekmoko kamok, cham'a Miguel aptaha nak apkemha apmonye Dios apchásenneykha apkeñama néten. Wánxa axta aksa aptaha apcháneya s'e: “¡Wese' egegkok sat egkések ekyennakte appeywa enókasha!”

1 SAN JUAN 3:10

Kólya'asagkohok cha'a m'a énxet'ák apteme nak Dios apketchek, kólya'asagkohok nahan cha'a m'a énxet'ák apteme nak kelyekhama' étchek, hakte apyókxoho énxet melané nak nentémakxa ektakmela esenhan ma'a megyásekhayo nak apyáxeg aptémo xamo' nak mey'áseyam, háwe Dios énxet apagkok xa.

LOS HECHOS 17:18

Nápakha énxet'ák apkelxekmóso apnámokkok axta apkelpakhetcháseykpohok Pablo, cham'a énxet'ák apkeltamhomakpo axta epicúreos, axta anhan ma'a énxet'ák apkeltamhomakpo axta estoicos. Aptahak axta apkelpakmeta s'e: —¿Yaksak apxéna xa ekxákma nak appeywa? Keñe axta nápakha aptaha apkelpeywa s'e: —Pók dios aptekkesáseykha apwesey ko'o nek xa. Aptahak axta apkelpeywa énxet'ák xa, hakte axta apkeltennáha Pablo m'a amya'a ektakmela ekxeyenma nak Jesús, tén han ekxeyenma m'a apxátekhágwayam axta.

1 TESALONICENSES 4:6

Nágkóltawasagkoho aksa kélmók kólmawho kóltemesesamhoxma aptáwa eñama kéllané xa ektéma nak mansexta, hakte kayhek cha'a katnehek senlegasáseykegkoho Wese' egegkok eñama nenlané ekyókxoho xa, ekhawo m'a nentahakxa axta neláneya kéxegke.

SAN MARCOS 14:55

Aptegyágkek axta amya'a yakwayam yának emátog Jesús ma'a énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apyókxoho énxet'ák ekyawe nak kéláyo. Axta eyke ét'ak yakwánxa etnésesek.

SAN MATEO 26:59

Aptegyáha axta amya'a megkamámnaksoho yakwayam yának emátog Jesús ma'a énxet'ák apkelámha apmonye'e axta appasmo apkelmaxnéseso Dios énxet'ák apagkok, tén han ma'a énxet'ák ekyawe axta kéláyo.

SAN JUAN 11:47

Keñe axta apchánchesákxo énxet'ák fariseos tén han apkelámha apmonye'e appasmo apkelmaxnéseso Dios énxet'ák apagkok ma'a kelwese'e ekha nak kéláyo. Aptahak axta apkelpakmeta s'e: —¿Háxko sat antehek negko'o? Xámagkek apkelané aksok sempelakkaso agweta' ma'a énxet nak.

APOCALIPSIS 20:14

Keñe axta kélyenyawa neyseksa táxa m'a ektémakxa nak wese' nétsapma, cham'a ektahakxa nak ánet nétsapma,

LOS HECHOS 7:37

Cháxa Moisés aptéma axta anhan apkenagkama énxet'ák Israel se'e: ‘Dios sat etekkesek xama énxet Dios appeywa aplegaso kélnepyeseksa kéxegke sekhawo nak ko'o.’

SAN LUCAS 12:5

Altennaksek sat ko'o kéxegke m'a eyéméxko nak kólé': kólteme cha'a kélaye m'a Dios aptaha nak apmopwána hegya'aksek sẽlmaseseykenxa natámen segakhe. Nakso', kólteme cha'a kélaye Dios.

SAN MATEO 5:44

Akke ektahak ko'o seláneya kéxegke s'e: Kólásekhoho m'a énxet'ák apkenmexeykencha'a nak kéxegke, kólmaxnéses nahan ma'a énxet'ák ektahakxa enxoho apmenxeneykha kéxegke.

SAN MATEO 5:34

Wánxa agkok, ektahak ko'o seláneya kéxegke s'e: Nágkólteme aksa kéltemésesa enxoho ekmámnaksoho kélpeywa s'e ektaha nak. Nágkólxén aksa ektaha ekweteykegkoho néten kéltemésesa enxoho ekmámnaksoho kélpeywa, hakte Dios aphamakxa m'a;

SAN MATEO 3:17

Legáxchek axta kélpeywa eñama néten, entahak axta s'e: “Keso hatte seyásekhayo nak ko'o s'e, selyéseykha ahagko' axta.”

1 SAN JUAN 5:16

Apwet'ak agkok enxama apkelana mey'asáxma apyáxeg aptémo xamo' nak mey'áseyam, cham'a magya'asáxma mehegya'asamol'a nétsapmakxa, kéméxchek elmaxnésesek, Dios sat egkeyásekxak apyennakte xa egyáxeg nak, megkatnaha enxoho m'a mólya'asáxma segya'asamol'a nétsapmakxa. Yetneyk mólya'asáxma segya'asamol'a nétsapmakxa, akke axénak ko'o eyéméxko kólmaxnésesek énxet apkelané nak mólya'asáxma segya'ásamol'a nétsapmakxa.

SANTIAGO 2:20

Ná etne ekyéháxma', ékpelkoho exchep ma'a enxama ekyetna enxoho mey'áseyam meyke apkelané aptamheykha xama enxoho, mékoho katnehek ma'a ektémakxa nak mey'áseyam.

HEBREOS 12:25

Kólawho sat kéxegke, nágkóltaknaw aksa m'a ektaha nak sẽltennaso xa. Hakte axta elegketamakpok ma'a énxet'ák ektaha axta aptaknagko Dios appeywa, cham'a apmésa axta eykhe appeywa Dios apkeltennasa eyesagko aptamhágkaxa neyseksa apheykha makham keso náxop. Negko'o sat eyke ekyagwánxa agkok magmowána ólegketaxchek, cham'a maghaxno enxoho aptahakxa segméso appeywa seltennasa eyesagko nentahakxa m'a apkeñama nak néten.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

1 CORINTIOS 6:6

Háwe ekwánxa agkok xa apkelnapmap nak ẽlyáxeg aptémo xamo' nak mey'áseyam, wánxa agkok apkelsókok eyke nahan cha'a apkelátegmomap nápakta'awo' ma'a énxet'ák segyekpelchémo metné nak mey'áseyam Cristo.

LOS HECHOS 5:27

Xama axta apkelwákxo makham ma'a, apnaklákxeyk axta énxet'ák seykha amya'a nápakta'awo' aphágkaxa m'a énxet'ák ekyawe kéláyo nak. Aptahak axta apkeláneya apkemha apmonye appasmo apkelmaxnéseso Dios énxet'ák apagkok seykha amya'a s'e:

SAN JUAN 15:25

Temék ekyókxoho xa, hakte megkatnehek megkatné ektémakxa nak eknaktáxésamaxche segánamakxa apagkok xa énxet'ák nak, ektéma nak ekpeywa s'e: ‘Etaknókek ko'o énxet'ák meykexho eñamakxa.’

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN JUAN 7:20

Aptahak axta apkelátegmowágko énxet'ák se'e: —¿Yaksak ekmoko kakhek xép? ¡Kelyekhama' taxnak apwáxok xép!

SAN MARCOS 15:1

Axto'ok agko' axta apchaknákxo apkelámha apmonye'e nak appasmo apkelmaxnéseso Dios énxet'ák apagkok yetlo m'a apkelámha apmonye'e nak apchakneykekxexa énxet'ák judíos, tén han ma'a apkelxekmóso nak apnámokkok ektémakxa segánamakxa, axta anhan ma'a apyókxoho énxet'ák ekyawakxa kéláyo nak. Kélyentegkek axta Jesús yetlo kélnaktetcheso apmék aphakxa Pilato.

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

SAN MATEO 23:33

“¡Yéwa kéxegke! ¡Kélhawók kéxegke yéwa! Megkólwanchek sat kéxegke kólegketaxchek ekwa'a sat ma'a kéllegasáseykegkoho eñama nak ma'a sẽlmaséseykenxa nak.

SAN MATEO 23:15

“¡Kéxegkel'aye kéltaha nak kélxekmóso kélnámokkok ektémakxa segánamakxa, tén han kéxegke kéltaha nak fariseos, kéltaha nak kélmeyókásamáxkoho kélagko' kéltémakxa! Kólsawhekxohok cha'a kélweynchámeykha keso náxop, tén han ma'a wátsam ekwányam nak, yakwayam enxoho elyetlakxak énxet kéltémakxa kéxegke. Kélwet'ak agkok nahan énxet apyetleykekxa kéltémakxa kéxegke, kóltemésesek cha'a eyéméxko agko' kólya'aksek sẽlmasésamakxa xa énxet nak, kayeykhágwomhok cha'a yakwánxa kóltemésesek kéllegasáseykegkoho kéxegke xa énxet'ák nak.

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN MATEO 12:24

Xama axta apkelleg'a énxet'ák fariseos xa, aptahak axta apkelpakmeta s'e: “Kelyekhama' wese' agkok ekwesey Beelzebú nak ekméso apmopwána yakwayam elántekkesek kelyekhama' xa.”

SAN MATEO 10:17

Katneykha sat kélwáxok, hakte kólnaklók sat kéxegke aphágkaxa m'a kélwese'e ekha nak kélyaheykekxoho, kóltekyawha sat nahan ma'a kañe' tegma apchakneykekxexa nak énxet'ák judíos,

SAN LUCAS 22:66

Xama axta elsaka, apchaknákxeyk axta énxet'ák judíos apkelámha apmonye'e nak kélakneykekxexa, tén han ma'a apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso axta apnámokkok ektémakxa segánamakxa, keñe axta kélyentama Jesús aphágkaxa m'a kelwese'e ekyawe nak kéláyo, entahak axta amya'a kélmaxneyeyncha'a s'e:

LOS HECHOS 4:15

Kéltamhok axta elántépok neyseksa apchakneykekxa énxet Pedro tén han Juan, keñe axta apkelpakhetcháseykpoho xa énxet'ák nak.

LOS HECHOS 5:21

Mók ekhem axta entahak, apkelmeyákxo tegma appagkanamap, axto'o axta m'a, apkelxekmósek axta énxet'ák ekhawo m'a ektahakxa axta amya'a apkeláneyákpo. Keñe axta apkeláneyeyncha'a apkelámha apmonye'e énxet'ák Israel ma'a ektaha axta apkemha apmonye appasmo apkelmaxnéseso Dios énxet'ák apagkok, tén han ma'a apkelxegexma'al'a, apkeltamhok axta elának apchakneykekxa apkelánamákpoho apkeleñama axta nepyeseksa énxet'ák ekyawe nak kéláyo, apkeltamhok axta anhan kólántekkesekxak énxet'ák seykha amya'a m'a kañe' sẽlpextétamakxa yakwayam enxoho kólnaklantak aphágkaxa.

LOS HECHOS 6:12

Cháxa aptamhágkaxa axta apyennegkesáxma apkellókasa énxet'ák xa, tén han ma'a apkelámha apmonye'e nak kélakneykekxexa, tén han ma'a énxet'ák apkelxekmóso nak ektémakxa segánamakxa; axta keñamak apmákpo Esteban xa, kélyentamákxeyk axta anhan nápakta'awo' apheykegkaxa m'a énxet'ák ekyawe nak kéláyo.

LOS HECHOS 6:15

Xama axta apkelano Esteban ma'a énxet'ák ekyawe nak kéláyo apchaknákxo axta m'a, tén han ma'a apyókxoho énxet'ák nak, apwet'ak axta ektaha nápát Esteban ma'a ektémakxal'a Dios apchásenneykha nápát.

LOS HECHOS 22:30

Mók ekhem axta entahak apkeltamho ey'ásegwomhok ektakmela sẽlpextétamo apwese' ektahakxa apsexnenagko énxet'ák judíos ma'a Pablo, kélhexyawásesek axta apmék cadenas kélpexteté axta, keñe axta apkeltamho yaknekxak énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a apyókxoho kelwese'e nak. Kéltekkesek axta Pablo, keñe axta kélchenegkesekmo nepyeseksa xa énxet'ák nak.

LOS HECHOS 23:1

Apkelanawók axta Pablo xa énxet'ák ekyawakxa nak kéláyo. Aptahak axta apkeláneya s'e: —Elyáxeg, méko cha'a ko'o ektémakxa elchetamso ewáxok nápakto' Dios.

LOS HECHOS 24:20

Mopwanchek agkok apmoko hesexnenak xa énxet'ák nak, akke kéméxchek exének xa énxet'ák apheyncha'a nak se'e, cham'a apwetaya enxoho seláneya aksok ekmaso, cham'a sekwokmo axta nápakta'awo' énxet'ák judíos ekyawe nak kéláyo.